حب مشروع قصه كامله
المحتويات
بكره زي دلوقتي
ايمن والدي والدي مټوفي انا ووالدتي بس مع بعض.. عمي مع احترامي ليك بس صعب قوي اللي حضرتك بتطلبه
عم سعيد وصعب اللي انت عملته وډمرت بيه حياه خمس بنات اعتقد ده عدل انك ترتبط بواحده فيهم وتنقذ مستقبل الاربعه الفاضلين... وبعدين ربنا حللك 4 وقال مثني وثلاث ورباع يعني انت ممكن تتجوز تاني وتبقي اخدت ثواب بنتي وانقذت اخواتها وانت مضيعتش شبابك برضه
عم سعيد انا بقولك لو عايز فكر وخد وقتك
ايمن طيب بس هجيلك بعد ثلاث ليالي مش بكره
عم سعيد ليه ثلاث ليالي
ايمن مشي وحس ان الدنيا بتضيق عليه
اول ماهو خرج البنات وامهم هجموا علي ابوها وحبيبه واقفه ساكته
عم سعيد مالك يا حبيبه
حبيبه بتخليني اتعلق بيه ليه لما انت هتمشيه برضه في الاخر عمره ابدا ما هيوافق ابدا
امها زينب يوافق انت شردت البنت طيب قول حاجه واحده يتجوز فيها ايه العاميه والخرسه والطرشه دي يعني لاتتكلم ولا تسمع ولا تشوف يا راجل حرام عليك
عم سعيد مش قولتلك يا حبيبه انه لو وافق هيشيلك جوه عنيه العمر كله
حبيبه. ده لو وافق
كلهم بصوله باستغراب غيره مين
حبيبه فهمت ابوها وهيا اللي ردت
حبيبه انت بتشبه ايمن بأبو الامام حنيفه
عم سعيد كان شاب فقير ۏجعان جدا وهو ماشي لقي بستان تفاح واكل واحده وبعد ما اكلها خاف من ربنا فراح لصاحب البستان وطلب يسامحه وصاحب البستان رفض وفضل وراه يستسمحه وهو رافض
حبيبه وانت بقي مستنيه يعمل كده
عم سعيد هتشوفي تعالي شيلي الكوبايات دي واعمليلنا شاي يالا
حبيبه شالت الكوبايات ودخلت المطبخ
سميه انتي بتشربي كوبايته
سميه ده حب بقي ولا ايه
قعدت جنبها حبيتيه
حبيبه اتمنيته بس خلاص بقي
سميه مش يمكن يوافق
حبيبه انتي شايفه كده
سميه ممكن وبعدين بابا قاله انه حر يتجوز تاني يعني مقفلهاش في وشه قوي
حبيبه يعني العاميه والخرسه والطرشه يتجوز فيها ايه دي
فضل يسأل نفسه معقوله ماټ ودي الجنه
البنت
حست بيه وبصتله وابتسمت ابتسامه طيرت عقله منه ومدت ايدها ليه فهو استغرب وبص حواليه يتأكد انها ماده ايدها ليه هو
البنت ايوه انت بتبص حواليك ليه
ايمن مد ايده وقعد جنبها ولسانه معقود من اللي هو فيه
البنت بتبصلي كده ليه
ايمن انا مېت صح ودي الجنه وانتي من الحور العين صح كده
البنت ضحكت بصوتها وجننت ايمن اكتر واكتر
البنت لا انت ما متش
ايمن امال انا فين
البنت انت في مكان جميل
ايمن وانتي مين
البنت انا ملكك
ايمن ملكي انا ازاي
البنت تعال معايا عندي ليك هديه
مسكت ايده ومشيت وهو وراها لحد ما وقفت قدام حاجه زي ورده كبيره مقفوله
لمست الورده بايدها فاتفتحت وكان جواها بنوته صغيره بيبي بس اجمل مايكون وعندها اجمل ابتسامه
ايمن ما قاومش البنت فمد ايده وشالها
البنت دي كمان ملكك احنا الاتنين ملكك لو انت عايز
ايمن طيب ازاي الاقيكي فين
فتح عنيه لقي نفسه في اوضته وعلي سريره وامه واقفه بتصحيه
ايمن بتصحيني ليه يا امي حرام عليكي
فاطمه الفجر بيدن قوم يالا مش هتصلي الفجر يالا
ايمن هصلي يا امي هصلي
قام قعد في سريره
فاطمه يا واد قوم يالا هتتاخر
ايمن حاضر قايم قايم اهوه حاضر
قام وراح صلي ورجع وقعد مع امه
فاطمه كنت بتعمل ايه لما صحيتك وزعلت ليه
ايمن مكنتش بعمل حاجه... صفوا نيتكم بقي
امه ضړبته علي صدره وضحكوا
ايمن كنت في الجنه ومعايا واحده من الحور العين
فاطمه الحور العين حته واحده
حكالها حلمه كله
فاطمه طيب اعتقد البنت الصغيره في الحلم رزق حلو ودنيا حلوه
ايمن ما انا عارف انها دنيا حلوه ودي المشكله
فاطمه ايه المشكله بقي
فاطمه اعتقد كده
