مزيج العشق بقلمي نورهان محسن

علي الصبح ياض
عمر بمزح ياريتني افتكرت مليون جنيه احسن
مالك انا اهم من المليون جنيه ولا ايه
هتف بهم ادهم بجدية بس انتو هتفضلو ترغو.. مالك يلا روح معه قابلو الطلاب واشرحلهم المطلوب منهم مش عايز اخطاء
كلاهما في نفس واحد تمام
دلف كلا من عمر ومالك الي قاعة الاجتماعات حيث يتجمع بها الطلاب
تحدث مالك بجدية اهلا بيكم في الشركة.. من الاول لازم يكون في التزام بالمواعيد وجدية في الشغل تدريبكم هيتم
تحت اشرافنا اتمني من الكل النشاط والتركيز
اكمل عمر بجدية تليق به مش محتاج افكركم اللي هيثبت نفسه بالشغل المطلوب منه هيتعين هنا بعد التخرج.. بالتوفيق.

لفت نظر كارمن انه نفس الشخص الذي كان سيرتطم بها خارج الشركة.
وقفت بدهشة تفكر انها كانت تتحدث مع صاحب الشركة واحست بالاحراج لهذا الموقف السخيف التي وقعت به.
التقت العيون في هذه اللحظة ولكن كارمن اخفضت عيناها سريعا كي تتفادي نظراته اليها.
لم يصدق ان القدر جمعه بها مرتين في نفس اليوم
وانه سيراها لفترة طويلة في الشركة وكان سعيد بشدة.
لا يعرف السبب ليقول بداخله بهيام البت جابتك ارضا يا عمر ولا ايه وشكلك حبيت يالهوي على جمال عينيها
مرت الأيام وكانت كارمن سعيدة بالعمل وأثبتت مهارتها في التصميم والفن ادهشت عمر كثيرا وبدأ في جذب انتباها والتحدث معها بحجة العمل وهي لا تنكر أنها أحببت أسلوبه المضحك ولطف قلبه وبدأت تفكر فيه كثيرا Back
خرجت من ذكرياتها علي رنين هاتفها
_الو
اجابت بصوت ناعم مبحوح
يسر عاملة ايه

دلوقتي يا روما
كارمن الحمدلله حبيبتي احسن انتي اخبارك ايه
يسر الحمدلله تمام الواد ياسين مصدعني بالبلاي ستيشن بتاعه
كارمن هو بقا كويس دلوقتي
يسر اه الحمدلله والادوية نزلت حرارته وبطل الشيبسي بمعجزة ونايم دلوقتي قولت انتهز الفرصة واكلمك عشان هعدي عليكي انا ومالك بليل نروح القصر
كارمن ايوه تمام حبيبتي هستناكم
يسر مع السلامه يا قلبوشتي
كارمن مع السلامه حبيبتي
اغلقت الهاتف وهي تفكر في هذه الوصية
التي علمت بأمرها من المحامي ووقفت متجهة الي باب الغرفه تخرج تري ابنتها وتستعد للقاء المساء.
نهاية الفصل الرابع
الفصل الخامس الوصية مزيج العشق
ان تغيير حياتنا او تغيير انفسنا ليس سهلا ومزخرفا بالورود..
لابد من التعب والاذئ والكفاح لأجل ذلك..
لا تتراجع مع اول الم او خذلان او چرح..
يستنزف كل امنياتك واحلامك وكل شئ تؤمن به..
تأكد كل شئ قابل للتغيير للأحسن او للأسوء بإرادتنا..
الا القپور فأنها لا تتغير الا بعدد محبيك..!!!
قصر البارون
عاد في المساء متعبا من العمل لكن كان عليه أن يستعد لاستقبال المحامي.
صعد إلى جناحه كي يأخذ حماما دافئا لإنعاش عضلاته المتوترة.
ذهب إلى الحمام وهو يخلع ملابسه ويغطس في حوض الاستحمام ويغلق عينيه ويريح عضلاته.
يتذكر كيف التقى بزوجته المحفوظة منذ 4 سنوات
أصبحت شركة الأزياء مشهورة في وقت قياسي ويرغب الكثيرون في التعامل معها وكان والد نادين عميلا مميزا ومن هنا تعرف على نادين انجذب إلى لطفها وأناقتها المطلقة ولباقتها في الحديث كانت من عائلة مرموقة ولأنه أراد أن يرتبط بمستوى يليق به وبعمله فرأها تناسبه كما كان يعتقد وتزوجها والمعاملة ينهما كانت جيدة ولديهما فيلا خاصة بعيدا عن والدته وأخيه وكان هذا من شروط نادين الاستقلال في حياتهم.
دخل الي فيلته الساعه العاشرة مساءا
و نادي علي زوجته
الخادمة بتهذيب مدام نادين خرجت يا فندم
ادهم بتساءل خرجت امتي يا عزه
أجابت عزه من العصر تقريبا حضرتك
ادهم ببرود طيب روحي نامي انتي
عزه بإستفهام مش هحضر العشا لحضرتك 
ادهم برفض لا ماليش نفس
انصرفت عزة في احترام..
نفخ خديه من تصرف زوجته هذا فكيف تتأخر دون علمه وجلس على الأريكة ينتظرها.
دخلت البيت في الساعه 11 46
كانت ترتدي هذا الفستان الذي لا يليق بالمتزوجة إطلاقا رأته أمامها ينظر إليها من اسفل قدميها إلى شعرها في عينيه اشمئزاز واضح.
ادهم بصوت كجليد كنتي فين لساعة دي يا مدام 
شم رائحة كريهة من فمها مع العلم أنها كانت في حالة سكر انتي سكرانه ! بسألك كنتي فين وايه لي عامله في نفسك دا
لكنها لم تكن واعية للرد فحملها بين ذراعيه القويتين متجها نحو الحمام ليضعها تحت الدش ويفتح الماء على رأسها.
شهقت بحدة من صدمة الماء
و عندما انتهي اغلق الماء وتركها تجفف نفسها وغادر الحمام.
خرجت من الحمام تجفف شعرها بمنشفه صغيرة وهي ترتدي رداء الحمام.
هتف بهدوء فوقتي دلوقتي وتقدري تردي يلا سمعيني
ردت بلا مبالاة كنت في بارتي لناس صحابي يا حبيبي
صاح بتجهم اخدتي اذن مين عشان تخرجي.. هي وكالة من غير بواب وراجعه سكرانه.. انتي اجننتي
نظرت اليه ببرود اهدا بس يا بيبي انا متعودة علي السهر.. بابا عمره ما سألني وبيثق فيا
عقد حاجبيه بصرامه انا مش بابا انا جوزك لازم تحترمي نفسك وتنسي السهر والشرب والقرف لي كنتي عايشة فيه قبل ما نتجوز
قالت بعدم اهتمام انت مكبر الموضوع اوي علي فكرة
صاح بحدة سمعتيني كويس مش هعيد تاني
تركها وغادر الغرفه
اتضح له حقيقتها المتهورة الأنانية اللامبالية ما عدا بنفسها هذا مجرد موقف من كثيرين بعد ذلك وعلم أن ما رآه في البداية كان فخ وقع فيه خاصة عندما اصبحت طلباتها تفوق حد البزخ لكنه لم يطلقها لأن الطلاق في عائلته لا يليق بهم فقرر جعلها تعيش في القصر مع والدته خاصة بعد زواج اخيه.
خرج من الحمام واتجه الي غرفه الملابس وارتدي ملابسه ونزل يري والدته.
في فيلا عمر البارون
كارمن حبيبة مامتها المؤدبة مش بتتعبني ابدا
قبلت ابنتها علي خديها المكتزة بحب بعد ان البستها ملابس وردية جميلة.
تحدثت كارمن بحنان لإبنتها خليكي هنا بقا لحد ما انا اجهز وارجعلك يموكة
اعطتها بعض من العابها تلعب بها.
دلفت الحمام تتوضئ وخرجت لبست اسدالها
و ادت صلاتها ودعت لزوجها بالرحمه والمغفر
و ان يصبرها علي الالم ويكتب لها الخير وان يقدرها علي رعاية صغيرتها.
اتجهت ناحية الخزانه تخرج ملابس الخروج باللون الاسود وهي تفكر انها لم تجتمع مع ادهم في مكان واحد الا مرات قليلة طوال سنوات زواجها من عمر وهذا كان يريحها لأنها دائما تشعر بالقلق في حضوره منذ اول لقاء لهم.
انتهت كارمن من ارتداء ملابسها واخذت ابنتها
و نزلت السلالم بهدوء
في هذه اللحظة وصلو يسر ومالك وياسين
فرحبت به
قبلت يسر كارمن قائلة بمودة وحشتيني حبيبتي
هتفت كارمن بصوت ناعم انتي اكتر يا ياسو
مالك بلطف عاملة ايه دلوقتي يا كارمن
تجمعت الدموع بعينيها لتقول بخفوت بتحسن الحمدلله علي كل حال بحاول اتعود علي غيابه.. بس صعب اوي بجد
عانقت يسر صديقتها لعلها تخفف

