مريم نصار

غلط..كل الحكايه إني بحب أتصرف ع طبيعتي..

لما بشوف حاجة تفرحني بحب افرح وافرح كل اللي حواليا.

تيم بالذات كان اخ بجد عمل علشاني حجات كتير جدا. ف الوقت اللي كنت بحتاج فيه ل بابي وهو مسافر.

تيم متربي معايا عمره ماقال لمامي ياخالتو.. لأنه بيعتبرها مامته..

أخدت عليه أنه أخويا الكبير..لكن بحدود.. لا عمري حطيت أيدي ف أيدو ولا تجاوزت معاه اي حدود شريعتي وإسلامي..

تيم ده بفضله حماني من مدرس معډوم الضمير كان بيضحك على البنات.. وخلاني مروحش السنتر تاني. وحجزلي في مكان تاني..

آركان لما بتقابله مشكله كان تيم بيبقى أول واحد موجود..

تيم هو اللي وقف جمب مامي وقت ولادة آيان محدش غيرو. وكان قد المسؤلية..

تيم بالنسبالنا كان مهون علينا إحساس فراقنا ل بابي وكله بردو بحدود..

يبقى ع الأقل نقدم ليه الإهتمام والتقدير ع وقفته جمبنا. مش نتجاهله بما أني اتجوزت..!!!

آدم مراد بيسمعها ومستمتع للحديث معاها وهى بتتكلم بعقلانيه..و أبتسم وقال..

 تعرفي لما بتتكلمي وانتي عاقله بشوف فيكي عمتو لارين..

بس بحن لطفولتك بسرعه.. آرين..!! أنا عارف كل ده. ولاني بحبك كنت عارف كل تحركاتك.. وعارف تيم عمل ايه علشانكم.. وانا مقولتش حاجه..

كل اللي عايزه منك تكوني هاديه أكتر من كدا ف وجود أي شاب من شباب العيله..مش تيم وبس..

طيب أنا هقولك على حاجه..

لو ليليان أو چود كل ما يشوفوني يهيبرو ويتنططوا لما يشوفوني.. أنتي هتحسي بأيه وقتها

آرين بتتخيل الموقف..واضايقت وحست بالغيره.. لكن ساكته..

آدم مراد أبتسم ل ريأكشن وشها.. وقال..

 اهو هو ده إللي ببقى عايشه وحاسه.. آرين أنا بحبك.. والحب غيرة. والغيرة غريزه. والمفروض أنتي أكتر واحده تكوني عارفه حاجه زي كده.. لأن خالى فهد أكتر واحد بيغير ع أهل بيته..

أنتي حبيبتي ومايهونش عليا أشوفك مضايقه وزعلانه.

آرين بمرح..اووووكي أنا بقيت كويسه..نطلع على المول بقى نعمل شوبنج..

آدم مراد فتح عينيه بدهشه وقال جواه..هى اذاي في ثانيه كدا..!!

آرين بمكر..بتقول حاجه ياديزل.. هههههههه

آدم مراد بقول هتجنني الديزل قريب يا آرين..!!

بقلمي مريم نصار.

فيلا تيم عزيز..

ف جناح تيم..

ميرو حست بالتقصير تجاه تيم..وحاولت أنها تنيم جنى. وفعلا نيمتها..وقررت تلبس طقم. وتتشيك..

وبعد مالبست واقفه قدام المرايا بتعمل ميكب وتسرح شعرها..

تيم طالع ع السلم وبيصفر.. ودخل الجناح.. وأبتسم من جمال حبيبتة اللي واحشاه جدآ.. وعاشوا وقت مميز مابين اعتراف بتجديد العشق..

بعد فتره

تيم واخد ميرو ف حضنه.. وبيضحكوا مع بعض.. وجه إتصال ل تيم من المستشفى..

ميرو سابته يتكلم..و قامت أخدت شاور..وخارجه من الحمام. وقعدت قدام التسريحه..