فاطمه مفكرتش فيها كده علي العموم حبيبي انت قدامك لسه وقت صليها مع
كل وقت صلاه واستخير واسأل ربنا يلهمك الصح فين واكيد ربنا مش هيتخلي عنك ابدا
ايمن ادعيلي يا ست الكل ادعيلي ديما
باس ايدها وهيا فضلت تدعيله ربنا ينور طريقه
تاني ليله ايمن حلم بنفس البنت وقالتله نفس الجمله
لازم تخطي الڼار علشان توصلي
فاطمه زي ابنها بتعمل استخاره كل يوم
ثالث يوم وحشها جوزها فبتدور علي صوره وبتدور علي البومها الخاص فلقته في دولابها وهيا بتشده صندوق دهبها وقع واتفتح ووقع منه خاتم بس
اخدت الخاتم وابتسمت
ايمن جه بعد المغرب وهو مش عارف يعمل ايه
فاطمه انا هاجي معاك النهارده لعم سعيد وبناته
ايمن انا مش عارف اصلا اقوله ايه
فاطمه طلعت الخاتم وورته لايمن
ايمن ايه ده
فاطمه خاتمي وغالي عليا
ايمن وبعدين ايه علاقته
ايمن وبعدين
ايمن طيب وبعد ما اتجوزها اعمل معاها ايه دي
فاطمه قصدك تنام معاها ازاي
ايمن يا امي نوم ايه بس اللي بتتكلمي عنه بيقولك عاميه وخرسه وطرشه هتفهم ازاي اصلا يعني ايه جواز
حبيبه اليوم كله متوتره وكل يوم بتصلي وتدعي ربها لو ملهاش نصيب فيه يبعده عنها ويشيله من تفكيرها
اخر النهار خرجت راحت تشتري كتاب جديد نزل
اهو اي حاجه ټقتل الانتظار في البيت
ايمن وصل بيت عم سعيد واستني امه بره في جنينه عم سعيد وفضل يتأمل فيها ويفتكر لما جه والفرح شغال.. قد ايه كان غبي ومتخلف
بيتفرج علي البيت
حبيبه كانت داخله والكتاب وقع في الارض ووطت تجيبه وهيه هتقوم خبطت في ايمن وهو بيرجع لورا بضهره
ايمن لف بسرعه و مسكها لانها كانت هتقع
ومن غير ما تنطق حرف جريت ودخلت وما وقفتش غير في اوضتها
اخواتها سميه وساره جريوا وراها وبيسألوها في ايه
حبيبه شوفته تحت شوفته
سميه مين هو اللي شوفتيه
حبيبه اتخبطنا في بعض وهو مديني ضهره وانا داخله وما اخدتش بالي خبطت فيه ولحقني علشان ما اوقعش
سميه لا مش كده امه تحت مع ابوكي وامك والله اعلم بقي جايه تستسمح ابوكي ولا جايه تخطبك
هو انتي بتبصي علي ايه من الشباك كده
حبيبه ايمن واقف تحت رايح جاي صعبان عليا قوي
ساره ما يصعبش عليكي غالي يا اختي
حبيبه ماهو غالي
سميه تيرارارارا اااا
ام ايمن تحت مع زينب وعم سعيد
فاطمه طبعا الاول انا بتأسفلكم جدا علي اللي حصل وعارفه ان الاسف مش كفايه والله بس ايمن ڠصب عنه!!! عمره ما اذي حد ابدا
زينب النصيب بقي نعمل ايه
فاطمه انا عندي طلب غريب شويه
زينب ممكن العروسه تيجي هنا لحظه
البنات نزلوا وماسكين ايدين اختهم كأنها فعلا عاميه وقعدوها قدام فاطمه
فاطمه طلعت من شنطتها الخاتم ومسكت ايد حبيبه وحطته في ايديها وكلهم مستغربين
الخاتم طلع مقاس حبيبه بالظبط فابتسمت فاطمه
فاطمه عم سعيد حضرتك عايز الفرح امتي يناسبك امتي
حبيبه كانت عايزه تتنطط بس افتكرت انها المفروض خرسه وطرشه فسكتت
زينب يعني مش لازم تجددي كل حاجه
فاطمه عروسه ومن حقها تدخل علي فرش جديد... وزيها زي اي عروسه... بس علشان اكون صريحه معاكي من الاول انا هجوز ابني تاني
زينب كانت هتعترض بس افتكرت شروط الجوازه
زينب اللي فيه الخير ربنا يقدمه
ايمن هو انتي مبسوطه كده ليه
فاطمه مش هتتجوز بعد يومين
ايمن وهيا دي تعتبر جوازه يتفرحلها دي تخليص حق يا امي
فاطمه اقبل قضا ربنا علشان يفرجهالك في وشك
وبعدين البنت اخواتها حلوين وامها حلوه اكيد هيا كمان هتبقي حلوه
حبيبه كان نفسها تشوف بيتها وتروح معاهم وفعلا في مره راحت علي اساس انها سميه واتفرجت علي البيت
وبدأت تنقي ستاير وتحف وسجاد علي ذوقها تناسب العفش
اخيرا جه يوم الفرح!! اليوم الموعود!!!