عنها هذا حزنها
همست كارمن بإمتنان شكرا علي وقفتكم معايا الفترة اللي فاتت.. ربنا مايحرمنيش منكم
يسر بمحبة كلنا معاكي يا كارمن مش هنسيبك ابدا يا حبيبتي
ابتسمت بحزن وتحركو جميعا الي الصالون ليجلسوا
جاء ياسين الي كارمن يرفع يديه يود ان يحمل ملك
ياسين هاتي ملك عروستي العب بها يا راما
ضحكت كارمن بصوت خفيض علي كلام هذا الصغير
هتف مالك بدهشة تلعب بمين يا واد انت 
نظر ياسين لأبيه وصاح ببراءة ملك يا بابي عروستي الحلوة
قالت كارمن وهي تحاول تداري حزنها فهي تعشق الاطفال بتعاكس بنتي قدامي يا شقي.. طب خليها من ورايا يبقالي عذري
ثم ضحكو جميعا.
يسر بيأس مفقود فيه الامل الواد دا مش هيسكت
دخلت مريم وهي تحمل صنية عليها شاي وكعك
مريم بود اتفضلو يا حبايبي كلو حاجة قبل ما تتحركو
مالك بتهذيب تسلم ايدك يا طنط ماكنش في داعي تتعبي نفسك
مريم بلطف ماتقولش كدا يا حبيبي مفيش اغلي منكم
يسر برفض سامحيني يا طنط الريجيم حرمني من كل حاجة
ابتسمت مريم قائلة يا حبيبتي تقدري تاكلي كل حاجة بتحبيها بس تاخدي بالك في كميات الاكل والسرعات الحرارية والنشويات تكون قليلة اوي وعمر وزنك ما هيزيد
يسر صفرت بإعجاب وقالت اوبا دا انتي خبرة بقا يا طنط
مريم بضحك الانترنت عرفني حاجات كتيرهبقا ابعتلك كام وصفه تمشي عليهم.. وكلي براحتك الدور والباقي علي كارمن مش بتاكل خالص
نظرت لها كارمن بلوم بأكل يا ماما علي قد نفسي
مالك طب يلا عشان مانتأخرش عليهم
نهض مالك حاملا ياسين وغادروا جميعا في سيارة مالك.
نعود الي قصر البارون
كان أدهم يجلس مع المحامي في غرفة الصالون الفسيحة ومعهما ليلى ونادين بينما الصمت هو سيد الموقف.
التقت عينا كارمن بأدهم ورأته كالعادة ينظر إليها بشكل غامض لم تستطع قراءة ما يدور في
ذهنه ولا يستطع أحد أن يتنبأ بهذا ثم التفتت عيناها إلى نادين متسائلة بداخلها ما الذي صنعت منه هذه المرأة الجليدية
ياسين پصرخ يا ادهم انا بغير دي ليا انا بس
ضحك ادهم بشدة من كلام هذا العفريت الصغير الواد دا عنده كام سنه بالظبط !!
هتف ياسين يعد علي اصابعه خمسه
ادهم بسخرية وبتغير عليها يا اوزعه.. 
ياسين بعناد
نظر له ادهم بطرف عينه وقال مفيش الكلام دا
ضحك مالك وقال بمرح انا ليه ماعيشتش طفولتي زي الواد دا.. اي كلام في باله بيقولو مابيهموش حد
نهض يحمله ويجلس به ثم قال بتحذير اهدي ما تودناش في داهية مع ادهم يا بني الله يهديك.. خديه يا يسر والعبو في الجنينه كدا مش هنعرف نتكلم منه..
تحدث الي زوجته وهو يعطيها ياسين
نظر ياسين الي ملك ببراءة وقال هاخد عروستي تلعب معايا
خرجت يسر بالطفلين الي الجنينه وعاد المكان الي سكونه.
ضحك مالك بإحراج من ابنه ليتحمحم بعد ذلك في جدية وهو يري ادهم يشير للمحامي أن يبدأ.
كان مدحت متوترا بعد لحظات
ستتغيرت موازين الأقدار لكل من يجلس أمامه الأن
أخذ بعض الأوراق من حقيبته وفتحها
وبدأ يقرأ بصوت عال 
بسم الله الرحمن الرحيم
اوصي انا عمر محمود البارون
و انا بكامل القوة الذهنية والحرية الكاملة.
كالأتي 
اولا بصفتي نائبا لمجلس إدارة شركات البارون للمقاولات قررت نقل منصبي إلى مدير الشركات مالك صلاح البارون
ثانيا تنتقل ملكية فيلتي الخاصة لزوجتي كارمن محمد الشناوي
ثالثا منصبي كنائب لمجلس ادارة شركة البارون ديزاين سينتقل الى كارمن محمد الشناوي وتشرف على تنفيذ مشاريع التصميم الخاصة بالشركة
رابعا ستنتقل وصاية ابنتي إلى أخي أدهم محمود البارون فور زواجه من كارمن محمد الشناوي ويتم تسليم الورث الشرعي لملك فور إتمامها 21 سنة.
في حال رفض أي منهم تنفيذ هذا البند يلغى كل ما سبق باستثناء منصب مالك صلاح البارون وتنقل وصاية ملك إلى أخي أدهم محمود البارون ولا يحق لكارمن الاعتراض فإن ابنتي سيربيها فقط أخي.
خامسا اما نصيبي في باقي الات والمصنع ومحلات الملابس تقسم وفقا للشريعة والقانون.
و هذه الوصية وتنفذ بعد إتمام ستة أشهر من تاريخ وفاتي.
اتسعت عيون كل من في المكان
وهم يتوجهون بنظراتهم نحو كارمن التي لا تستطيع وصف ما تشعر به في هذه اللحظة
عدم فهم ذهول صدمة ڠضب حزن
لا يقل عنها حال ادهم بل واكثر فهو لم يتوقع ابدا هذا الطلب من اخيه ولا احد يمكنه التصديق ان هذا قد يحدث بالفعل 
نهاية الفصل الخامس
الفصل السادس
اللقاء الأول مزيج العشق
اياك ان تكون مېتا وانت حي
فالحياة طريقها متسع طويلا
عليك ان تمشيه كله بخيره وشړ
اتسعت عيون كل من في المكان واول من تجرأ وتحدث !!
كانت نادين التي ڠضبت كثيرا من هذه الوصية التي سوف تكشف كل شئ فعلته.
نادين بصړاخ ايه الجنان اللي بيتقال دا.. اكيد عمر اټجنن عشان يكتب حاجة زي دي !
ادهم بتحذير ماسمعش

صوتك يا نادين
نادين پغضب يعني ايه يا ادهم انت موافق علي الهبل اللي مكتوب دا !!
هتفت ليلي بإنفعال شديد اخرسي انا ابني الله يرحمه عقله يوزن بلد وماتدخليش في اللي بيحصل دا.. فاهمة
اما هي فلم تستطيع مشاركة هذا الحديث الصاخب
ماذا تقول لا تصدق ان عمر وضعها في هذا الموقف 
تتزوج من اخوه كيف
_ انا مش هنفذ الوصية دي
كانت هذه كلمات كارمن ونظرتها مصوبة في الفراغ
صاحت نادين فيها بإحتقار وتعالي مين قال اصلا ان الكلام دا هيحصل يا حبيبتي.. انتي ناسية نفسك ولا ايه.. مش كفاية انك ضحكتي علي الصغير وخليته يتجوزك وانتي مش من مستواه.. هتكوشي علي الراجل اللي فاضل كمان
تجمعت الدموع بعيون كارمن وهربت منها الكلمات فلم تستطيع الرد.
وصل ڠضب ادهم الي اقصي حد وهو يلاحظ دموعها من كلمات زوجته المسمومه ذهب إليها وصفعها بقلم على وجهها.
ادهم بصوت جهوري الزمي حدود يا نادين مش هصبر عليكي اكتر من كدا.. يلا اطلعي علي اوضتك حالا.. مش عايز اشوف وشك قدامي
صړخ فيها عاليا فاخذت المتبقي من كرامتها وغادرت تتوعد بداخلها ان هذه الزيجه لن تمر علي خير.
نهضت ليلي من مكانها جالسة بجانب كارمن وهي تعانقها بتعاطف في هذا الموقف الذي لا تحسد عليه.
مدحت بجدية اهدو يا جماعه فاضل اقل من خمس شهور علي مهلة الوصية لازم توصلو لقرار قبل الميعاد دا وتبلغوني به
انصرف المحامي ليعم الصمت المكان للحظة
هتف ادهم بملامح صارمة وصية عمر هتتنفذ يا كارمن
نظرت كارمن اليه بدهشه وقالت بإصرار بس انا مش موافقه ومش هتجوزك
رفع أدهم حاجبيه قائلا ببرود لو سمحتم الكل يخرج عاوز اكلمها لوحدها
ضاقت عيناها وهى ترأهم جميعا يغادرون في صمت لتبقي معه وحدها لذلك لم تنظر إليه.
ادهم بصرامة مفيش اختيارات كتير قدامك.. الوصية خلاص اتفتحت واللي جواها لازم يتنفذ.. والا وصاية ملك هتكون من حقي لوحدي
نطق اخر جملة بنبرة ټهديد وحزم
هبت كارمن واقفه تنظر له پغضب وقالت بصړاخ انت اټجننت.. عايز تاخد بنتي مني
هتف ادهم پغضب ايضا اتكلمي كويس.. قولتلك معندكيش اختيارات.. يا تقبلي كل حاجة يا تخسري كل حاجة
كارمن بضعف انا مش عايزة فلوس ولا شركة وأي حاجة غير بنتي وبس
أخفى أدهم شعوره بالأسى عليها ليقول من بين أسنانه الكلام واضح قدامك خمس شهور تفكري فيهم.. لحد معاد تنفيذ الوصية
هتف بهذه الكلمات وغادر المكان بأكمله.
منزل مالك البارون
في غرفة مالك ويسر
دلفت يسر لتجد مالك يجلس علي الفراش شارد بتفكيره ولم ينتبه لدخولها.
قالت يسر برقه ايه اللي واخد عقلك يا قلبي
خرج من شروده ينظر إليها ويبتسم عندما وجد تلك الجميلة بشعرها الأشقر واقفة أمامه.
كانت ترتدي فستانها الأسود القصير خطفت أنفاسه بإطلالتها الساحرة.
مرت عينيه من رأسها إلى اسفل قدميها كالعادة أبهرته بأدنى حركة منها.
مالك بحب هو حد يقدر ياخد عقلي وقلبي غيرك يا ام العفريت
ضحكت بخجل وهي تجلس الي جواره بلاش تجيب سيرة العفريت.. هتلاقيه جاي ينط فوق بطنك زي كل يوم
ضحك معها وقال عندك حق الواد دا متسلط علينا
يسر بإبتسامة ماتقلقش لعب كتير مع ملك انهاردة.. اول ما حطيته في سريره راح في ساااابعه نومه
ابتسم مالك بخبث وهو يصقف بيديه ليقول بحماس يعني الملعب فضيلنا اخيرا
ضحكت بدلال علي حركاته وسألت بنعومة قولي بس الاول ايه اللي حصل معاكم وانا في الجنينه
مالك بإنزعاج لا كدا الليلة هنقضيها في الحكاوي وهتتحسب عليا اونطه.. وحكاية الوصية دي هيطول شرحها انا عايزك في حكاية مستعجلة دلوقتي
نظرت له بطرف عينيها وتمتمت حكاية ايه دي بقا !
لم يرد مرة أخرى فقط حاصرها داخل ضلوعه هامسا بجانب اذنيها بكلمات الحب والغزل التي خدرتها قبل أن يبتعد عنها ويلف خديها بيديه الكبيرتين بينما ينظر بلطف في عينيها وهمس بعشقك
خديها ېحترقان بهذا الاحمرار اللطيف لقلبه فبغض النظر عن عدد السنين التي مرت عليهم فإنها ستظل تخجل من كلماته الحب منه لتغمغم بإبتسامة وانا بمت فيك
في فيلا عمر البارون
هتفت مريم پصدمة مش معقولة اللي بتقوليه دا يا بنتي 
ردت كارمن پبكاء هو دا اللي حصل يا ماما
عانقتها امها وقالت بحزن ازاي عمر يعمل كدا 
وصاحت بدموع معرفش يا ماما.. قوليلي اعمل ايه لو ماتجوزتش ادهم الوصاية هتروح له وهياخد مني ملك.. انا مقدرش اعيش من غيرها
مريم بقلة حيلة اقبلي يا كارمن.. اكيد عمر ماعملش كدا عشان يأذيكي لاني متأكده قد ايه كان بيحبك
كارمن بتعجب بيحبني !! ويحطني في وضع اجباري زي دا عشان اتجوز اخوه يا ماما.. ازاي يفكر كدا 
مريم بهدوء الله اعلم يا بنتي.. محدش عارف الخير فين 
كارمن بعدم اقتناع بس انا مقدرش اتخيل نفسي مع ادهم ابدا.. ازاي اصلا وانا مرات اخوه
مريم بتصحيح كنتي مرات اخوه يا كارمن عمر م١ت ومش هيرجع تاني.. لازم تتقبلي الوضع لو عايزة تفضل بنتك معاكي
و انتي مش اول وحدة تجوز اخو جوزها
هتفت تذكرها بالواقع

