حب مدفوع بقلم ايمان

تروحى الشركة وتشتغلى هناك تانى عايزة صاحب الشركة يعتدى عليكى تانى طب المرة اللى فاتت وربنا سترها المرادى هتعملى اي يارؤى
رؤى ماما انا مخڼوقة وزهقانة وقرفانة وعايزة اشغل نفسى باى حاجة مش عايزة افتكر اياد ولا افكر فية
امل يا حبة عينى انت لو رجعتى تشتغلى تانى الراجل صاحب الشركة دة هياخد عنك فكرة وحشة وهيقول انك رجعتى تانى لان الوضع عجبك انا مقدرة مشاعرك وعارفة ان موضوع اياد تعبك بس لازم نتقوى يارؤى الدنيا مش بتوقف ع حد يابنتى وانا فرحانة ان اخيرا لقيتك عايزة تشغلى نفسك بحاجة بس الا الشركة دى لو ع كدة بقى انزلى اشتغلى مع احمد من تانى 

رؤى لا طبعا انا ممكن اعمل اي حاجة ف الدنيا الا انى اشوف البنى ادم دة قدامى بس متقلقيش انا هدور ع شركة تانية واروح اقدم والشركات ع قفا من يشيل !!
امل ودة رايى برضو وع فكرة ف خبر جالى انهاردة انا مش عارفة هتفرحى ولا هتزعلى بس اهو لازم اقولهولك ف عريس جايلك انهاردة
وبصراحة الواد مايترفضش جمال ومال وبسم الله ماشاء الله مامته كلمتنى انهاردة ومستنية منى رد ها تحبى اقولها اي يجوا انهاردة يشربوا معانا شاى
رؤى بعد تفكير قوليلها تيجى يا ماما ويشربوا معانا شربات قبل الشاى!!!
حل اليوم سريعا بما فية من حلوة ومرة ليأتى يوما جديدا واياد لم يفعل شيئا جديدا سوى تأنيب الضمير وتعذيب حالة ع ما فعلة تدخل اليه شقيقتها وتجلس بجوارة لتربت ع كتفة ف ابتسامة حنان 
اياد بحزن ف حاجة 
نرمين بابتسامة لاء يا حبيبى جاية اشوفك بس!!
اياد سمعت ان كان عندك امتحان انهاردة عملتى اي
نرمين انت لسة فاكر دة انا فاضلى مادتين واخلص ع العموم متقلقش اختك قدها 
اياد متسائلا دة العشم برضو قوليلى متعرفيش حاجة عن رؤى
نرمين بتردد ممم هو في حاجة عرفتها انهاردة من داليا بخصوص رؤى لاء هى حاجتين الصراحة
اياد باهتمام قولى يا نرمين مستنية اي
نرمين عرفت ان رؤى بتدور ع شركة تشتغل فيها اى شغلانة تسلى بيها نفسها ومنها تجيب فلوس وقالت بتردد وكمان يعنى رؤى انت عارف ان رؤى بنت وطبيعى لاى بنت يجيلها عرسان وكدة!!
اياد ممممم جالها عريس صح
نرمين مش بالظبط كدة يعنى هو العريس جة امبارح وقابلة ورؤى وافقت علية ووهتت هتت رؤى هتتخطب خلال اليومين الجايين دول
اياد بزعيق اي هتتخطب الكلام دة
مستحيل يحصل!! نرمين هطلب منك طلب وانت لازم تنفذية!!
نرمين وانا موافقة علية من غير مااعرفة!!
اياد هى داليا كانت فرحانة وهى بتقولك ع العريس
نرمين بابتسامة فهمت اصدك داليا عايزة ترجعك لرؤى زى مانا عايزة وبحاول اقربكوا من بعض بالظبط
اياد كويس اوى انا هنزل اعلان ان صاحب الشركة محتاج مساعدة وطبعا هى متعرفش ولا اسم الشركة بتاعتنا ولا عنوانها انت عليكى انك تتكلمى مع داليا وتتفقى معاها وتخلى داليا تعمل نفسها شافت البوستر دة ف الجرنال بالصدفة وتروح تقترح عليها وطبعا رؤى ماهتصدق وهتروح عشان تقدم بس وسيبيلى الباقى علية بقى
نرمين باعجاب يابنى اللعيبة يااياد رغم كل المشاكل اللى حواليك الا انك بتعرف تفكر كويس!
اياد انا قاعد بقالى يومين بفكر الاقى اى حجة عشان اشوفها او اتكلم معاها وانت جيتى فتحتى علية الفكرة وجبتيلى الحل لغاية عندى!!
نرمين بثقة يابنى انا اصلا قليلة ف البلد دى وعندى امكانيات كتيرة بس محدش واخد بالة
ليضحك اياد ويعانق شقيقتة فرحا بها
اياد بصى بقى انا هروح لايهاب ولا ببسال ولا بيتصل ولا هو ولت جمال
نرمين فكرة حلوة وبالمرة تفك ع نفسك شوية سلملى عليهم كتير!!