وبتنشف شعرها ومبتسمه من معاملة تيم..

تيم دخل بعدها ياخد شاور..

ميرو سرحت شعرها.. وصلت القيام.. وبعد الصلاه لبست بيجامه.. وراحت قعدت ع السرير وجابت المصحف.. وانتبهت لحاجه وقعت ع الأرض.. وبصت تشوف ايه اللي وقع..وكان شريط منع الحمل..!!!

ميرو فتحت عينيها پصدمه كبيره. وافتكرت إن دي تاني مرة ف نفس الشهر تنسى تاخد منه وقالت بقلق..يا الله.. أنا نسيت خالص. ياترى ممكن يحصل حمل لأ لأ إن شاء الله مش هيحصل دلوقتي.. دي جنى لسه متمتش سنه..!!!

بقلمي مريم نصار..

تاني يوم..الساعه أربعه مساءا

فيلا الديزل..

آدم مراد نايم..

آرين بتصحي آدم..وقالت بتذمر..

 يا آدم قووووم بقى..

آدم مراد فتح عينيه.. وقال..

 إيه يا آرين ف ايه

آرين بقلة صبر.. الساعه أربعه.. قوم بقى نشوف هدية تيم..ولسه بليل ورانا مشوار عند ناناه ملك.

آدم مراد اتعدل..ومسح وشه بايديه..

آرين قربت من وشه وقالت.. ببراءة فوقت ثح ثح..

آدم مراد ضحك ولعب في شعرها..وقال.

 أيوه يامجنونه فوقت..

آرين طيب خدني ع حجرك بقى نشوف الهديه ههههه..

آدم مراد شدها لحضنه وقال.. مكانك ديما.. فين بقى الهديه اللي هتجننك دي..

آرين قاعده ف حضنه..وقالت.. اول حاجة عايزه أقولك إن مامي عجبتها جدا الاسورة إللي أنت جبتهالي أمبارح..

آدم مراد وقال..

 وتاني حاجه

آرين بسعاده..نشوف بقى الهديه..

وفتحت البوكس..وفتحت عينيها بدهشه.. وهمست بإنبهار وقالت..

 واو مش معقوول.. آدم شايف اللي أنا شايفاه..

آدم مراد أبتسم وقال..

 منكرش فعلا أنها هديه جميله ومميزه..

الهديه كانت عباره عن برواز كبير.. وفيه كروت معايده ل آدم و آرين لتيم عزيز..

وصور ل آدم و آرين وهما صغيرين.. ومعموله فوتوشوب آدم جمب آرين ف كل صوره.. ومكتوب ع البرواز من الجمب. زكريات من زمن فات

وع ضهر البرواز كاتب تاريخ الصور وتاريخ جواز آدم و آرين..

آرين عيونها لمعت..وبصت ل آدم وبتضحك بدموع.. وقالت عجبتني اوي يا آدم..!!

آدم مراد رجع شعرها وقال..

 وعجبتني أنا كمان ياحبيبتى.

آرين ف لحظة حنين.. بحبك اوى يا آدم..

آدم مراد قرب منها وقال.. وأنا بعشقك ياضي آدم.

بقلمي مريم نصار.

بعد أسبوعين..

مجموعة العدوي..الساعه ١ ظهرا

آدم ها يازين عملت ايه

زين بحيرة والله ياحج الاجهزه الاخيره فيها صعوبات كتيره.. ويوسف والمهندسين بيقولوا محتاجين ع الأقل ١٠ شهور كمان..

آدم قال بهدوء.. ولو حتى سنه..مفيش أي مشكله..

زين بقلق..ازاي بس يابابا..دي موافقة براءة الاختراع لوحدها عايزه حوالي ست شهور ع الأقل..

آدم بتفهم..طيب يا زين يابني فين المشكله. لعله خير إن شاء الله.. سيب كل حاجه تمشي زي ما ربك مدبرها