قصه جديده

التسجيلات دي كلها عشان تتأكد أن حالتك ساءت ووصلت لمرحلة مبقاش ينفع علاجها غير بالمصحة النفسية.
أمسك مالك بوالده يمنعه من الرحيل وقال
استنى يا بابا خليني أفهم إيه الحكاية بالظبط وبلاش تسيبني تايه كده وحاسس أني مش فاهم حاجة.
انسحب عماد بعدما أزاح ابنه من طريقه وغادر الشقة وترك مالك بمفرده حتى يستمع إلى التسجيلات ويدرك حقيقة أفعاله.

كلما انتهى مالك من سماع تسجيل تزداد صډمته مما يقوله لوالده وكانت الطامة الكبرى بالنسبة له عندما سمع تسجيل المكالمة التي دارت بينه وبين خميس قبل حاډث أحمد فقد تأكد حينها أنه كان المسؤول بالفعل عن محاولة قتل ابن عمه.
عاد عماد إلى منزله واستقبلته أحلام واضعة يديها حول خصرها متسائلة بضيق
عملت إيه مع مالك
أخبرها عماد بكل ما جرى فصړخت في وجهه بصوت حاد أصاب ابنها الصغير بالفزع
يا فرحتي بيك يا حبيبي هو ده اللي ربنا قدرك عليه! كتر خيرك بجد والله أنت فعلا حليت الأزمة تعالى بقى اقعد جنبي هنا واستنى لما المحروس ابنك يرتكب چريمة قتل وبعد كده ابقى روح امسكه من إيده بالعافية ووديه المصحة.
زمجر عماد بعصبية فهو قد أصابه التعب من كثرة التفكير في حل لمشكلة ابنه ولا ينقصه تقريع زوجته وعدم تقديرها لموقفه
حرام عليك بقى يا أحلام كفاية عليا اللي أنا فيه أنت يعني شايفة أني في وضع يخليني أستحمل كلامك اللي زي السم.
أطلق عماد تنهيدة حارة وأكمل حديثه بعدما جلس وخلع سترته
مكانش قدامي أي حل بعد ما فضل ينكر حالته وصمم أنه كويس غير أني أسيبه لوحده يسمع التسجيلات عشان أخليه يقتنع بمرضه وأستنى لما هو يجي لحد عندي ويقول بكامل إرادته أنه محتاج يدخل مصحة.
شعرت أحلام بالسوء من نفسها لأنها قست على زوجها وقامت بلومه على أمر ليس له دخل به فهو ليس المسؤول الرئيسي عن الحالة التي وصل إليها مالك وإنما المسؤول عن هذا الأمر هي نسرين التي كانت تشتته دائما منذ مرحلة طفولته وتطلب منه القيام بالشيء وعكسه في الوقت نفسه.
لقد كانت نسرين تغرس في رأس مالك فكرة أن الجميع يكرهه وأولهم والده وعلى الجانب الأخر كان أفراد العائلة يعاملونه بشكل جيد وهذا الأمر تسبب بظهور بوادر انفصام في الشخصية تفاقمت عنده بعد ۏفاتها ورؤيته لحقيقة أنها مكروهة من جميع المحيطين بها بسبب أفعالها الخبيثة وليس لأنهم يغارون منها مثلما كانت تزرع داخل عقله.
أخذت فادية تمرر قطع الثلج على كدمات آية وهي تدعو على مروة التي جعلت ابنها يتشاجر معها من أجلها
حسبي الله ونعم الوكيل فيك يا مروة يا بنت شيماء روحي يا شيخة إلهي أشوف فيك يوم يا بعيدة.
تحدثت آية من بين بكائها وهي تتأوه بسبب ألم كتفها
شوفتي يا ماما أنا بقى بيجرالي إيه هنا في البيت وأنت موجودة كل اللي بيحصل ده يبقى ولا حاجة قدام اللي بيحصلي لما أنت بتبقي بايتة برة البيت عن واحدة من أخواتك.
ضړبت فادية كفيها هاتفة بغيظ ارتفعت وتيرته بعدما تذكرت مواقف ابنها الذي يقف لها دائما بالمرصاد كلما فكرت في تقريع مروة على تصرفاتها السيئة
العيب مش عليها يا بنتي العيب على ابني اللي سايبها تتفرعن علينا لأن أنا معرفتش أربيه.
أخذت فادية تبكي بشدة وهي تردد بحسرة ناظرة أمامها إلى صورة ياسين وهو يقبل رأسها
أنا خلاص مبقاش عندي أي أولاد بعد ما ياسين ابني راح وقهر قلبي على مۏته وهو في عز شبابه هو اللي كان حنين عليا وعمره ما زعلني مش زي عمرو اللي ماشي زي الدلدول ورا مراته الجاحدة اللي مقسية قلبه عليا.
لوت آية ثغرها وتفاقم الغيظ بداخلها بعدما جلبت فادية أمامها سيرة ياسين الذي كان لا يفعل أي شيء إلا بعدما يأخذ استشارة والدته حتى في الأمور الشخصية المتعلقة بحياتهما الخاصة.
ربتت فادية على ذراع آية قائلة بهدوء بعدما كفكفت دموعها
سيبيني لوحدي دلوقتي وقومي يا بنتي روحي ارتاحي في شقتك بما أنك تعبانة وبلاش تعملي أي حاجة النهاردة.
امتثلت آية لأمر فادية وتمتمت بتهكم أثناء صعودها إلى شقتها
ده إيه المرار الطافح ده يا ناس أنا مشوفتش في حياتي واحدة طبيعية نفسها يبقى ابنها واحد أهطل وغبي وملهوش شخصية زي