اياد بابتسامة يوصل وكاد ان يذهب ليتراجع مرة اخرى قائلا بقولك اي ماتكلميها كدة واطمنى عليها
نرمين وبعدين بقى يلا روح يا بشير !
اياد بليز يا نرمى محتاج
اسمع صوتها عشان خاطرى!!
نرمين خلاص خلاص موافقة
اياد ان شا الله مايحرمنى منك ابدا يا نمورتى!!
الحلقة 28
بعد مرور 3 ايام
ف الشركة ف مكتب اياد
ادم انت اي اللى جابك انهاردة
اياد الله!! هو مش المفروض انا شريك هنا
ادم مقصدش بس مستغربك شوية!!
اياد لا مش عايزك تستغرب خالص المهم انهاردة اخر يوم امتحانات لنرمين واعتقد زمانها خلصت ماتروح تاخدها من هناك
ادم بتعجب واشمعنا انهاردة يعنى 
اياد يعنى بالمرة تطمن عليها ليكون حد لاعب ف دماغها كدة ولا كدة وانت عارف الجامعة بقى وكدة
ادم اه تقصد ولاد يعنى لا لا متقلقش ف دى بالذات تحط رجل ع رجل وتطمن عالاخر
اياد واشمعنا يعنى ف دى بالذات
ادم بتوتر ها لا لا واي ياعم الروشنة دى وجاى الشغل رايق ومبسوط وبتضحك وتتكلم فاكمل بغمزة هو ف اي بالظبط
اياد ولا حاجة قررت ولا اقولك بلاش ويلا اطلع برة خلينى اركز ف اللى انا فية
ادم الله الله بقى كدة ياسى اياد عالعموم انا طالع سلام يا بيبى!!
اياد امشى يابن ال
رؤى السلام عليكم
الموظفة وعليم السلام اؤمرى حضرتك
رؤى بتردد انا كنت جاية بخصوص الاعلان اللى ف الجرنال دة
الموظفة اها اهلا بيكى ممكن اعرف اسمك
رؤى اسمى رؤى
الموظفة اها انت رؤى بقى
رؤى هو حضرتك تعرفينى
الموظفة لا لا ابدا خلينا ف الموضوع اتفضلى الورقة دى واملى فيها كل البيانات اللى مطلوبة منك هنا وبعدها اوريكى مكتبك عشان هتبداى شغل من انهاردة!!
رؤى بتعجب بالسرعة دى يعنى مفيش مقابلات ولا ال cv والكلام دة
الموظفة انا هفهمك باختصار استاذ اياد محتاج مساعدة اوى وقالى اول ماحد يقدم اقبلة ع طول
رؤى ف نفسها استاذ اياد اياد معقولة يا سلام هو مفيش غير اياد واحد اعرفة يعنى اللى خلق اياد مخلقش غيرة اكيد تشابه اسماء
الموظفة حضرتك روحتى
فين
رؤى انا موجودة معاكى خلاص تمام اسمحيلى بس اقراء الشروط واملى البيانات
لتمسك الورقة وتبداء بقراءة الشروط وبعد ان انتهت من قراءة الباند لتبداء ف ملئ بياناتها لحسن حظها خرج ادم ذلك اللحظة وعندما يراها يذهب اليها ف تعجب متسائلا
ادم رؤى انت
لتنظر لة ف تعجب ايضا ادم انت بتعمل اي هنا
ادم بابتسامة انت اللى بتعملى اي هنا انت عارفة انا بشتغل مع اياد وانكل ادهم ف شركتهم
رؤى استنى كدة هى شركة واما دى تبقى الشركة بتاعت انكل ادهم واياد
ادم ايوة انت متعرفيش
رؤى لاء انا مكنتش اعرف بس الحمدلله انت انقذتنى ميرسى يا ادم
وكادت ان تذهب لتاتى مرة اخرى قائلة لو سمحت ياادم مش عايزة اياد يعرف انى كنت هنا!!
ادم تمام!!
لتذهب مسرعة الى الخارج قبل ان يراها احدا منهما 
ليدخل الية سريعا
ادم الحق يا اياد
اياد بخضة اي اللى حصل
ادم انا مش فاهم حاجة رؤى كانت برة دلوقتى واول ماشافتنى مشيت وطلبت منى ماقولكش حاجة 
اياد بضجر اي احكيلى كل حاجة بالتفصيل
ليجلس ادم ويقص علية احداث ما حدث منذ قليل يقف اياد ويضرب بكلتا يدية الاثنين ع المكتب ف عصبية قائلا الله يخدك بوظتلى كل خططى!!
ادم خطط اي انا مش فاهم حاجة
اياد ولا عمرك هتفهم انا اللى كنت منزل اعلان ف الجرنال واتفقت مع داليا انها تقترح ع رؤى تشتغل هنا وهى متعرفش
انها شركتنا وانت بطولك كدة بوظتلى كل حاجة!! اعمل فيك اي
ادم اوووة انا عكيت الدنيا خالص طيب يا بشير انا برة ها لو عاوز حاجة متقوليش ولا موزعتش حاجة متقوليش برضة ها يلا باى
اياد بعصبية غبى!!
