قصه جديده

وهى تذهب
جوة هقوله أهو.
كادت أن
تذهب خرج مهاب وابتسم لها.
أنا هنا أهو يا جماعة.
احتضنته والدته وقالت
مبروك يا حبيبي.
ابتسم مهاب
الله يبارك فيك يا ست الكل اتفضلي.
تركتهم سلمى وذهبت لجلب المشروبات.
ودلفت إليها سارة وتحدثوا سويا ومر الوقت وذهبوا جميعا.
وبعد فترة جاء قاسم وأروى وطول الوقت وهي جالسة بأحضان شقيقها ومهاب يقول في نفسه بغيظ
كان زمانها مرمية في حضڼي دلوقت الحضن دا المفروض بتاعي.
ذهب قاسم وبقى مهاب وسلمى جالسين أمام بعضهم بصمت.
أهلا بالعروسة.
قالها مهاب وهو يفرك كفيه معا بإبتسامة وتضييق عين.
أشارت له بيدها بترحاب ولم تنطق.

هنفضل قاعدين في وش بعض كدا طول الوقت
نظرت للأعلى تفكر ثم قالت بإقتراح
لأ مش هنفضل أعمل فشار ومقرمشات وعصاير ونقضيها أفلام بتحب الأفلام
حرك كتفيه وأردف
عادي مش بتفرج علشان ما أضيعش وقتي.
ابتسمت سلمى وقالت بضحك
فعلا الوقت كالسيف إن لم تقطعه قطعك بس أنا بتفرج علشان أضيع وقتي.
قام وجلس بجانبها ف توترت ثم قال وكأنه لم يفعل شيء
ودا ليه دا
أردفت سلمى بتوتر
علشان مش بعمل حاجة قاعدة فاضية.
كنت عايزة أسألك صحيح إنت مش بتشتغلي
نظرت له پخوف ثم قالت
لأ مش بحب أخرج من البيت واختلط مع الناس.
ليه لازم تختلطي بالناس وتعرفي تتكلمي مش اختلاط أوڤر بس تنزلي وتخرجي وأكيد مش هقولك إن تعاملك مع البنات علشان إنت أكيد عارفة.
فركت سلمى يدها بتوتر وقالت
عارفة بس بخاف.
أمسك مهاب يدها وقال بإبتسامة
ما تقوليش بخاف دي طول ما أنا معاك ماشي
ابتسمت سلمى بتوتر وقالت
حاضر.
ضحك مهاب بمرح
طب قومي اعملي الفشار والحاجة ولا إنت بتضحك عليا
قامت سلمى وقالت وهي ذاهبة
ولا بضحك ولا حاجة أنا راحة أهو.
دلفت للمطبخ وهي تضع يدها على قلبها بإبتسامة متوترة
انبض انبض انبض ولا يهمك وانا بمۏت وانا قاعدة معاه.
بعد وقت كان يجلس مهاب وبجواره سلمى يشاهدون التلفاز وحولهم وأمامهم الطعام والمشروبات قضوا وقت لطيف سويا وسلمى تكتشف جوانب جديدة من شخصية مهاب التي تبدو فريدة جدا بالنسبة لها.
..........................................
ما تحكيلي عنك علشان معرفش حاجة غير اسمك
أردفت سلمى بإبتسامة
طب وسني
ضحك مهاب وقال
اخلصي!
ابتسمت سلمى وهي تقول
حاضر اسمي سلمى علي ٢٥ سنة خريجة هندسة بحب الدراسة وكان نفسي وحلمي أشتغل بس ما حصلش نصيب.
ليه
فركت يدها بتوتر وقالت
علشان بخاف من الناس والاختلاط زي ما قولتلك وكمان قاسم بېخاف عليا بزيادة ف كنت يا دوب بروح الجامعة على الإمتحان بس ومكنتش بحضر محاضرات وكدا.
ضيق عينيه وقال بضيق
بس مش ملاحظة إن دا غلط
لأ.
لأ إيه لازم تتعاملي ويكون ليك صحاب تقعي في مشكلة يكونوا واقفين معاك يساعدوك وكدا
مش بحب الاختلاط أنا من ساعة اللي حصلي وانا بخاف أوي أنا أصلا شخصيتي خجولة ومش بتكلم ومن بعد اللي حصلي بقيت مش بتكلم أكتر وحياتي تقريبا اټدمرت دراستي وكل حاجة كل حاجة.
