مريم نصار

الفرح..وخليه بقى يفرقع زي ما أنا هفرقع..

فيلا العدوي..

آدم مراد واقف قدام البيسين..ورافع عينيه لبلكونة آرين..ومتغاظ أنها مابتنزلش..لكن أبتسم بصمت..وقلع التيشرت.. ونط في البيسين..!!!

بقلمي مريم نصار.

يوم الفرح الصبح.

عند فهد.

رينو صحيت وقامت بنشاط وحماس..وبتصحي فهد ومالقتوش جمبها.. وقالت..

أكيد راح ل آرين يصحيها.. ولبست الروب..وخرجت.

..لكن شافت فهد واقف في المطبخ ومربع أيديه وسرحان.. والقهوة بتغلي..وجريت قفلت الڼار عليها..وقالت..فهد مش تخلي بالك..القهوه ادلقت.

فهد أنتبه..وقال. آسف سرحت ڠصب عني..

رينو ولا يهمك ياحبيبى..هعملك غيرها.. وراحت وقفت قدامه وقالت.. لسه زعلان ع فراق آرين. مع إن مفيش فراق دي في البيت اللي جمبك على طول..

فهد أبتسم وقال. لأ مش زعلان..لكن هنا زعلان..وشاور ع قلبه..وقال..

هنا افتكر حجات كتير جدا من أول يوم شيلت فيه آرين لحد دلوقتي..

آريني كبرت بسرعه كبيره..ههه كبرت وكأنها اتخطفت مني من غير ما أشبع منها. وانهردا هتكون في بيت حد تاني..

رينو هزت راسها بضحكه..وقالت..نو نو. مش حد تاني. إسمه آدم المرعب ههههه.

فهد بضحكه.. آرين قالت الحقيقة واد مرعب بجد. بس تعرفي بعد إللي عمله. وأنا مش لاقي فيه عيب

رينو بتذمر.. أيوه ومين يشهد للعريس..ماهو عمل كل حاجه وشكلها كدا ع مزاجك..

أنت فرحت لما قرر أنه يعمل الفرح هنا وكمان بنتك مش هتروح بيوتي سنتر ولا هتحط ميكب. والسيشن كمان في جنينة الفيلا بتاعة آدم.. اول مرة اشوفك مبسوط من قراراته..

فهد بيرتب شعرها وقال بإبتسامة حب.. طبعا مبسوط..واحد بيغير على بنتي وقدر يعمل اللي أنا بتمناه يبقى ليه مقتنعش..

رينو خطفت بوسه من خدو..وقالت.. أيوه كدا أضحك يافهد..وخلي انهردا يوم مميز..

فهد بتعجب..بس أنتي فرحانه اوي..ومش حاسك مضايقه..

رينو بتأكيد.. طبعا فرحانه اوي اوي اوي كمان.. بنتي هتتجوز من الشخص اللي شافت فيه أنه نسخه من باباها وكمان هتعيش جمبي. وهيحافظ عليها. يبقى أزعل ليه دانا من فرحتي عايزه ازغرد. هههه.

فهد أبتسم وقال. أنا فاكر اول مرة عملتيها. وأنا عاقبتك عليها..

رينو مثلت الغيظ..وقالت امتى بقى أنا عمري ما عملتها أصلا..ومش فاكره حاجه زي كده..

فهد همس ف ودنها وقال..يوم خطوبة الدكتور محمد عزيز ف جنينة فيلا الصاوي..

رينو كشرت عينيها وقالت ياااااه.. أنت لسه فاكر يافهد

فهد أي حاجه تخص نجمتي عمري ما أنساها..

رينو حبيبي يافهد ربنا يباركلي فيك..بقولك ايه بقى.. روح انت صحي المجنونه.. وأنا هصحي آركان و آيو و هعملك القهوة والفطار..

فهد بتنهيده..وقال..عايزاني أنا إللي أقوم بالدور ده

رينو أبتسمت.. آرين هتفرح أكتر لما تفتح عينيها وتشوفك جمبها..