الذي لا تستطيع ان تتقبله
نظرت لأمها بحزن ولم تستطيع انكار ما تقوله لكنها قالت انا هطلع اوضتي استريح.. تصبحي علي خير
مريم بحنان وانتي من اهله يا حبيبتي
نعود الي قصر البارون
عاد أدهم من الخارج بعد أن خرج ماشيا بسيارته في الشوارع بلا هدف غير مدرك ما كان يفكر فيه شقيقه !!
لماذا أجبره على هذه الوصية 
بدون ادراك من اخيه فتح الجراح التي حاول إخفاءها خلف قناع البرودة منذ أن علم أن شقيقه يحبها وينوي الزواج منها.
جلس أدهم في مكتبه يفكر فيما حدث بعقله الشارد.
سمع طرقة خافته على الباب فسمح له بالدخول
تمتمت ليلي بصوت هامس وهي تغلق الباب ورائها ممكن اتكلم معاك يا ادهم 
رد ادهم على الفور اكيد اتفضلي يا امي
ليلي بعتاب كنت قاسې علي كارمن يا حبيبي كنت سامعه كلامك ليها من برا.. براحة عليها ماتنساش هي خارجه من صدمة قوية من فترة بسيطة
قال ادهم دون أن ينظر إليها كدا احسن لازم تتقبل الواقع بسرعه.. انا مش عايز احرمها من بنتها.. اكيد انا مش هعمل كدا حتي لو اضطريت اني اضغط عليها واتجوزها بالعافية
ختم حديثه بإنفعال لتقول ليلي بصوت هادئ وحدة وحدة عليها يا ادهم البنت يتيمه وبقت ارمله كمان في سن صغير اوي مش هتتقبل كل دا بسهوله
رد أدهم بغموض ماتقلقيش يا امي خير ان شاء الله
في غرفة كارمن
جلست غاضبة على سريرها غير قادرة على النوم.
تفكر في كل ما حدث اليوم لا تفهم كيف ستتزوجه بعد خمسة أشهر 
تتذكر جيدا ما حدث في لقائهما الأول لم تكن تعلم عنه شيئا عندما عملت في الشركة لأول مرة كانت كل معرفتها به هي كلمات عمر البسيطة عنه فقط.
تقتربت كثيرا من عمر وأحست انها تحبه كثيرا فقد لامس قلبها بلطفه وأسلوبه الراقي المهذب وبعد أربعة أشهر من العمل في الشركة كانت على وشك التخرج من الجامعة وكانت متحمسة لعملها المستقر في الشركة فقد أذهلتهم بأفكارها الجديدة والراقية.
في ذلك الوقت قرر عمر أن يطلب منها الزواج وبالفعل ذهب إلى أخيه وأخبره بما يشعر به لم يرفض أدهم طلب عمر وقال له إنه ليس لديه مشكلة فهذه حياته وعليه الاختيار لنفسه.
كان عمر سعيدا جدا بحديث أخيه وزادت ثقته فى نفسه وطلب منه إحضار كارمن إلى هنا يتعرف عليها وبعد تخرجها سيأتي معه ليتقدم الي خطبتها ووافق أدهم علي ذلك.
و باليوم المتفق عليه...
كانت تمشي في الطابق الأخير من الشركة بمفردها بعد أن تركها عمر لأمر مهم من العمل وطلب منها الانتظار في غرفة سكرتيرة شقيقه حتى يعود.
لكنها لا تعرف الطريق الذي عليها أن تسلكه هناك ممران لذلك بدأت تمشي وأنذهلت بفخامة هذا الطابق الذي تراه لأول مرة.
لفت انتباهها لوحة فستان جميلة جدا معلقة على الحائط.
توقفت كارمن في منتصف الممر ناظرة إليها بإعجاب شديد وفجأة شعرت بهزة قوية دفعتها في كتفها فشهقت بشدة وسقطت على الأرض لأنها لم تستطع التوازن وذراعها اصبح يؤلمها كثيرا.
اغمضت لبرهة عينيها من الألم ونظرت لأعلى لتجد أمامها جدارا بشريا كان ينظر إليها ببرودة شديدة.
صړخت كارمن بإندفاع محاولة النهوض من الأرض پغضب وهي تدلك ذراعها برفق انت اعمي مش شايف حد واقف وانت ماشي زي الصاورخ كدا
اقترب منها يقف امامها مباشرة
ونظر الي عينيها وهو يقسم بداخله انها صافيه اكثر من السماء.
هتف ببرود وعجرفه انتي للي غلطانه.. واقفة في نص الممر براحتك كأنك في بيتكم مش في شركة
صاحت كارمن بنبرة ڠضب وكبرياء لو سمحت حضرتك الزم حدودك انا كنت واقفه ببص علي اللوحة وانت خبطت فيا ووقعتني ودلوقتي بتغلط فيا.. ايه قلة الذوق دي
تغيرت ملامحه إلى ڠضب فلم يجرؤ أحد على النظر إليه من هذه لتأتى تلك الضئيلة وترفع صوتها عليه وتغلط به ايضا بكل وقاحة.
صړخ في وجهها بحدة انتي هتحكيلي قصة حياتك.. صوتك مايعلاش هنا والا هقطعلك لسانك الطويل دا.. ويلا اتأسفي حالا
حاولت كارمن التنفس بهدوء للسيطرة على انفعالها لكنها ارتجفت بشكل لا إرادي خوفا من هذا المهيب وشعر أنه يحب ذلك البريق المذعور الذي ظهر في عينيها الزرقاوتين فابتسم بداخله بشكل خبيث وقرر اللعب بأعصابها عقاپا لتحديها له قائلا بسخرية لاذعة القطة اكلت لسانك دلوقتي.. ولٱ بتفهمي متأخر.. قولت اتأسفي عن الكلام للي قولتيه وصوتك العالي
اشتعلت غيظا فهذا المتغطرس عدم الاحساس يسخر منها وېهينها بكلماته ايضا رغم ان الخطأ منه.
رفع حاجبيه بشموخ يليق به ونطق بكبرياء غصبن عنك تتكلمي معايا بإحترام
هتفت كارمن بملل وإستنكار من غروره وبعدين بقا في اليوم دا.. لو سمحت عديني عشان في ناس مستنياني
شهقت بتفاجئ من فعلته ورفعت عينيها له في ڠضب ونظرت مباشرة إلى عينيه فشعرت بارتباك من قربه

الخطېر منها ونظرة عينيه القاتمه التي جعلتها حقا تريد الهرب منه الأن.
اما هو فأصبح مثل الشخص الضائع في امواج هذه العيون لا يعرف كم من الوقت بقي في هذا الوضع.
همست كارمن بتوتر مايصحش كدا.. لو سمحت ابعد عني
فتحت عينيها ببطئ بعد ان شعرت انها تقف وحدها بالمكان لدرجة أنها لا تعرف إذا كان ما حدث هذا حقيقيا أم أنها كانت تتخيل لكن الألم الذي مازالت تشعر به في ذراعها جعلها تدرك ان ذلك حدث بالفعل.
_ كارمن
كان هذا صوت عمر الذي
أنهى عمله وذهب للبحث عنها في مكتب السكرتيرة ولكنه لم يجدها ولم يكن شقيقه وصل إلى مكتبه فذهب للبحث عنها.
نظرت اليه في شرود فهي لم تتخطي الصدمة بعد تعجب من امرها ليقول بتساءل مالك يا بنتي سرحانه في ايه.. وواقفه هنا ليه 
همست بإرتباك توهت معرفتش اروح المكتب !!
عمر بإبتسامة هادئة ولا يهمك ادهم لسه موصلش.. تعالي نستناه في مكتب مها
ذهبت معه وهي تحاول ان تستعيد تركيزها وتنسي هذا الموقف المحرج لها.
نظرت كارمن الي صورة عمر الموضوعه علي المنضدة بجانبها ثم مدت يديها تمسكها وهي تتحدث لها بدموع ليه تحكم عليا الحكم دا.. مش عارفه اعمل ايه دلوقتي ازعل منك ولا ازعل عليك يا عمر!!!
وضعت الصورة في مكانها واغمضت جفونها لعل سلطان النوم يأتيها لتهرب من افكارها.
نهاية الفصل السادس
الفصل السابع صراع داخلي مزيج العشق
لكل صمت هستيريا خاصه به فكلما زاد هدوء الشخص كثر الضجيج برأسه.
في ايطاليا مساءا
بداخل احدي الفنادق الفاخرة التي يمتلكها مراد عزمي
يجلس مراد مع رجال اعمال فاسدون من مختلف البلاد يتحدثون حول اعمالهم وتجارتهم الغير مشروعه مثل المخډرات الاثار السلاح.. الخ
سيتم ترجمه المشهد باللغه العربية الفصحي
_ اللعنه مراد ألم تقل لي ان شحنة الاسلحة قد دخلت الحدود الاقليمية وانه ليس هناك مشكلة
اجاب مراد بثقة أجل كل شئ علي ما يرام لقد تأكدت بنفسي
_ سيدي لقد تم التخلص من الجواسيس التي زرعتها الشرطة وسطنا ليتعقبونا ولا يوجد اي خطړ الان علي المنظمة
_ حسنا لا اريد ان يبقي اثر لأي شئ يرشد الشرطة عن اعمالنا مفهوم
_ حسنا
_ اما انت مراد سوف تظل في ايطاليا هذا الشهر فأننا نحتاجك معنا هذه الفترة
اؤمأ مراد بالموافقه وهو يفكر ان نزوله لمصر تأجل وانه سيغيب عن محبوبته لمدة شهر فأنه يتطوق شوقا لها.
صباح يوم جديد
فى احدى محافظات الصعيد وبالتحديد محافظة قنا التى بها المقومات الاساسية والضرورية اللازمة للتنمية الاقتصادية والاجتماعية وبها اراضى قابلة للاستصلاح والعديد من الاماكن والمعالم السياحية وسكانها المعروفين بأصالتهم وأخلاقهم منذ القدم
في منزل الحاج عبد الرحمن الشناوي
استيقظ جميع من في المنزل يلتفون حول مائدة الطعام كالمعتاد.
كان بدر يجلس في مقعده المعتاد على اليمين وبجانبه تجلس زوجته حنان وعلي اليسار مقعد حياة بينما المقعد المترأس للطاولة يجلس عليه الحاج عبد الرحمن الشناوي بهيبته الطاغية.
تحدث الحج عبدالرحمن لسه العيال ماصحيوش ولا ايه
ضحكت حنان قائلة ببشاشة لا يعمي اكيد صحيو.. بس انت عارفهم عاد متلكعين علي طول
هتفت روان بمرح يا صباح الفل يا الناس الحلوين
ثم ذهبت الي جدها وقبلت يده بإحترام وقالت بمرح وحشتني اوي يا ابو الشباب وقبلته في خده بحب
بدر بضحك يا بت اهمدي علي الصبح وبطلي مناغشه في جدك
اجاب عبدالرحمن بمحبه سيبها يا بدر دي حبيبه جدها
صاحت روان بطفوليه شوفت بقي يا سي بابا احنا متفقين اهو محدش يدخل بيني وبين حبيبي لو سمحتم بقي
ضحكت حياة وقالت بنبرة حنونة مابتكبرش ابدا البت دي.. يلا يا حبيبتي اقعدي افطري
جلست روان ثم وضعت يديها علي رأسها كأنها تفكر ثم قالت بلؤم اه صحيح يا جدي وانا داخلة كدا سمعتك بتكلم عن العيال للي مصحيوش.. اكيد قصدك ماجد طبعا مش كدا!!
ضحكو جميعا علي تصرفات هذه الطفله مهما كبرت لا تتغير.
جاء صوت ماجد من وراءها بتجيبي في سيرتي ليه يا ام طويلة انتي 
روان يمه تف تف قطعت خلفي يا عم.. ايه انت بتنط علي السيرة.. والطويلة مالها دي حتي الغلبانة والمستغلة في كل حاجة
ماجد بلا اهتمام افطر وبعدين ارد عليكي
هتف بدر بنفاذ صبر كفاياكم دوشة واقعدو افطرو وسيبو جدكم يفطر
جلسو جميعا يأكلون بصمت
_ صباح الخير
تحدث زين بهدوء بعد ان دلف الي غرفة الطعام وهو يقبل يد جده بإحترام.
رد الجد ببشاشة صباح النور يا ولدي
اجابت حياة بإبتسامة حنونه صباح الخير يا حبيبي
قبل يد والدته وجلس بجانبها يفطر بصمت
كانت عيون روان مصوبة نحوه لم يكلف نفسه ان يلقي عليها تحية الصباح او حتي ينظر اليها لا تعلم لماذا هو بارد هكذا 
لكنها تحبه!!
خرجت من تفكيرها علي ضړبة من اخيها
صاحت روان بإنزعاج في ايدك..