أمسك يدها وقال بإبتسامة
هعوضك إن شاء الله عن كل حاجة حصلتلك تيجي نخرج وافسحك
أوه! هتوديني أكل
ضحك مهاب وقال
مش حاسة إن حياتك عبارة عن أكل في أكل
ضحك سلمى هي الأخرى وقالت
ما انا ما بتخنش ودا مشجعني.
أموت أنا في التشجيع قومي البسي.
حاضر.
ارتدت سلمى ملابسها وخرجت لمهاب الذي بدأ بالضحك وقال
إيه دا إنت مطقمة معايا
والله أبدا صدفة!
ضحك مهاب وقال
طب أنا راجل ولابس إسود إنت لابسة هدوم إسود ليه
أشارت لنفسها وقالت
ما انا لابسة الخمار منقوش أهو ألاه
غمز لها مهاب وقال
بس حلو يا بت.
ابتسمت بخجل وتجاوزته وذهبت وقفت أمام السيارة.
أسند مهاب نفسه على السيارة وقال
إيه رأيك نروح مشي وهخدك على مكان جميل أوي
إستندت سلمى مثله وقالت
لو ما عجبنيش مش هسيبك!
أردف مهاب بضحك
ما تسيبنيش يا حلوة تعالي.
اقتربت منه وذهبوا سويا وأخذها مهاب لمكان جميل على الشاطئ والرمال به مزينة بالورود الحمراء وبه أماكن مغلقة كثيرة كل واحدة منهم داخلها أشخاص أو شخصين.
ابتسمت سلمى وقالت
المكان جميل فعلا.
أمسك يده وأخذها لواحدة منهم
تعالي بس دا بيعملوا شوية سمك سي فود إنما إيه.
ضحكت سلمى وقالت وهي تنظر للمكان
أكيد هيبقى حلو بحب السمك دا.
هيعجبك أوي.
نادى مهاب على النادل وأملاه عليه الطلبات وبدأت سلمى ومهاب يتسامرون وبعد وقت جاء إليهم النادل بالطعام.
يلا بسم الله شمري يا بنتي وابدأي.
ضحكت سلمى وقالت
عنيا.
انتهوا بعد فترة من الطعام.
قال مهاب وهو ينظر للمكان
تيجي نتصور
مش بعرف أصور ولا أتصور بس المكان تحفة ما شاء الله ف موافقة.
قاموا الاثنين وقال مهاب
اقفي هناك أصورك.
اتجهت للمكان وهي تقول
هنا
قال مهاب وهو يرفع هاتفه أمام عينه بإبتسامة
أيوة الله ينور قولي بطيخ بقى
ابتسمت سلمى وقالت بضحك
موز.
ضحك مهاب وقال
لأ يا اختي قولي بطيخ!
أردفت سلمى بعند
مش هيحصل! بحب الموز أكتر.
رفع مهاب الكاميرا وهو يقول بضحك
موز موز يلا بينا.
التقط لها العديد من الصور ثم اتجهت إليه وقالت
دورك بقى تعالى أصورك.
حرك مهاب رأسه بنفي وقال
لا يا ستي إنت قولت مبتعرفيش! هتصوريني أي كلام.
نظرت له وأردفت بثقة
عيب عليك يا برنس! ناولني الفون بس وثق فيا.
ضيق مهاب عينيه وقال بضحك
متأكدة
أردفت بثقة أكبر
عيب عليك! أقف وانت هتشوف عظمة على عظمة!
اتجه مهاب للمكان وقال بسخرية
يا خۏفي منك إنت.
متخافش! أقف هناك.
ذهب ووقف وما إن رفعت الكاميرا أمامها ثانية واثنين والتقطت العديد من الصور له.
أشارت له بثقة وقالت
تعالى قرب.
أردف بغرابة
لحقتي
أيوة غمض عينك وفتح وبص على العظمة.
فتح عينيه وصړخ مهاب پصدمة
إيه ده! إيه الصور دي! مصورة كتفي! وحطالي فلتر كلب!
أردفت سلمى بعبوس
مخليك كيوت!
