قصة جديدة

 

ايوا ياساره خالتك جابت علبه كبسولات غير الى انتى غيرتيها اعمل ايه 
ساره ايه اعملى اى حاجه ياماما اقواك مش انتى معاكى نفس العلاج الى كنا بنبدله 
نعيمه اه فى شنطتى 
ساره خلاص خديها من غير ماتحس وبدليها 
نعيمه طيب خلاص اقفلى انا هتصرف 
قفلت معاها وطلعت علبه الكبسولات الى معاها وقامت تتسحب واخدت العلبه التانيه وفضتها على ايديها ولسه هتحطها فى شنطها طلعت عليها صفيه ووقفت قصاها بحزن مالى قلبها بتعملى ايه يابت ابويا وامى 

نعيمه اتخضت والعلبتين وقعوا منها على الارض وبصتلها بتوتر وخوف صفاء ________________فى كافيه على النيل كان جاسر قعد مع تالا والسعاده ماليه قلبه ان اخيرا هيخلص من الکابوس الى اسمه ساره مسك ايد تالا وبصلها بكل الحب الى فى قلبه انا حاسس ان قلبى فيه سعاده تكفى الكون كله 
ابتسمت تالا كل السعاده دى علشان هتسيب بنت خالتك
جاسر اكيد لا علشان مش هيبقى فيه عقبه بينا ونتجوز بقى 
تالا وشها اتغير والحزن بان عليها بصلها واستغرب تغيرها المفاجئ مالك ياحبيبتى 
تالا دورت وشها مش عارفه تقوله ايه جاسر مبقاش فاهم هى مالها لف وشها ليه تانى واتكلم بۏجع انتى مش عايزه تتجوزينى ياتالا 
ردت