حد يعمل كدا 
ماجد بملل بنادي عليكي من ساعه وانتي في المريخ.. يلا عشان اوصلك للجامعه في طريقي
تحدثت حياة على الفور قوم يا زين وصل خطيبتك يا ولدي
اجاب زين ببرود عندي شغل مهم فى المستشفي يا امي مينفعش اتأخر عنه
كتمت روان الغصه التي شعرت بها من حديثه البارد ولامبالاته بها لكنها اخفت ذلك الشعور خلف مرحها المفتعل.
روان بإبتسامة واسعة مش مشكلة ماجد هيوصلني يا عمتي.. سلام يا ناس يا حلوين..
أنهت جملتها لتقبل خد جدها.
كان ينظر اليها زين بطرف عينيه ولم يبدي اي رد فعل اتجاهها.
بعد لحظات نهض من كرسيه وهو يقول بهدوء انا كمان لازم اتحرك اتأخرت علي المستشفي عن اذنكم.. سلام
الجميع مع السلامه
في بقصر البارون
الساعه 9 00 صباحا
استيقظ أدهم من نومه أو بشكل أوضح من غفوته حيث لم ينم حتى الساعات الأولى من الصباح.
قام متجها الي صالة الألعاب الرياضية حيث يفرغ كل شيء على صدره بالرياضة كعادته أثناء ممارسة للرياضة كان يفكر في أول لقاء لهما.
كان يسير في طريقه إلى مكتبه بعد أن تأخر على الوصول للشركة في الوقت المعتاد بسبب نادين التي لا تتوقف عن استفزازه بطلباتها السخيفة وهذا اخره كثيرا ولابد أن شقيقه ينتظره هو وفتاته فأسرع ليكمل طريقه وهو ينظر إلى هاتفه ليعرف الساعة.
اصطدم بها وجعلها تسقط على الأرض پعنف وعندما رفعت عينيها إليه صړخت في وجهه.
تذكر كيف أنه لم يتحكم في نفسه معها وهذا جديد عليه فهو نادرا ما ينجذب إلى فتاة لكن نظرة من هذه العيون الزرقاء البريئة سلبت عقله في ثوان وهي أول من يجرؤ ويرد عليه بشجاعة رغم ارتجافها أمامه ووضوح التوتر عليها.
بعد مرور وقت قليل
جلس أدهم في مكتبه شارد بتلك العيون الجميلة لابد أنها تعمل في الشركة وسوف يعرف من هي 
افاق من تفكيره علي طرق الباب سمح لأخيه ان يدخل لكنه لم يكن وحيدا كانت معه إنها نفس الفتاة الفاتنة التي سحر بها.
عمر بإبتسامة صباح الخير يا ادهم
رفع رأسه وهو يرد تحية اخيه صباح النور
قال عمر وهو يشير بيديه علي كارمن الواقفة وراءه اعرفك.. دي كارمن خطيبتي المستقبلية اللي حكتلك عنها..
ثم نظر الي كارمن مردفا بفخر اقدملك ادهم اخويا يا كارمن ورئيس مجلس ادارة شركاتنا
كسرت هذه الكلمات السحر الذي شعر به وهو يرى عينيها تتسعان في صدمة لم تكن أقل من صډمته لكنه عالج الموقف بعقله الصلب في ثواني ونظر اليها بجدية وبرود ثم أشار إليهم بجلوس.
تحدث ادهم بصوته الرخيم فرصة سعيدة يا كارمن
اجابت كارمن بصوت مرتبك وكانت تنظر الي الارض انا اسعد يا فندم.. شكرا
ادهم بسؤال تشربو ايه 
لم تستطيع الرد من شدة توترها
عمر ببساطة انا عاوز قهوة وكارمن بتحب المانجه
نظرت كارمن بإمتنان لعمر تشكره بإبتسامة صامته وهذا ازعج ادهم بشدة لا يدري لماذا لا يستطيع يتحكم في مشاعره 
عم الصمت للحظة قبل ان يكسره عمر بمرحه الدائم لا يدرك مايجول في خاطر الجالسين امامه.
هتف عمر قائلا بأبتسامة رجولية لم تزيده الا وسامة ايه رأيك في ذوق اخوك.. مش بذمتك ليا حق استعجل علي الخطوبة 
احمرت كارمن خجلا من حديثه
اجاب ادهم بغموض ماكنش عندي شك في اختيارك
ثم وجه نظراته لكارمن مستطردا حديثه بنبرة عادية انتي عايشة مع والدتك بس مش كدا 
اجابت كارمن بصوتها الناعم ايوه حضرتك.. والدي ټوفي وانا طفلة
ادهم بإستفسار وايه هي دراستك 
اجابت كارمن وهي تشعر انها امام لجنة امتحان انا هتخرج بعد شهر من فنون تطبيقيه قسم ملابس
هتف عمر يذكره كارمن بتشتغل معانا هنا يا ادهم كانت ضمن طلاب التدريب
اومأ ادهم بصمت وانتهت المقابلة بسلام.
افاق من صراعه الداخلي وهو يأخذ نفسا عميقا ويعود من تلك الذاكرة الثقيلة على قلبه يتذكر كيف كان يتجنب أي لقاء معها بعد خطوبتها لأخيه 
كيف كان يتعامل معها بحذر شديد وجدية في أي مناسبة تجمعهم لكنه في نفسه لم يتوقف عن التفكير فيها لقد حاول كثيرا وفشل.
خرج من صالة الرياضة يستعد الي عمله فهو عليه مباشرة شركة المقاولات مع مالك اليوم محاولا عدم التفكير في المستقبل وسوف يترك كل شئ يأتي كما كتبه الله لهم.
نهاية الفصل السابع
الفصل الثامن قرار 
في فيلا عمر البارون
تجلس كارمن في الصالة شاردة بتفكيرها
مريم ببشاشة صباح العسل علي عسولتي
كارمن بهدوء صباح الفل يا ماما
مريم بحب حبيبتي عملتلك شاي بلبن اللي بتحبيه
كارمن بإبتسامة عذبة تسلم ايدك يا ماما
مريم بفضول بتفكري في ايه 
كارمن بحيرة متلخبطة يا ماما.. مش عارفه لسه عاوزة اعمل ايه 
مريم بهدوء لو عايزة رأيي وافقي يا بنتي
اتسعت عيون كارمن وقالت بإستغراب انتي اللي بتقولي كدا يا ماما ! طب انتي ليه مفكرتيش تتجوزي بعد بابا الله يرحمه 
ابتسمت مريم قائلة بحب باباكي الله يرحمه ماكنش في زيه محدش هيملي مكانه..

وبعدين انا كان كل تفكيري وقتها فيكي انتي ومستحيل كنت هجيب ليكي جوز ام يبهدلنا
عانقتها كارمن بشدة لتقول بإبتسامة حبيبتي يا ماما ربنا يخليكي ليا
مريم بحب ويخليكي ليا يا رب يا قلبي..
واصلت مريم حديثها بهدوء بس انتي وضعك مختلف عني يا حبيبتي !!
كارمن بدهشة ازاي يعني مختلف 
مريم بصوت حنون اللي هتتجوزيه دا عم بنتك.. مش واحد غريب ولا طماع.. الشهادة لله يعني انسان محترم وبيعامل ملك زي بنته.. وبالعقل كدا هو اكتر واحد هيخاف عليها
جادلت كارمن بعدم اقتناع بس يا ماما دا متجوز.. وانتي عارفه طريقة مراته مستحيل هنتفق مع بعض !!!
مريم بجدية وانتي مالك بمراته.. مالكيش دعوة بيها اصلا انتي ليكي بنتك وجوزك وكل واحدة منكم في حالها.
عقدت كارمن حاجبيها وسألت بسخرية وانتي فاكرها هتسكت انتي ماشوفتيش اكلمت ازاي عني بعد ما سمعت الوصية ومضايقة من نفسي اني ماقدرتش ارد 
مريم بإستفسار هو انتي مش قولتي ان ادهم وقفها عند حدها وكمان قدامكم كلكم !!
أجابت كارمن بضحكة خاڤتة اه اللهم لا شماته بس انا ارتحت لما عمل كدا لانها فعلا انسانه مستفزة بس قلقانه لا تحطني في دماغها.
قالت مريم تطمئنها بنبرة هادئة متقلقيش واهو الراجل من اول يوم خدلك حقك عايزة ايه تاني !
كارمن بحزن مش حاسة اني هعرف انسي عمر يا ماما !!
مريم بتفهم يا حبيبتي انتي مش هتنسي عمر لانه ابو بنتك.. بس هو الله يرحمه وانتي اللي عايشة دلوقتي.. ممكن تحسي ان الحياة وقفت عند اختفاء عزيز من حياتك.. بس الحقيقه ان الحياة ماشية وانتي اللي واقفة مكانك.
قالت كارمن بتنهيدة وقد بدأت تقتنع بحديث امها ماشي
 

يا ماما انا هتكلم مع ادهم وان شاء الله خير...
في النادي
ميرنا بكلمات مهدئة اهدي بس وفهميني براحة.. انا مش فاهمه منك حاجة من وقت ماقعدتي وانتي بتزعقي.. فرجتي الناس علينا
نادين بسخط بقولك فتحو وصية اخوه.. ومكتوب فيها انها تكون نائب مجلس الادارة.. ومشرفه علي المصنع بعد ما تتعلم الشغل.. وفوق كل دا هتجوز ادهم دا علي چثتي ان دا يحصل
ميرنا بتفكير معقوله.. كارمن دي طلعت مش سهلة خالص
نادين بقلق تحادث نفسها بصوت عالي انا مش عارفه افكر هي لو اتجوزته اكيد هيفهم اني 

نادين بتردد هقولك ما انتي لازم تفكري معايا وتشوفيلي حل
في كلية روان
تجلس مع صديقتها رنا يتحدثون فتأتي اليهم صديقتهم مني تجلس معهم
مني صباح الخير يا بنات عاملين ايه
ردو صباح النور
اجابت روان الحمدلله تمام
هتفت رنا بفتور فهي لا ترتاح الي مني بخير
روان انتي اخبارك ايه
مني بخبث تمام والله.. قوليلي صحيح عاملة ايه مع خطيبك
نظرت لها رنا بحنق لتدخلها بحياة روان
روان بحزن الحمدلله.
مني بمكر اومال مالك كدا وشك مكشر وزعلانه انتو اتخانقتو سوا
هتفت رنا بسخط ايه الحشارية اللي انتي فيها دي ياريت تخليكي في نفسك احسن
مني بتذمر ايه دا مالك انتي.. انا بطمن عليها وعاوزة مصلحتها.. مش شايفه شكلها بتحط ميكب ودايما بالنظارة دي طبيعي مايبقاش واخد باله منها
تتابعهم نظرات روان الحزينة وهي صامته
رنا بتعقل علي فكرة الحب بالقلوب مش في الشكل ابدا ماتسمعيش كلامها يا روان
مني بملل خلاص خلاص انا مالي براحتكمو نهضت تغادر بحنق
تحدثت روان بحزن علي حالها فهي تجهل تماما امور الاعتناء بمظهرها وكان كل اهتمامها فقط بدراستها يمكن مني عندها حق يا رنا انا برده مش مهتمه بنفسي
رنا بتوبيخ حانى بطلي هبل بالعكس انتي احلي مني انا وهي.. كفاية دمك الخفيف وشقاوتك وقلبك الطيب وطولك ماتسمعيش كلام مني انا مش بستريحلها
روان بيأس بس مظنش ان دا كفايه يخليه ياخد باله مني يا رنا
قالت رنا بصوت ناعم لو علي الشكل يا ستي سهل جدا.. سيبيها عليا انتي اصلا مش محتاجة حاجة يدوب هنشيل النظارة وتحطي لينسيز طبي وميكاب خفيف وتبقي قمر.
روان بسؤال وتفتكري دا هيخليه يشوفني حلوة يعني
رنا بتأكيد التغيير مطلوب.. وكمان لازم تخرجي من مرحلة الطفولة اللي انتي لسه عايشة فيها يعني تتكلمي بهدوء برقه وبصوت واطي فهمتي يا بت
ابتسمت روان لصديقتها التي تعتبرها اختها فهي طوال الوقت تدعمها وقالت ببشاشة حاضر يلا قومي معايا نشوف المحاضرة اللي ورانا.
في غرفه نادين ظهرا
جلست تقطم اظافرها من التوتر والعصبية شديدة
فهي لا تعرف هل حقا خطة صديقتها ستفلح ام لا
سمعت رنين هاتفها لتتجه الي المنضدة تري الشاشة تضئ برقم تعرفه جيدا اخذت تفكر هل ترد ام تغلق ككل مرة ولكنها بحاجة الي التحدث مع احد الان.
نادين بتردد ايوه
_ ازيك يا روحي وحشتيني
نادين بهدوء تحاول السيطرة علي نفسها x احنا مش اتفقنا نقطع علاقتنا ببعض يا قاسم
قاسم بمراوغة حاولت ومش قادر انساكي يا