إيه اللي مخليني كيوت
حركت رأسها بثقة وقالت
الكلب.
طب تمام كفاية تهزيق لحد كدا ويلا نمشي.
ذهبت بجانبه وقالت بحماس
بس إيه رأيك مش عظمة
أردف مهاب بنبرة ساخرة
عظمة أوي.
اتسعت ابتسامتها أكثر وقالت
لو عوزت تتصور تاني قول يا سلمى بس وهجيلك في ثانيتها بس التصوير طلع سهل أهو!
حرك رأسه بسخرية
أه أه قال يعني صورتي!
عبست سلمى بوجهها وقالت
بطل تحبطني!
قال مهاب بغيظ كبير
بقى يا شيخة الصور اللي إنت مصورهالي دي صور! مصورة كتفي! طب أعمل بيه إيه!
ديه صورة إستثنائية بس إنما الباقي جامد.
أمسك يدها وهو يمشي وقال
تعالي يا مغلباني.
ابتسمت سلمى وهي تنظر له ولأول مرة تدقق في ملامحه.
..........................................
بعد مرور يومين.
استمعت سلمى لصوت رنين هاتف مهاب ف نظرت له وجدت أخيها قاسم ف ذهبت وطرقت على باب المرحاض لأن مهاب في الداخل.
أردفت سلمى بصوت عالي
قاسم بيتصل شوفته من بعيد.
فتح مهاب الباب وخرج وقال
فين دا
ذهبت وأحضرته وقالت
أهو.
ابتسم لها وهاتف قاسم وقال
ألو يا قاسم إزيك.
استمع مهاب لصوت قاسم القلق وهو يقول
تعالى بسرعة في مصېبة.
ضيق مهاب عينيه وقال بسرعة
مصېبة إيه في إيه
قال قاسم بصوت عالي
الشركة ولعت.
صړخ مهاب پعنف
بتقول إيه!
إنت بتقول إيه!
بقول إن الشركة ولعت الشركة ولعت يا مهاب.
طب أنا جاي في الطريق سلام.
أغلق مهاب الخط معه وهو يمسح على شعره
ف قالت سلمى بتوتر
في إيه يا مهاب قاسم كويس.
تنهد مهاب بضيق وقال
قاسم كويس بس بس الشركة ولعت احنا اتدمرنا.
قالت سلمى بإبتسامة متوترة
ما تقلقش خير المهم إن الناس كويسين صح
أردف مهاب بنبرة قلقة
معرفش يا سلمى في داهية الشركة بس الناس يبقوا كويسين فعلا أنا لازم أروح.
طب خلي بالك من نفسك.
أخذ مهاب مفاتيحه وهو يجري بسرعة
ماشي يا حبيبتي سلام.
وصل مهاب للشركة وجد رجال المطافئ هناك ورجال الشرطة وقاسم يتحدث مع أحد في زاوية أخذ ينظر للشركة بعيون مصډومة.
ذهب لقاسم وقال من وراءه
حد كان في الشركة جوة
الټفت له قاسم وقال
مفيش حد.
حصل إزاي الكلام دا
أردف قاسم بإرهاق
واحد اتصل بيا وقالي واتصلت على طول بالمطافي.
الحمد لله.
نظر له قاسم وقال بحيرة
إنت عارف إن احنا اتدمرنا ولا لأ
تنهد مهاب وأخبره بأمل
ربنا كبير وهيحلها بإذن الله.
إن شاء الله.
جاء شرطي من خلفهم وهو يقول
أهلا بحضراتكوا.
صافح كل من مهاب وقاسم الظابط.
قال الظابط بعملية
معاكوا المقدم صلاح شكري هبقى المسؤول عن القضية.
قال قاسم
أهلا بيك.
قال الظابط بعملية
شاكين في حد يكون عمل كدا
قال مهاب ببرود
يا حضرة الظابط مفيش عداوة ما بينا وما بين حد أكيد دي شركة ف أكيد في تنافس بينها وبين الشركات التانية وانتوا أكيد هتفتحوا تحقيق لو في حد عمل كدا.
فعلا وانا ساكت على كلامك برضو علشان مقدر الظروف اللي إنت فيها.
شكرا على التقدير.
ذهب الظابط ثم قال له قاسم پغضب
إنت إيه اللي عملته دا ما تتكلم عدل!