فهد باس جبينها وأبتسم..وسابها واتحرك..

رينو باصه عليه..وعيونها لمعت بدموع.. وراحت تصحي ولادها..

فهد خبط ع آرين..ومردتش.. وفتح الباب بشويش ودخل..

وڠصب عنه أبتسم على شكل نومها والغطا ع الأرض وشعرها ع وشها وفردا أيديها الأتنين..

فهد شال الغطا.. وحطه عليها..وقعد جنبها..ورجع شعرها وقال.. آرين..

آرين !!!

فهد بابتسامه.. آرين ياحبيبتي اصحي..

آرين !!!

فهد بتنهيده.. آرييين قومي ياحبيبتي الساعه ٩

آرين بدأت تفوق.. واتعدلت بنوم..وقالت صباح الخير يا بابي..

فهد أبتسم ورجع شعرها وقال..صباح الورد ياقلب بابي..

آرين أبتسمت وقالت..ياااه أجمل حاجه في الدنيا إني أفتح عينيا الاقي حضرتك اللي بتصحيني.. وحضنته..

فهد ضمھا لقلبه وڠصب عنه عيونه لمعت وقال بغصه.. وأنتي أجمل حاجه في الدنيا..

آرين خرجت من حضنه وقالت بمرح.. طبعآ أنا اجمل علشان أنا بنت حوت المخابرات فهد السيوفي..

فهد بضحكه.. طبعا يلا بقى قومي خدي شاور وصلي وأنا ومامي هنجهز الفطار..علشان..

وكمل بۏجع علشان تلحقي تفطري قبل ما البنات يوصلوا تحت عند جدك وتنزلي.

آرين عيونها لمعت وقالت..بابي أنت لسه زعلان علشان هتجوز..

فهد أبتسم بتمثيل..وقال..مين قال كدا أنا فرحان جدآ إن آريني كبرت وهتبقى أجمل عروسه في مصر والعالم كله..

وقام وقف قبل ما يضعف ويبكي.. وقال.. أنا هروح أشرب قهوتي..وسابها وخرج..

آرين بزعل.. أنا حاسه بيك يا بابي أكيد أنت زعلان إني همشي واسيبك..بس ده مش هيحصل إني أبعد عنك.. بابي أنت مثلي الاعلى وعمري ما أحب حد قدك أبدا وهفضل فراشة الحياة بالنسبالك لحد ما تزهق أنت مني..

فهد واقف جمب الباب وسمع كلامها وأبتسم.. وقلبه استريح شويه..

آركان صحي ودخل ياخد شاور..

رينو شايله آيان وبتلاعبه وهي في المطبخ..وقالت. مين حبيب مامي..

آيان ببراءه آيو حبيب ماما حبيب بابا وبابا جدو و ألين و آكان وجنى.

رينو وقالت..جنى وحشه.

آيان صړخ.. لااا جنى بيبتي..اسكتي مااااماااا..

رينو ههههههه يخلاثي أنا ياناس ع العصبي الصغنن.

فهد جه وشال آيان على كتفه..وقال صباح الخير يا عم آيان..

آيان نزل راسه وباس فهد وقال. باح خيل بابا.

فهد بضحكه صباح الورد والفل ياحبيب بابا..

رينو اتفضل يا حبيبي قهوتك. وخمس دقايق والفطار يجهز..

فهد نزل آيان..

آيان جري ع اوضة آرين..

فهد بيشرب القهوة وقال..ليه مابعتيش لعزه تساعدك في البيت..

رينو تؤ انا كدا مستريحه.. لكن طبعا ست الحبايب مامي بتبعتها مرتين في الاسبوع تظبطلي البيت وأنت في الشغل..

فهد هز راسه بتفهم..

رينو كشرت عينيها وقالت. في صوت دوشه مش كدا

فهد أممم دول مصممين الحفله.. جايين يظبطوا كل حاجه.

رينو تمام.. بس تعرف يافهد فستان آرين تحفه جدا هو زمانه ع وصول. بجد أنا