بيبي هو انا ماوحشتكيش
نادين وقد بدأت تلين نبرتها بس انا حاليا عندي مشاكل ومش هينفع نتكلم
قاسم بلهفة بس انا لازم اقبلك ضروري بجد مشتاقلك ولا خلاص نسيتي ايامنا سوا
نادين بهمس لا مانسيتش ولا حاجة بس ياريت انت كمان متنساش اني متجوزة
قاسم بإصرار وايه المشكلة ما احنا كنا سوا وانتي متجوزة برده ومبسوطة ولا هتنكري انا لسه بحبك يا نادين ومصمم اني اشوفك
نادين برضوخ ماشي يا قاسم عايزني اقابلك فين
اجاب قاسم على الفور في شقتي طبعا اكيد لسه فاكرة العنوان مستنيكي
نادين بهدوء تمام ساعتين واكون عندك سلام
اغلقت وهي تتجه الي خزانة الملابس تبحث عن شئ مغري وملفت ترتديه فهي قررت ان تحاول نزع الخۏف من داخلها ولو مؤقتا.
اما عند قاسم
ضحكت بخبث برافو عليك يا قاسم كدا بقي هي وقعت في الشبك ودا كان الوقت المناسب للصيد
شاركها الضحك وقال بفخر عيب عليكي يا ميرنا انا مش هسيبها غير لما اطلع بكل اللي انا عايزو المرة دي
ميرنا بدلال بس اوعي تنساني في المصلحة دي يا بيبي
قاسم بإبتسامة اكيد يا عمري ماتقلقيش.. دا انتي السبب في اني عرفت اجيب رجلها من تاني دا انا بقالي شهور برن عليها ومش معبراني.
نهضت ميرنا قائلة بدلع تمام يا حبيبي هسيبك بقي تظبط اماكن الكاميرات اللي جبتهالك وهتصل بيك بليل تقولي علي الاخبار
قال قاسم وهو ينظر لها پشهوة طب ما تخليكي شوية لسه بدري علي معادها
ضحكت بغنج متصنع وقالت بغمزة خلينا نأجلها لما يحصل المطلوب ونحتفل سوا يا حبيبي سلام
عض قاسم شفته وقال سلام
غادرت ميرنا وهي تفكر پحقد وخبث كدا بقي اقدر اكسر مناخيرها اللي حطها في السما دي.. واساومها في الوقت المناسب
في شركة البارون للمقاولات
وصل أدهم الشركه وترجل من السيارة وهو يستقيم بشموخ وخلفه حراسه سار بخطواته الواثقه يدخل الي الشركه التي تعتبر الاساس لكل شئ فقد تعب بها والده.
دخل الى مكتبه جالسا على مكتبه بشموخ ليسمع طرق الباب يعقبها دخول هناء سكرتيرته الخاصة
هناء بإحترام صباح الخير يا ادهم بيه نورت الشركة.
ادهم بهدوء صباح النور يا هناء.. كل حاجة جاهزة 
تحدثت هناء بعملية ايوه طبعا يا فندم.. دا ملف المشروع الجديد والاجتماع بعد نص ساعه زي ما حضرتك امرت.
غمغم ادهم تمام.. سيبي الورق دا واطلبيلي قهوة.
أومأت هناء بالإيجاب وقالت بأدب حاضر يا فندم اي شئ تاني
قال ادهم دون أن ينظر إليها لا اتفضلي انتي.
انصرفت هناء بإحترام وظل ادهم يعمل في هدوء.
بعد مرور ساعتين
وقفت نادين امام باب شقه قاسم وهي تلتفت ورائها تخشي ان يكون ادهم يراقبها فتصرفاته اصبحت غير متوقعه.
ضغطت علي جرس الباب وبعد عدة لحظات
فتح شاب طويل اسمر وعلي شفتيه ابتسامة جميلة يخفي ورائها خبث شديد لهذه الغبية.
قاسم بخبث اهلا يا بيبي.. اتفضلي
دخلت نادين بترقب فهذه ليست المرة الاولي لها بشقته ولكنها كانت تريد ان تغلق صفحة الخيانه من حياتها وتتفرغ الي اموال ادهم فقط.
قاسم يبلغ من العمر 33 عاما طويل القامه يملك ملامح جذابه خبيث وطماع الي اقصي حد زير نساء يعشق المال 
عند كارمن
تمسك هاتفها في تردد تريد ان تحادث ادهم فهي اقتنعت بحديث والدتها وقررت ماذا ستفعل وتريد ان تعرف رد ادهم علي قرارها ولكن تخشي ان تقابله في القصر وتتدخل زوجته بالحديث وتحدث مشكلة اخري.
استجمعت شجعتها وضغطت اتصال.
اما عند ادهم
قطع رنين الهاتف تركيزه بالأورق التي امامه
اخذ الهاتف يري رقم غير مسجل بإسم فأجاب الو !!
_ صباح الخير
ادهم ببحه رجوليه صباح النور.. مين بيتكلم 
_ انا كارمن !
نظر الي الهاتف بدهشة وهو يجيب ايوه يا كارمن..ازيك !!
كارمن بصوت رقيق الحمدلله انا كويسة.
ادهم بإهتمام معلش مكنتش عارف رقمك.. خير حصل حاجة !!
كارمن بخجل لا انا بس بتصل بيك عشان عاوزة اقابلك واتكلم معاك
ادهم بهدوء اكيد مفيش مشكلة نتقابل بليل في القصر.
اجابت كارمن على الفور لا.. لو سمحت بلاش القصر ممكن نتقابل في اي مكان برا
ادهم بجدية تمام.. انا قدامي اجتماع مهم دلوقتي.. بعد ساعتين هبعتلك رسالة بالمكان والميعاد
كارمن تمام.. مع السلامه
ادهم سلام.
نهاية الفصل الثامن
الفصل التاسع اتفاق 
في بيت ميرنا
تجلس في غرفتها تشاهد ما تصوره الكاميرات في شقة قاسم على حاسوبها وتسجل كل ما حدث وهي تبتسم بخبث.
فقد وقعت نادين في الفخ كما انها علمت بسرها وستنتقم منها بشدة لما فعلته معها منذ سنوات فنادين كانت الصديقة الوحيدة لها في الجامعة رغم اختلاف مستويات المعيشة بينهم وكانت نادين تجعلها تشعر من طريقتها انها أقل منها لأنها

من طبقة متوسطة عكس نادين مدللة عائلتها الثرية.
وعندما وقعت في حب زميل لهم في الجامعة وأخبرتها عن ذلك أعجبت نادين أيضا به وأرادته لنفسها لكنه كان شخصا مستغلا تركها وركض وراء نادين التي تمتلك المال والجمال.
و لكن الآن ما الذي حصلت عليه نادين ولا شيء
مرت الأيام ولم يبق شيء على حاله.
تذكرت ما قالته لها في النادي منذ ساعات
هتف ميرنا بصوت عالي من الدهشة يخربيت مخك !!
تلفتت نادين حولها پخوف قائلة وطي صوتك.. انتي اجننتي هتفضحيني !
ميرنا بعدم استيعاب انتي ازاي قدرتي تقنعيه بكدا وازاي صدقك 
أجابت نادين بتوتر عشان انا اللي كنت مستعجلة اني اخلف.. هو ماكنش في دماغه اصلا ولا مهتم.
ميرنا بعد اقتناع حتي لو مش مهتم.. مش مصدقة برده ازاي ماحاولش يكشف عند دكتور تاني 
هزت نادين كتفيها وقالت بفخر دا كان من حظي الحلو انه اقتنع بسرعة ومادورش ورايا.
ميرنا بتفكير يبقي انتي حاليا في كارثه فعلا لانه هيتجوز تاني.. وكارمن دي مخلفه قبل كدا ومعندهاش مشكلة يعني اكيد هيعرف.
لوحت نادين بكفها في الهواء قائلة بتذمر اومال انا بحكيلك ليه لازم تلاقي طريقه معايا تخلينا نمنع الجوازة دي !!
رفعت ميرنا حاجبها وقالت بسخرية ماظنش انك هتعرفي تمنعي جوازهم.. دي وصية ولازم تتنفذ يا فالحة !!
حدقت إليها نادين بقلق وهمست بصوت خاڤت يعني ايه.. كدا هيعرف اني انا اللي مش بخلف مش هو.. وقتها اقل حاجة يعملها هيرميني للكلاب ومش هيرحمني !!
صمتت ميرنا للحظة ثم قالت بنبرة خبيثة بصي انا رأيي انك تطلعي من وراه بأكبر مبلغ تقدري عليه وتختفي قبل مايعرف اصلا.
هزت نادين رأسها نفيا ثم هتفت بطمع واسيب كل العز دا اللي انا عايشة فيه واطلع منه بفتافيت.. لا طبعا لازم الاقي طريقه امنعه انه مايخلفش منها
ابتسمت ميرنا داخليا بمكر بعد أن علمت ماذا ستفعل لتقول بتفكير مزيف خلاص سيبيني افكر في حل 
نادين بتنهيدة ماشي انا لازم ارجع القصر.
ميرنا تمام.. هكلمك
نادين سلام.
ميرنا مع السلامه.
ميرنا تتحدث مع نفسها بنبرة تحمل كراهية وحقد تجاه نادين لازم اجيب مناخيرك في الأرض يا نادين ومش هخليكي تتهني بأي حاجة...
ميرنا تبلغ من العمر 30 عام جميلة قوامها جذاب قصيرة القامة سمراء وعيونها سوداء.. تزوجت من رجل أعمال ثري عجوز وتوفي بعد عامين ورثت منه أموالا كثيرة وتحسنت حياتها كثيرا ولكن الآن كل ما تسعى إليه هو الاڼتقام من نادين فقط 
في الساعه 4 عصرا
بفيلا عمر البارون
ارسل ادهم رسالة الي كارمن بتحديد المكان والموعد فكان بالقرب من منزلها.
نهضت لتأخذ حماما دافئ يريح عضلاتها المتشنجه من التوتر.
انتهت كارمن حمامها وخرجت تتوجه الي الدولاب تطلع ملابسها باللون الاسود كما اعتادت في الأيام الأخيرة.
و لم تضع اي ميكاب ولبست حذائها واخذت هاتفها ومفاتيحها وهي تغادر الغرفه.
نزلت كارمن السلالم بهدوء وهي تسمع ضحكات ابنتها من الصاله.
توجهت
 