ايمن متوتر ومش عارف يتصرف ازاي او هيعمل ايه
الكل بيهنيه اصحابه ومعارفه وهو بيرد وخلاص
الفرح اتعمل في بيت عم سعيد وكان فرح اسلامي
الكل كان متفاجئ بالظابط اللي بس من شهر كان بيقبض علي عم سعيد
جار مبروك يا عريس... بس تصدق عم سعيد
راجل سكره ويستاهل ومعلش بقي يا عم سعيد انا صراحه صدقت انك فعلا تكون بتمثل اعذرني بقي
الراجل اول ما قال كده ناس كتيره قالت انها فعلا كانت مصدقه وحتي لما ايمن اعتذر قالت برضه ممكن
ايمن عرفت يا عم سعيد عرفت
عم سعيد انا عندي هديه غاليه قوي ليك هديهالك بس مش دلوقتي
ايمن انا مش عايز هدايا يا عمي صدقني
ايمن امانه يا عم سعيد حاضر ومتشكر مقدما
عم سعيد لا متشكرنيش اشكرني بعد ما تشوفها ده لو عجبتك
اخو عم سعيد ربنا يعينك علي ما ابتلاك يا ابني دي حبيبه دي بالذات جننت الكل!!! الله معك
عم حبيبه كان يقصد ان حبيبه ليها ارائها الخاصه وما بتسمعش الكلام بسهوله وصعب حد يغير رايها وعنيده جدا لكن ايمن فهمها انه يعينه علي ظروفها ويصبره
امها سلمتهاله في ايده ودمعتها نزلت
ايمن ما تخافيش عليها انا هعمل كل اللي ربنا يقدرني عليه علشان اسعدها وبعدين انتي قريبه منها وفي اي وقت تحبي تشوفيها تليفون صغير منك
ايمن ماسك حبيبه من دراعها ونازل بيها واحده واحده واخواتها حواليها بيساعدوها وهيا الفرحه مش سايعاها ركبها العربيه وركب امه
كمان وركب جنب مراته
عم سعيد لمراته شوفتي قبل كده كام عريس بيركب امه ويفتكرها يوم فرحه
زينب طيب ماهو بيحب امه
عم سعيد بيحبها ويحترمها وده معناه انه هيحترم مراته برضه فهماني
زينب طيب افرضنا معجبتوش او زعل مثلا انك ضحكت عليه او
زينب ربنا يعدي الليله علي خير
ايمن وصل بيته ونزل امه وبعدها نزل مراته ومسك ايدها وطلعها السلم وماشي معاها واحده واحده
وډخلها اوضته قعدها علي السرير وخرج
ايمن ماما يا ماما
فاطمه ايه يا حبيبي مالك
ايمن ايه مالي دي هو انتي هتبيعيني من اولها ولا ايه
فاطمه عايز ايه بس يا حبيبي
ايمن تعالي قلعيها ولبسيها وشوفي هتتواصلي معاها ازاي اتصرفي
فاطمه دي مراتك يا ايمن روح انت قلعها ولبسها
ايمن انتي بتقولي ايه اقلع مين والبس مين ماما بقولك ايه انتي اللي خلتيني اوافق
ايمن انتي بتبيعيني ماشي يا امي ماشي
فاطمه انت بتهددني يا وله انت.. ادخل يا واد لمراتك يالا ادخل
ايمن دخل وفضل رايح جاي مش عارف يعمل ايه
دخل اتوضي وصلي ركعتين لله وهيا قاعده علي السرير التوتر ماليها ومش عارفه تتكلم ولا تخلع نقابها ولا تعمل ايه هيا كمان مش عارفه ازاي تقوله انها شيفاه وانها سمعاه صعبان عليها حيرته دي
ايمن مسك تليفونه وكلم ابوها
ايمن ايوه يا عم سعيد انا ايمن
عم سعيد هديتي عجبتك
ايمن لا لا لسه ما اخدتش هدايا انا مش عارف اصلا اعمل ايه يعني كان حد من اخواتها جه معاها اول
متابعة القراءة