يمر شهرا كاملا ومازال اياد لم يستطيع الوصول الى حبيبتة فانة حاول معها بجميع الطرق ولكن عنادها وكبرياها لن يسمح لها ان تكون الزوجة الثانية لة اما الزوجة الاولى فيتزوج عليها من تلك الفتاة التى تدعى ميرا وف هذا الشهر حدث احداث كثيرة منها عودة هشام الى مصر مرة اخرى ومنها ظهور نتيجة نرمين وداليا ومنها ظهور علامات الحمل ع خطيبتة ولذلك عجل والدة ف الزواج واتفق ع ان يكون زواجهم الشهر المقبل
ادهم انت لسة مجهزتش
اياد معلش يا بابا انا مش
هقدر اروح معاكوا اتبسطوا انتو!!
ادهم طب وخطيبتك اللى تحت دى لاء انت لازم تيجى معانا وخصوصا انهاردة 
اياد بضجر يا بابا انا لو روحت معاكو السهرة دى هبقى رخم اوى وتقيل
ادهم واي الجديد يعنى مانت طول عمرك رخم وتقيل يلا قوم وبلاش غلبة
اياد انت دايما شايفنى وحش لي وكمان عايزنى اعمل حاجة ڠصب عنى انا مش عايز اروح ولا اشوفة هو اي اللى رجعة مش كنا خلصنا منة وسافر
ادهم اتكلم ع ابن عمك عدل ويلا النهاردة لازم كلنا نبقى جمبة لان لازم نشرفة قدام خطيبتة
اياد بنفاذ صبر طب وانا مال اهلى ع العموم انا هوافق عشان خاطرك بس هم ربع ساعة وهخلع
ادهم موافق بس يلا بسرعة احنا كلنا جاهزين تحت!!
اياد تمام!!
بعد استعداد الجميع صعدوا الى السيارة ليقود بهم ادم حتى ان وصلوا الى المطعم المتفق علية ليدخل الكل ويبحثوا عن المائدة ليأتى اليهم العامل ويرحب بهم ثم يوصل بهم الى تلك المائدة وما ان وصلوا اليها قابلوا هشام ويدور الحديث كالتالى
ادهم ازيك ياهشام 
هشام بابتسامة الحمدلله يا عمى
ادهم بتهربج واخيرا خطبت
هشام بضحك ههههه شوفت النصيب!!
ادم بضيق اهلا!!
هشام اهلا ياابن عمى!!
فلينظر اليها والدها لتصافح هشام خوفا من والدها
نرمين ازيك يا هشام
هشام كويس يابنت عمى اي مش هتسلم ع ابن عمك يااياد
اياد بجدية مبسلمش بايدى!! اصلى بقرف
ليزغدوة ادهم ويجلس الجميع
هشام اها مش انت ميرا خطيبتة برضو نورتى العيلة
ميرا ايوة انا ميرسى جدا لزوقك
ادهم قولى فين سعيدة الحظ
هشام بتعمل حاجة وزمانها جاية حالا!!
ادهم طب نشوف هنطلب اي لحد مالقمر بتاعتك توصل
هشام معلش يا عمى بس ياريت تنتظروها شوية اصلى مش بحب اخد راي من غيرها
اياد بهمس ف اذن شقيقتة ولحق حبها امتى دة هو النوع دة من بيحب ويتحب
لتكتم ضحكتها قائلة بس يا اياد يخربيتك مسخرة اسكت لبابا ياخد بالو !!
اياد بهمس ايضا ودى هتيجى امتى ان شاء الله
نرمين معرفش بتسالنى انا
ادم بتتوشوشو بتقولوا اي من ورايا
اياد بضيق ماتيجى نمشى يا ادم
ادم استنى والنبى لما نشوف خطيبتة عاملة ازاى الفضول هيقتلنى
لتنظر لة نظرة يفهم معناها ويصمت
اياد هيكون شكلها اى يعنى ماهو من نفس نوعة هتكون لولوة يعنى
ليضحك ادم ونرمين وينظر اليهم ادهم وميرا ف استغراب
هشام مش تقولى يااياد بتضحكوا ع اي ميصحش كدة ضحكونا معاكوا
اياد محذرا بلاش افتكر انى قولتلك بلاش!!
ميرا مش توصفلنا شكل خطبيتك
هشام هقولكوا عليها اي ولا اي اقول قمر قليل عليها اقول شمس نورها اكتر منها اقول
نهار ابقى بظلمها اقول ليل يبقى حرام عليا
اياد بسخرية وع كدة ف شروق وغروب ولا اي النظام بقولك اي ماتشغلنا نظام اتصالات بيقولوا اسرع من الشروق والغروب
ادم ونرمين وميرا ههههههه هههههه ههههههه
ادهم بنرفزة وبعدين بقى
لينظر هشام نظرة ذات معنى قائلا اه