اليهم لتري والدتها تلاعب ملك.
كارمن بهدوء ماما انا هخرج.
مريم بتساءل رايحة فين !!
تنحنحت كارمن قائلة بإحراج كلمت ادهم.. وهقابلو بالمطعم اللي جنب الفيلا.. مش هتأخر
مريم بفهم ماشي حبيبتي خدي بالك من نفسك
كارمن بإبتسامة صغيرة تمام يا مريومة.. سلام
ارسلت قبلة لها في الهواء وهي تغادر المنزل
في مطعم فاخر علي النيل
تجلس كارمن تنظر في للساعه بتوتر وهي تنتظر حضور ادهم.
هي لا تعرف لماذا تشعر برهبة في وجوده
ادهم بصوت رجولى جذاب مساء الخير
رفعت رأسها تنظر اليه يقف امامها بشموخه الذي يليق به.
كارمن بخفوت مساء النور
مد يده لمصافحتها نظرت إلى يديه الممدودتين وصافحته للحظة شعرت بالكهرباء من ملمس يده القاسېة كانت هذه هي المرة الأولى التي يمسك فيها بيدها لكنها تجاهلت هذا الشعور.
ادهم بإبتسامة خاڤتة اخبارك ايه!
سحبت كارمن يديها في توتر واضح وأجابت الحمدلله.. وانت اخبارك ايه !
ادهم بهدوء الحمدلله.
صمتت كارمن لبرهة وهي تنظر الي يديها الموضوعه علي المنضدة لا تعرف كيف ستبدأ الحديث.
أما بالنسبة له فقد نظر إليها بتمعن لأول مرة دون أن يشعر أن هذه خېانة لأخيه.
شعر أدهم بتوترها هذا وبدأ في الكلام قائلا بتشجيع كنتي عاوزة تقوليلي حاجة 
كارمن بنبرة رقيقة مشوبة بالإرتباك ايوه فعلا.. بس مش عارفه ابدأ ازاي 
تمتم أدهم بهدوء الموضوع يخص الوصية !
قالت كارمن بإندفاع اه بالظبط
لاحت علي وجه ادهم ابتسامه طفيفه وسأل بلباقة تحبي تشربي حاجة الاول 
أشاحت كارمن ببصرها عنه وردت بعفوية شاي بلبن
اتسعت ابتسامته مستفسرا اشمعنا شاي بلبن ! دا ميعاد غداء !!
رمشت كارمن عدة مرات ثم همست بإحراج انا اسفه لو اخرتك علي غداك
ضحك ادهم بخفوت وهو يضع قدم فوق الأخرى ثم تكلم بنبرة عذبة اتكلمي الاول وبعدين نطلب الغداء لينا
تمتمت كارمن بعد أن بدأت تسترخي قليلا تمام
استأنفت الحديث بتنهيدة حزينه انا كنت عايزة اقولك اني فكرت في بنود الوصية.. انا ممكن اعمل اي حاجة عشان بنتي.. واكيد عمر الله يرحمه.. كان بيفكر فيها قبل اي حاجة وهو بيكتب وصيته.. عشان كدا

اختارك انت الاب اللي هيخاف عليها زيه بالظبط.. وانا بقت اهم حاجة عندي هي ملك مش بقي فارقه عندي نفسي.
كان ادهم يتابع حديثها بعيون ثاقبة وتركيز شديد.
اما هي اخذت نفسا طويلا وهي تفرك يديها بتوتر
وواصلت حديثها بخجل انا موافقه علي الجواز.. بس لو سمحت انا ليا طلبات.
كانت مازالت تنظر الي يديها ولا تستطيع النظر اليه من احراجها وترددها
اجاب ادهم بترقب وايه هي طلباتك
كارمن بنبرة خافته انا عاوزة يبقي جوازنا علي الورق وبس.
زم شفتيه بإنزعاج من طلبها هذا مع انه كان يتوقعه
لكنه اجاب ببرود عكس مايشعر به من ڠضب تمام
رفعت نظرها اليه وقالت بتعجب يعني انت موافق !!
تاه في زرقاوتيها التي تنظر اليه ببراءة واضحة ولكنه تماسك يجاوبها بنفس البرود ممزوج بالكبرياء انا مش هفرض نفسي عليكي.. ولا هقرب منك غير لو انتي عايزة كدا.
كارمن بإحراج شكرا.
ادهم بذكاء ايه هي باقي طلباتك
تنفست كارمن بعمق وهى تشعر بثقة أكبر فى نفسها لتقول على الفور يكون ليا اوضة لوحدي !
رد ادهم وهو يحاول تمالك نفسه قابضا علي كفه فوق الطاولة مش ملاحظة ان كدا كتير !!
اهتزت مقلتيها لكنها حافظت على ثبات نبرتها الهادئة مستحيل تكون متوقع مني اني اتقبل الوضع بسهولة
حرك أدهم رأسه بنفاذ صبر وقال بنبرة قوية ماشي يا كارمن.. بس هتكون الاوضة في جناحي بأخر دور بالقصر.. وملك كمان هجهزلها اوضة الاطفال
سألت كارمن بحرج هي نادين مش بتنام في جناحك
أجاب ادهم بعدم اهتمام لا ليها جناحها الخاص في الدور الثاني
اندهشت كثيرا من حديثه البارد عن زوجته هي كانت زوجه اخيه ولكنها كانت لا تعلم عن حياته الخاصة اي شي.
حاولت ان تصر علي قرارها وهتفت بعناد طفولي طب وليه انا كمان ماتكونش ليا اوضه خاصة !!
ادهم رفع حاجبيه ليقول بصرامه انا اللي اقرر ومفيش نقاش في الموضوع دا تاني.
انزعجت كارمن منه كثيرا لتهمس بصوت منخفض لكنه وصل اليه مستبد!
قال أدهم مبتسما بجانبية بتقولي حاجة !!
نظرت كارمن اليه وقالت على الفور امتي هقدر ابدأ الشغل في الشركة 
أجابها أدهم في عملية وعدستيه تأسر عينيها الوقت اللي يريحك تقدري من بكرا تيجي الشركة.
سعدت من موافقته لكنها توترت قليلا فهي تحتاج الي وقت اطول لذا قالت بتردد ممكن نأجل الشغل الفترة دي مش حاسة اني هقدر اركز فيه الفترة دي
ادهم بهدوء علي راحتك
أطبقت كارمن شفتيها ثم همست بنبرة ناعمة ممكن طلب اخير.. لو سمحت
ابتسم ادهم من اسلوبها الطفولي يشعر انه الأستاذ وهي التلميذة وتمتم بنبرة جذابة رجولية اطلبي
توردت وجنتيها وقالت بخجل انا عايزة ماما تعيش معايا بعد الجواز.. انت عارف اني ماقدرش اسيبها تعيش لوحدها
رد أدهم بعد أن أخذ شهيقا قويا ليزفره ببطئ اكيد عادي.. مفيش مانع
هتفت بسعادة وقد ارتاحت نوعا ما اتفقنا
ابتسم أدهم قائلا بنبرة غامضة اتفقنا 
نهاية الفصل التاسع
الفصل العاشر هوس 
لن يتوقف الزمن عند أحد
الصغير سيكبر
القوي سيضعف
المظلوم سينصر
والظالم سيحاسب..مساءا بالصعيد
في منزل الحج عبد الرحمن
يجلسون جميعا في الصالة الواسعه يشاهدون التلفاز
كانت روان تنظر الي التلفاز ولكن عقلها يفكر في كلام صديقتها رنا الذي قالته لها صباح اليوم عن تغيير اسلوب كلامها والاعتناء بمظهرها.
تحدث ماجد بصوت مرتفع رورو.. مالك بكلمك يا بنتي
افاقت روان من شرودها وقالت بتشوش ها ايوه انا معاك يا ماجد
ماجد بسخرية معايا فين يا اختي.. واضح ان الفيلم عجبك اوي
روان بإرتباك ايوه فعلا قصته حلوة
كان ينظر اليها زين وهو متأكد انها لا تتابع التلفاز
نظر الي جده وهو يتحدث بهدوء جدي انا مسافر بعد اسبوع مصر عندي مؤتمر طبي مهم هناك
الحج عبدالرحمن بتساءل عن ايه المؤتمر دا يا ولدي 
اجاب زين بثقة دا يا جدي مؤتمر يخص دكتور ليا بالجامعه وطلب مني احضره معه
هتفت حياة بسؤال هتقعد قديش هناك يا حبيبي 
رد زين بنبرة هادئة لسه معرفش يا امي بس فرصة اخلص كام حاجة هناك
الحج عبدالرحمن بتفهم ماشي تروح وترجع بالسلامه يا ولدي
نظرت روان اليه في حزن وهي تفكر انها من الان ستشتاق اليه ولكن ماذا عساها ان تفعل اخذت تدعي له في صمت.
لاحظ هو نظرتها ولكنه تظاهر بإنشغاله في الحديث مع والدته.
ماجد بمرح ابقي افتكرنا بأي حاجة يا عم زين في السفرية دي
زين بضحكة وانا اقدر انسي ماتقلقش
هتف ماجد بظرافة وهتجيب معاك ايه بقي لروان 
قال زين ابتسامة جانبية خليك في حالك انت وخلاص
ماجد بسماجة ماشي.. تسلملي يا معلم
ابتلعت روان الغصة التي تشكلت بداخلها وهي تسمعه يتكلم بأسلوبه البارد عن سفره هذا ولم يحاول حتي مشاركتها معه بالحديث كأنها غير موجودة بحياته.
حاولت الجلوس في مقعدها بهدوء تنصب نظراتها بتركيز علي الصحن الموجود بحجرها ولكنها فأة لم تعد تحتمل تريد ان تفرغ شحنه البكاء التي تشعر بها بعيدا عن الجميع فانتفضت بقوه من مقعدها وهي تقول بسرعة تصبحو علي خير
حنان بإستغراب هتنامي ولا ايه يا حبيبتي.. لسه بدري خليكي معانا
روان