قال مهاب بلا مبالاة
يا عم هيقعد يرغي وانا دماغي فيها اللي مكفيها.
أخذه قاسم وتحرك للسيارة
وقفتنا مالهاش لازمة لما يحتاجونا يتصلوا.
وقف مهاب بإعتراض
عايز تروح روح أنا هفضل هنا لحد ما اشوف إيه الحوار! مش معقول الشركة ولعت كدا عادي! دي بقت على الأسفلت!
تنهد قاسم وجلس وقال بإرهاق
هفضل قاعد مش هسيبك.
نظر له مهاب ثم حرك رأسه للناحية الأخرى وتنهد بهدوء ثم قال
عليه العوض ومنه العوض على الخساير دي!
..........................................
ألو يا أروى إزيك
الحمد لله أخبارك إيه
كويسة ما تعرفيش اللي حصل في الشركة
استمعت سلمى لأروى التي تقول بحيرة
والله معرف يا بنتي قاسم كان معايا وجاله اتصال بيقول فيه إن الشركة ولعت وراح جري.
قالت سلمى بتوتر
بس يا أروى ما تعرفيش حاجة تاني
لا والله دا اللي أعرفه.
طيب يا أروى سلام دلوقت.
سلام يا حبيبتي.
أغلقت الخط وهي تدور حول نفسها بتوتر
الشركة ولعت! يعني هيروحوا فين دلوقت!
اتصلت على مهاب ف لم يجيب ف أعادت الاتصال لم يجيب أيضا ف اتصلت بقاسم وهاتفه مغلق.
يا رب يكونوا كويسين.
كانت تقف أمام دولابها ف أتاها فضولها لفتحه فتحته ونظرت لملابس مهاب وبدأت برؤيتهم.
أمسكت بكل ملابسه وهي تضعها عند أنفها وتشمها ورائحته الجميلة علقت بها.
رفعت يدها ووضعت الملابس لكن وقع شيء على الأرض.
نظرت سلمى بإستغراب وهي تمسكه وقالت
إيه دا
فتحته وكانت تذاكر سفر لباريس قالت في نفسها بإبتسامة وهي ترى اثنتين
اتنين يبقى كان شهر عسل.
اختفت ابتسامتها وقالت بعبوس
بس شكلها كدا ولا رايحين ولا جايين! هنروح فين باللي احنا فيه دا
وضعت الأوراق مكانها وأغلقت الدولاب وهي تستند عليه وتقول
بعيدا عن الظروف دي! ف أنا بقول إن مهاب دا مهاب فعلا ووجوده طاغي أوي على قلبي.
..........................................
أستاذ قاسم وأستاذ مهاب فين
واقفين عند الشركة يا فندم متحركوش من الصبح.
تمام اتصل بيهم وبلغهم إني عايزهم.
تمام يا فندم.
بعد وقت كان قد حضر فيه قاسم ومهاب.
أردف قاسم
مساء الخير.
مساء الخير نخش في الموضوع على طول في كذا حد مشتبه فيه في موضوع الحريق.
أردف مهاب بهدوء
ومين هم
معتقدش لازم أقول دلوقت.
أردف قاسم پغضب
أومال إنت جايبنا ليه! إحنا هنهزر!
أردف الظابط ببرود
أنا عارف شغلي كويس مش محتاج حد يعلمهولي.
قال مهاب بضيق وهو يضرب بيده على المكتب
يوه! ما تخلص يا حضرة الظابط! مش هنفضل قاعدين كده!
نظر له الظابط ببرود وهو يحرك القلم بيده واستمرت النظرات بينهم لدقائق.
وبعدها قال الظابط بإبتسامة سمجة
كل ما في الموضوع إن اللي عمل كدا واحد منكم.
قال قاسم ومهاب في نفس ذات الوقت
إنت بتقول إيه!
..........................................
في منتصف الليل عاد مهاب للمنزل وقاسم لمنزله.
إيه اللي حصل إنت كويس إتأخرت ليه
ذهب ولف للغرفة وقال وهو يفتح أزرار قميصه
كويس.
أه ماشي.
قالتها بإحراج وهي على وشك الذهاب ف أمسكها على غفلة وقربها منه.
قال مهاب بأنفاس هامسة
بتهربي