________________________________________
عليه بسرعه لا ياحبيبى متقولش كده دانا بحلم باليوم ده من سنين 
جاسر سنين !!! 
تالا اتوترت قصدى يعنى الايام فاتت عليا كانهم سنين 
جاسر طيب مالك حاسك مش سعيده ليه 
تالا جاسر انا عندى مشكله كبيره وحاسه انى تايه مش عارفه اتصرف ازاى 
جاسر مشكلة ايه قولى يمكن اقدر اساعدك واحلها معاكى 
تالا اترددت تقوله ولا لا جاسر انا لما كن___
مكملتش كلمها ولقت الى واقفه قدمهم هى دى بقى الى انت عايز تسيبنى علشانها 
جاسر بص لقاها ساره وقف قصدها انتى ايه الى جابك هنا انتى بترقبينى 
ساره بصوت عالى لفت نظر كل الى فى الكافيه هو ده الى همك انى جيت وراك وبالنسبه انك بتخونى ده عادى 
جاسر اخونك ايه انتى مجنونه هو انا جوزك احنا حيالله مخطوبين وكل واحد هيروح لحاله
ساره بصتله بزهول يعنى ايه بعد كل الى عملته علشان ابعدك عنها برده رجعتلها تانى يبقى انت كنت بتمثل ومش فاقد الذاكره ولا حاجه 
جاسر مش فاهم حاجه وتالا بصتلها وخاڤت انها تتكلم لو سمحتى ياانسه اتفضلى انتى دلوقت وجاسر جاى معاكى 
ساره بصتلها بغل انت. تخرسى خالص هو مش سابك مرميه فى لندن ورجع جيتى وراه ليه عايزه منه ايه ابعدى عننا بقى 
جاسر بصلها وبدا الصداع يهجمه بشده اتكلم وهو ماسك دماغه انتى بتقولى. ايه هو انا كنت اعرف تالا قبل كده 
ساره انت هتستعبط وهتعمل نفسك مش فاكر خلاص لعبتك خلصت وحبيبت القلب الى قدامك الى كنت ھتموت عليها اهى جتلك بس وربنا ياجاسر لكون مخلصه عليك واذا كنت المره الى فاتت فشلت المرادى مش هفشل 
جاسر بيصارع الصداع ولفتات بتمر قدامه كانها حلم  ولو مبقاش ليا مش هيكون لحد 
جاسر واقف بيسمع والصداع فضل يزيد اكتر واكتر لحد مابقاش حاسس باى حاجه ووقع من طوله وفقد الوعى 
جرت تالا عليه وهى بتصرخ فى الناس يطلبوا الاسعاف اما ساره وقفت ثابته مكانها وعنيها عليهم وهى بتتوعد ليهم انها مش هتخليهم يتهنوا ببعض بعد فتره الاسعاف وصل ونقل جاسر المستشفى
فى بيت جاسر كانت نعيمه وقفه قصاد اختها بتحاول تفكر فى كذبه تخرجها من الموقف ده وقفت قصادها صفاء وقلبها كله حزن ايه بتفكرى ازاى تخرجى من الورطه دى بس للاسف مافيش اى كذبه هتنفع تتقال عارفه ليه 
نعيمه لاول مره تبقى مش عارفه تتكلم وترد عليها صفاء كملت علشان من ساعت ماالدكتور قال ان الدوا متبدل وانا شاكه فيكى انتى وبينتك وكنت قصده دلوقت اجيب علبه قصادك علشان اتاكد من ظنونى 
نعيمه حبت تجيب الموضوع لصالحها يعنى انتى قصدك انى عايزه اضر ابنك انتى اكيد اتجننتى 
صفاء انا فعلا اټجننت لما عاملتك بما يرضى الله وانتى طول عمرك بتعملينى كانى عدوك مش اختك طول عمرك محسسانى انى بالنسبه ليكى ولا حاجه من صغرى بشحت منك الحنيه والحب بس انتى قلبك زى الحجر عليا ومش عارفه ليه 
نعيمه بصتلها قوى واتكلمت پحقد مش عارفه ليه اقواك انا انتى طول عمرك عند ابويا الصغيره الحيله حبيبة قلبه الى لو حد عمل فى اى حاجه يقلب الدنيا اخدتى كل حبه ليكى عمرى ماحسيته بيحبنى زى مابيحبك بالعكس كان بيجى عليا علشانك ويقولى معلش اصلها صغيره ياخد منى كل حاجه ويدهالك ويقولى معلش اصلها الصغيره طب وانا !!! انا ايه حتى ماما مكنتش بتعاملنى زى مابتعملك تجبلك انتى كل الى بتحلمى بيه وانا الغلبانه الى راضيه بقليلها
صفاء بصتلها پصدمه كل ده فى قلبك شيلاه من نحيتى طب ليه لا ابونا ولا امنا عمرهم فرقوا بينا بالعكس كانوا احن علينا من الدنيا كلها لو فى يوم جبولى حاجه تانى يوم يكون عندك زيها والعكس 
نعيمه بقهره كانوا حنينين عليكى انتى طلباتك كانت اوامر وانا اخد الفضلات بتاعتك الحب والحنيه والطبطبه عليكى لكن انا لا 
صفاء دموعها نزلت من صډمتها فى اختها ده خيالك المړيض الى صورلك كده لكن احنا طول عمرنا بنتعامل زى بعض بس انتى الى سواد قلبك صورلك انى عندهم احسن كل الفرق انى كنت بعملهم بما يرضى الله وبتقى الله فيهم لكن انتى لاولسه زى مانتى سواد قلبك عميكى لدرجه انك مهمكيش مرض ابنى وانه يتعالج وجريتى تخططى مع بنتك ازاى تستغلوا حبى ليكى علشان تخديه لبنتك بس خلاص كفايه لحد كده 
نعيمه بصتلها باستغراب قصدك ايه 
صفاء بحزن مالى قلبها من هنا ورايح ماليش اخوات ولا عايزه اشوفك لحد ماموت 
نعيمه سكتت شويه تحاول تدارى ۏجعها الى لاول مره تحس بيه وردت بكبرياء براحتك انتى اصلا مش فارقه معايا 
لسه هطلع تليفون صفاء رن برقم جاسر ايوا ياجاسر 
ردت تالا بدموع ايوا حضرتك انا تالاجاسر تعب ونقلته المستشفى
صفاء بصوت عالى ااابنى مالوا مستشفى ايه
نعيمه حركتها اتشلت لما شافت صفاء نزلت تجرى نزلت ورها وركبت معاها