بإضطراب معلش يا ماما عندي كلية الصبح ولازم انام دلوقتي
غادرت المكان سريعا قبل ان تفضحها دموعها
في فيلا عمر البارون
عادت كارمن الي منزلها بعد ان اصر ادهم علي توصيلها.
دخلت الي الصالة تري والدتها جالسه فإبتسمت بمحبة وهي تحمد ربها علي وجود امها معها.
همست كارمن حتي لا تستيقظ ملك مساء الفل يا مريومه
مريم بإبتسامة مساء النور حبيبتي.. اتأخرتي ليه كدا 
قالت كارمن بدهشة وهي تنظر الي الساعة ماتأخرتش ولا حاجة دا لسه الساعه 9 الا كام دقيقة وادهم وصلني لحد الباب هنا
اتسعت مقلتيها مم تسمعه ثم هتفت بغرابة بقالك اكتر من 3 ساعات مع ادهم.. ايه اللي حصل 
تفاجأت كارمن أيضا من مرور الوقت بتلك السرعة وقالت بذهول يااااه تعرفي يا ماما دي اول مرة اقعد في مكان واحد مع ادهم كل الوقت دا.. محستش بالوقت..
واصلت حديثها قائلة بهدوء ابدا محصلش حاجة يعني.. انا قولتله اني هنفذ وصية عمر واني موافقه علي الجواز.. عشان هو الوحيد اللي هيخاف علي ملك زي عمر بالظبط
قالت مريم بفهم وهى ربت علي يديها بحنان عين العقل يا بنتي والله
همست كارمن بتنهيدة بحاول اتأقلم علي اللي انا فيه يا ماما.. وربنا يعمل اللي فيه الخير لينا
مريم بإبتسامة ونعم بالله.. ربنا ينورلك طريقك يا حبيبتي
هزت كارمن كتفاها لتقول بنبرتها الرقيقة وفي حاجة كمان تجهزي نفسك من دلوقتي لما ننقل للقصر بعد الجواز.. هتكوني معايا انا قولت لأدهم وهو معندوش اي مانع
اعترضت مريم بحرج بس يا بنتي !!
قاطعتها كارمن قائلة على الفور مفيش بس يا ماما.. مستحيل هتسيبيني مع نادين دي لوحدي
ضحكت مريم وهتفت بمزح قولي كدا وخداني بودي جارد معاكي.. انتي قدها يا قلبي ماتقلقيش ولو علي النقل معنديش مانع انتي عارفه انا بحب ليلي قد ايه 
كارمن بمرح حبيبتي يا مريومة
قبلتها علي خدها ووقفت تظبط ملابسها ثم قالت بتعب انا هطلع بقي انام يا ست الكل.. هاتي ملك عنك هطلعها تنام في سريرها
مريم بنبرة حنونة ماشي يا قلبي علي مهلك
حملت كارمن ابنتها وصعدت الي غرفتها
مرت عدة لحظات
بعد أن وضعت كارمن ابنتها في سريرها ثم ذهبت لتغيير ملابسها إلى ملابس مريحة وصعدت إلى السرير مستلقية ظهرها عليه وهى تفكر في مقابلتها اليوم مع أدهم.
كان متفهما ولم يغضب من طلباتها ولم يتعامل معها بالطريقة التي اعتادت عليها منه شعرت انها بدأت ترتاح قليلا من جانبه لانه إحترام رغبتها ولم يضغط عليها.
تنهدت بعمق وأغمضت عينيها بعد أن أطفأت المصباح الموجود على المنضدة المجاورة لها.
في منزل مالك البارون
تجلس يسر بجانب مالك علي الاريكة وهو يتحدث مع ادهم بالهاتف وبعد ان انهي مكالمته نظرت اليه بدهشة وهتفت بعدم تصديق معقوله اللي سمعته دا.. بجد كارمن وافقت علي الجواز 
مالك بضحكة ايوه مش لسه كنت بكلم ادهم قدامك وبلغني بموافقتها
يسر بتنهيدة بجد كارمن صعبانه عليا محطوطة في موقف لا تحسد عليه بصراحة
مالك بهدوء انا شايف انها اخدت القرار الصح.. كدا ولا كدا هي هتتجوز في يوم من الايام.. دا حقها وماتنسيش انها لسه صغيرة وحلوة
سألت يسر وهي تنظر اليه بطرف عينيها مين دي للي حلوة وصغيرة يا حبيبي 
مالك بإبتسامة ماكرة ايه دا هو الجميل غيران ولا ايه 
نهضت يسر من جانبه لتهتف بغيرة مالك ماتستفزنيش !!
أمسك مالك بيديها وجذبها إليه لتجد نفسها جالسة على قدميه وظهرها ملتصق بعضلات صدره حاولت دفعه بعيدا لكنه كبلها بذراعيه وأبقها بين احضانه.
همس لها بصدق وحب بجانب أذنيها يا مجنونه انا مقدرش اشوف غيرك اصلا
اغمضت عيونها بهيام تهمس مثله حاول انت بس تعملها وانا هضيعلك مستقبلك
مالك بضحكة صاخبة اموت انا في الشرس دا يا ناس
نظرت

يسر اليه بحب وقالت بنبرة رقيقة وانا بعشقك اكتر من اي حاجة في الدنيا
عض مالك علي شفتيه متسائلا بخبث هو ياسين فين 
اجابت يسر ببراءة وهي تنظر اليه من فوق كتفها فوق نايم
حدق مالك فيها بغمزة وقال بنفس النبرة يا سلام الواد دا بدأ يبقي عنده احساس ويراعي مشاعر ابوه
في ايطاليا
مراد جالس في حانة يشرب الخمر وبجواره إحدى العاھړات ولكن ذهنه شارد مع من سړقت عقله كان يتذكر أول مرة رآها.
منذ سبعة اشهر
كان يتابع اعماله في فندقه بالغردقة لكنه بدأ يشعر بالملل فلا شيء جديد في حياته.
رآها بالصدفة تقف وحيدة على البحر بدت مثل حورية البحر التي خرجت لتوها منه.
لم يعرف ماذا حدث له حينما رأى ابتسامتها الساحرة البريئةوجدها تتجه نحو شاب يجلس على الشاطئ وتجلس بين ذراعيه أصيب بالجنون والڠضب الشديد لكنه صمم على معرفة من تكون
اشار الي احد رجاله يهمس له بشئ ما فأومأ بانصياع قبل ان ينصرف من امامه بهدوء.
جلس يراقبهم يضحكون معا وكانت عروقه بارزة من غضبه وحنقه.
بعد قليل أتي هذا الرجل مرة اخري فأشار له بالجلوس ليهتف بعدها بإقتضاب عملت ايه 
فأجاب الرجل بجدية

تامه عملت كل اللي امرت به يا مراد بيه.. جبتلك كل المعلومات اللي طلبتها عنها...
ثم نظر الي الورقه التي بين يديه
قائلا بتركيز اسمها كارمن محمد الشناوي
عندها 26 سنه ابوها مټوفي من وهي عندها عشر سنين
خريجة فنون تطبيقية قسم ملابس
متجوزة رجل اعمال اسمه عمر البارون
و عندهم بنت عمرها سنة وخمس شهور
مراد ببرود تمام روح انت
اشار له بالإنصراف
زادت من عصبيته هذه المعلومات وقرر أنه سيمتلكها بأي ثمن حتى لو اضطر الأمر ان 
ولكن لابد من التحلي بالصبر فعائلة البارون معروفة ولا يريد أن يتخذ خطوة غير محسوبة.
منذ ذلك الوقت أمر رجاله بمراقبتها لمعرفة كل تحركاتها وانتظار الوقت المناسب للحصول عليها فهو مهووس بامتلاك الأشياء الصعبة.
جلس في سيارته محاولا التركيز على القيادة للوصول إلى منزله ولكن بعد عدة لحظات ظهرت سيارة ضخمة من جانبه واصطدمت به مما تسبب في فقدانه السيطرة على سيارته وانقلابها وهربت السيارة الأخرى بعد التأكد من قلب سيارته
نهاية الفصل العاشر
الفصل الحادي عشر زواج مزيج العشق
هل تعرف معني الوقت.. أنه ليس بثواني ولا بدقائق ولا بساعات.. انها لحظات تمضي من حياتنا ونحن نهدرها.. بإنتظار أشخاص رحلوا عنا دون عودة..
أو نتألم لمواقف مضت وتركت اثر بقلوبنا..
أو نحزن علي ذكريات تأبي النسيان..
أو مشاعر قلب مرهف ومتعب بين صراعات العقل..
ف تمضي حياتنا.. بين انتظار والم وحزن وصراع..
و لم ندرك انه العمر.. الذي ينتهي دون انتهاء كل تلك الصراعات داخلنا..
فأمضي وعش حياتك.. لا تهدرها بشئ لا ينتهي
ابحث عن سعادتك.. حتي لو بشئ بسيط منه
لا تكن ك عابد الساعات.. لا يري سوي xxxxبها
بينما حياته بين خطوطها!!
بعد مرور اربعة اشهر
مساءا في قصر البارون
اليوم عقد قران ادهم وكارمن
يجلس الجميع في صمت يستمعون إلى كلمات المؤذون المعتادة ولا توجد اي علامة على الاحتفال فقط تجمع العائلة.
يد أدهم تمسك بيد كارمن ليعلن المؤذون جملته الشهيرة
بارك الله لكما وبارك عليكما وجمع بينكما في خير
و بعد انتهاء اجراءت الزواج غادر المؤذون.
لا تستطيع النظر اليه تشعر برغبة عارمة في البكاء
وتتسأل لما كل ذلك يحدث لها 
تجلس ليلى التي كانت سعيدة رغم كل شئ ان كارمن ستقيم معها في القصر هي وحفيدتها ومريم التي تدعي الي ابنتها بالسعادة والخير في حياتها الجديدة مع ادهم.
ذهب الجميع نحوهما لتقبل يسر كارمن على خدها قائلة بهمس افردي وشك شويه وابتسمي ايه البوز اللي مده قدامك شبرين دا
كارمن بنفس الهمس والنبي تسكتي يا يسر انا ماسكة دموعي بالعافية اصلا
امسكت يسر بذراعها واوقفتها وذهبت بها بعيدا عن مسامع الجميع.
تحدثت يسر بتعاطف كارمن احنا مش اتفقنا نفتح صفحة جديدة وتحاولي تعيشي الحاضر.. بلاش تنكدي علي ادهم بتكشيرتك دي اكيد هو حالته اصعب منك.. دا اخوه مش سهل عليه اللي هو حاسه دلوقتي
سألت كارمن بتنهيدة ڠصب عني اعمل ايه بس يا يسر
أجابتها يسر ببساطة ابتسمي وفكي كدا.. وبعدين احنا كأننا في عزاء اصلا يا مفترية كفاية انه وافق ان مفيش معزيم ويكون كتب الكتاب في صمت كدا
كارمن بدهشة مش هي دي الاصول عمر لسه مټوفي من كام شهر.. عوزاني افرح ازاي مش مكفيكي اني سمعت كلامك وقلعت الاسود
غمغمت يسر بإنشداه عايزة تحضري كتب كتابك بالاسود والله انتي مجنونه.. صحيح هي فين نادين مش ظاهرة يعني
أجابت كارمن بلا مبالاة من وقت ماجينا العصر هنا مالمحتهاش خالص
دمدمت يسر بحنق كدا احسن خليها تختفي العمر كله يارب
ابتسمت كارمن رغما عنها وقالت بهدوء مالناش دعوة بيها الله يكفينا شړ لسانها وخلاص
يسر بتنهيدة قوية ياااارب عندك حق يلا نرجع لهم بقي
أصر مالك على أن يلتقط لهم بعض الصور رغم اعتراض كارمن لكن أدهم تحرك بجمود ووقف ببطء بجانبها ولم يضع يده عليها.
وبكبرياء الأنثى ڠضبت كارمن منه بسبب بروده هي لم تكن تريده أن يعانقها مثلا بل أن يبتسم على الأقل ثم بمكر أنثوي وضعت يديها على كتفه وهي تستند عليه.
شعرت بإضطراب جسده حالما لامسته فإبتسمت بإنتصار لكنه لمحها وفهم فعلتها وابتسم في داخله بغموض.
في الصعيد
كانت الأجواء علي العكس تماما في قصر الحج عبدالرحمن الشناوي
حيث كانت الفرحة تعم المكان فاليوم عقد قران وزفاف زين وروان وبالخارج الجميع يحتفلون ويرقصون بالعصا ومنهم من يجلسون يتناولون اللحوم التي تم ذبحها صباحا بمناسبة زواج احفاد الشناوي.
يجلس كلا من الحج عبدالرحمن وولده بدر وأيضا ماجد ويتوسطهم زين بعد ان تم عقد القران
هتف ماجد بفرحة الف مبروووك يا جوز اختي
زين بجمود والابتسامه لا تصل الي عينيه الله يبارك فيك يا ماجد عقبالك ان شاء الله
ماجد يرفع

يديه وهو يدعي يسمع منك ربنا انا جاهز ومستني بنت الحلال
بدر بتوبيخ يا ولد اهمد واعقل شوية وقوم شوف الناس محتاجة حاجة بدل قعدتك دي
الحج عبدالرحمن ببشاشة سيبه يا بدر عن قريب يا ماجد نفرح بيك يا ولدي
قال ماجد وهو يقبل يد جده بإحترام ربنا يخليك لينا يا جدي ويطولنا في عمرك يارب
الحج عبد الرحمن بمحبة ويخليكم يارب الحمدلله عشت لليوم اللي افرح به بيك يا زين يا ولدي
زين بإبتسامة ربنا يفرحك دايما يا جدي ويطول بعمرك
اما بالداخل
كانت النساء يرقصون ويغنون في مرح وروان تجلس بالوسط تنظر لهم بخجل وعلي وجهها ابتسامه جميلة فهي سعيدة كثيرا انها اصبحت زوجة زين لكنها لا تشعر بإرتياح من اسلوبه البارد الجاف معها.
منذ ان عاد من المؤتمر وهو خارج المنزل طوال الوقت حتي بعد ان لاحظ انها تركت النظارة الطبية واهتمت بمظهرها لم يحدث هذا فارقا كبيرا عنده مازال لا يوجه لها اي حديث وبعد مرور شهرين اصر الجد علي ان يتم زواجهم في فترة اجازتها الدراسية.
حاولت روان ان تعترض فهي لا تدري كيف ستتزوج به وهو يعاملها بهذا الاسلوب القاسې ولكن حاولت ان تقنع نفسها ربما ستتغير معاملته معها بعد الزواج وظلت مثل عادتها تحاول دائما خلق اعذار له.
اما زين حاول ان يأجل هذا الزواج بحجة عمله ولكن لم يفلح بذلك مع اصرار الجد ووالدته.
امضت روان الفترة الماضية في تجهيز ما تحتاج اليه الذي لم يتعدي الملابس وبعض احتياجاتها البسيطة فقط وساعدتها امها وعمتها في ذلك.
عند حياة وحنان
قالت حنان بقلق بصراحة يا ام زين انا قلقانه
قطبت حياة حاجبيها وسألت بغرابة خير كفا الله الشړ يا حنان مالك
حنان بعدم ارتياح مش عارفه حاسة كدا ان معاملة زين لروان مش ولا بد كأنه مڠصوب علي الجوازة
حياة بفزع ايه اللي بتقوليه دا يا حنان والله ازعل منك
حنان بتبرير ماتفهمنيش غلط بس انتي اكيد ملاحظة البت قعدة ساكته كأنها مهمومة
قالت حياة بهدوء ولا مضايقه ولا حاجة.. انتي ناسية ان دي ليلة دخلتهم اكيد متوترة شوية بس.. متقلقيش اول ما هيتقفل عليهم باب واحد هيبقو سمنه علي عسل وكل الوساوس اللي في مخك دي هتروح اول لما نطلعلهم فطار العرايس الصبح وبنتك تطمنك بنفسها
تقوست حنان شفتها الى الاسفل لتقول بخفوت ياريت يا حياة هو انا اكره انتي عارفه معزة زين زي ولادي بالظبط
حياة بإبتسامة استبشري خير يا خيتي وسيبها علي الله
حنان بتنهيدة ونعم بالله
نعود للقصر
تتحرك نادين في غرفتها ذهابا وايابا پغضب شديد تحاول السيطرة علي ارتباكها وخۏفها من القادم.
تذكرت اخر مرة تحدثت مع ادهم حالما جاء يبلغهم بموافقة كارمن علي الزواج.
ذهبت ورائه عندما صعد الي جناحه دلفت في عصبية لتهتف بإندفاع انت خلاص قررت تتجوز البنت دي !
أجاب ادهم ببرود اسمها كارمن.. وايوه هتجوزها ما انتي كنتي تحت وسمعتي اللي انا قولته !
نادين بإستنكار طب وانا مفكرتش في منظري قدام الناس !!
ادهم بسخرية كل اللي يهمك منظرك وانتي ليه مفكرتيش في منظري لما كنتي بترجعي سكرانه من بارتيهات صحابك
نادين بإرتباك وصوت عالي تلقائي انا مش موافقه انك تتجوز عليا يا ادهم
زمجر ادهم بحدة محدش طلب موافقتك وصوتك مايعلاش عليا فاهمه
نادين بسخط لا طبعا حقي ماوفقش انا مراتك وليا حقوق عليك
تشدق صدغه قائلا بسخرية وانا حقي اتجوز دا شرع ربنا ايه يضايقك في كدا وبعدين انا مقصرتش في حقوقك دي ولا ايه !!
نادين بإستياء وانت يعني مالقتش الا دي وتتجوزها وكمان انت بتقرب مني لما انا بطلب مش من نفسك يعني ودا اكيد بيجرحني.
ادهم بجمود والله انتي عارفه السبب كويس لانك انسانه مستهترة وانانية.. ولولا اني مش حابب فكرة الطلاق كنت طلقتك من زمان
همست نادين بدموع زائفه انت كدا بتيجي عليا اوي يا ادهم
صاح ادهمبازدراء انتي اللي بتطلبيه بيتنفذ اظن فاهمة قصدي.. بلاش تعيشي في دور الزوجة المظلومه مش لايقلك.. واياكي يا نادين اياكي تقربي لكارمن بقول او فعل هتشوفي مني وش عمرك ماشوفتيه.
شعرت انه مسح بكرامتها الارض لتقول پحقد مكتوم ماشي يا ادهم
تحدث ادهم ببرود وهو يوليها ظهره ودلوقتي اتفضلي علي اوضتك ولأخر مرة هقولك ماتطلعيش الدور دا تاني.
همست نادين بكراهية ممزوجة بالحقد بقي هما قعدين تحت ومبسوطين وانا هنا ھموت من القلق والخۏف.. مستحيل اسيب وحدة زي دي تتهني في العز بعد كل اللي عملته
اخذت هاتفها تطلب رقم صديقتها في توتر
نادين ايوه يا ميرنا
ميرنا ايه الاخبار
نادين پغضب الاخبار زفت طبعا.. كتبو الكتاب والمؤذون لسه ماشي
ميرنا بخبث مممم يعني خلاص بقت مراته.. نزلتي تقعدي معهم تحت
نادين بحنق لا طبعا عاوزاني اشوفهم مع بعض عشان اموت بغيظي
ميرنا بسخرية اللي يسمعك كدا يقول انك بتغيري علي ادهم
نادين بغيرة دا جوزي انا.. حتي لو عمري ماحبيته.. كفاية
 

اني متمتعه في فلوسه اللي من غير حساب
ميرنا بلوم بس كان لازم تنزلي زي

ما اتفقنا وتقعدي وتبيني قدامهم انك عادي عشان تمشي الخطة صح
نادين بعبوس مقدرتش اعمل كدا وكمان خاېفه وقلقانه انتي فاهمه
قالت ميرنا بنبرة خبيثة ايوه.. خلاص من بكرا تجري معها ناعم وتتكلمي بهدوء وتمثلي انك متقبلة الوضع ووماتنسيش تنفذي اتفقنا واوعي حد يشوفك
تمتمت نادين على مضض ماشي يا ميرنا هحاول
ميرنا يلا تصبحي علي خير.. سلام
نادين مع السلامة
اغلقت نادين الخط بإبتسامة شيطانية وهي تخرج علبه حبوب من درج الطاولة واخذت ترسم خطتها وماذا ستفعله غدا حتي تنفذها
نهاية الفصل الحادي عشر
الفصل الثاني عشر صدمة مزيج العشق
تعتقد بأنك فوق الغيوم وفجأة تشعر بطعم التراب بفمك...
هذا ما يفعله السقوط السريع بأسهم السعاده لديك..!
نعود الي زفاف زين وروان
سمعوا النساء صوت صاخب من الخارج دليل علي دخول العريس لأخذ عروسته.
هتفت حنان بسعادة الف مبروك يا حبيبتي عريسك جاي ياخدك
احتضنتها حنان بعدها بقوة ودموع تهطل من عينيها تعبيرا عن فرحة قلبها بصغيرتها.
اخذت النساء تصفق وتزغرط عند دخول العريس ومعه جده وخاله.
لكنها لم ترى احدا منهمبل عينيها مصوبة نحو من خطڤ قلبها قبل عينيها أنه حب طفولتها ومراهقتها وحياتها بأكملها.
نظر اليها زين بغموض قائلا بإبتسامة 
في قصر البارون
بعد مرور ساعة من ذهاب المؤذون
يجلسون جميعا في الصالة الواسعه يتثامرون سويا
و صعدت مريم تنام وحدها بعد اصرار كارمن ان تجعل ملك تنام معهم في جناح ادهم وانها لن تترك ابنتها تنام بعيدة عنها رغم اعتراض مريم لكنها رضخت لرغبتها بالنهاية واخبرت المربية ان تضع ملك في غرفة الاطفال بجناح ادهم.
نظر مالك الي زوجته يغمز اليها وهو يهتف بمرح طيب يا جماعه كانت سهرة جميلة.. انا هاخد مراتي بقي ونمشي احنا
ليلي بإبتسامة ما لسه بدري يا ابني
يسر بنعومة معلش بقي يا طنط.. احنا لازم نعدي ناخد ياسين من عند ماما قبل ما نروح البيت
كارمن بتساءل ايوه صحيح هو ليه مجاش معاكم 
يسر بتنهيدة ما انتي عارفه مش هسيبينا نتهني دقيقتين علي بعض من شقاوته
مالك بضحكة خاڤتة اه والله كان زمانه اخد ملك واختفي ورا اي شجرة
ادهم بمزح ياخدها يروح بيها فين.. طب خليه يقرب منها والله اعلقهولك علي باب الشركة
رفع مالك حاجبه وتمتم بغيظ ما تسيب الواد يعبر عن اللي جواه براحته يا اخي
ضحكت يسر قائلة بيأس صراحة مالوش حل دا بيغير عليها من ادهم
شاركتها كارمن الضحك لتقول بتأييد ايوه صح انا كمان لاحظت كدا اكتر مرة. بس عسل اوي ودمه خفيف ماشاء الل
ابتسم مالك قائلا بفخر طبعا عسل طالع لأبوه
نظر ادهم الي ابتسامتها الجميلة وتمني ان لا يكون هناك سواه يري ضحكتها الفاتنه ولكن صبرا كل شئ يأتي في وقته يكون اجمل.
مالك بصوت عال يا عم ادهم انت سرحت فين!!!
انتبه ادهم إليه وقال اه معاك.. بتقول ايه 
غمز إليه مالك ليقول بمكر واضح اوي انك معايا.. طيب اصبر شوية وكلنا ماشيين واسرح براحتك
احمرت كارمن خجلا من تلميحات مالك هي تعلم انه لن يحدث شئ ولكنها شعرت بحرج من مجرد التخيل.
هتف ادهم بحدة يرمي الوسادة علي مالك يلا يا اخويا مش قولت انك ماشي.. يلا خد مراتك وامشي عندنا شغل الصبح بدري
مالك بإستياء يالهوي عليك حتي في المناسبات شغل برده ما ترحمنا شوية.. انا عايز اسافر مع مراتي اغير جو خنقة الشغل اللي مش بيخلص دا
هتفت ليلي بلوم ايوه فعلا يا ادهم ماينفعش تروح الشغل وتسيب عروستك في صبحيتها كدا
ادهم ببرود ماتشغليش بالك انتي يا امي في شغل مهم لازم يخلص
تجاهلت كارمن هذا الحديث فلا تهتم اذا ذهب لعمله او لا فهي قررت ان تعيش لطفلتها الصغيرة فقط ولن تسمح لقلبها ان يدق الا لوالد طفلتها.
و لكن هل سيكون للقدر رأيا اخر ام لا من يدري
قامت كارمن مع يسر تودعها فهمست لها يسر قائلة بهمس بقولك ايه بلاش تصديه !!
كارمن بعدم فهم بتكلمي عن ايه !!
رفعت يسر حواجبها بدهشة ودمدمت بإستنكار نعم يا اختي.. انتي بعد شوية هتكوني لوحدك مع أدهم!!
تساءلت كارمن مدعية الغباء قصدك ايه يعني 
نفخت يسر خديها وقالت بملل قصدي يعني بلاش تمنعيه عنك دا جوزك وحلالك يا كارمن فاهماني
عقدت كارمن حاجبيها وهمست پغضب انتي اجننتي يا يسر صح.. مستحيل اخليه يقرب مني انا مرات اخوه
جادلتها يسر بنفس الهمس لا انتي اللي مجنونه.. انتي دلوقتي مراته هو وبس.. حرام تمنعي جوزك عنك ولا انتي ماتعرفيش كدا
كارمن بعدم اقتناع ماشي يا يسر.. ربنا يسهل
حمدت ربها انها احتفظت بإتفاقها مع ادهم لنفسها فقط ولم تخبر احدا به ولكنها اصبحت مشوشه الان تخشى ان يكون ادهم كان يسايرها فقط لتوافق علي الزواج به وبعدها يأخذ حقوقه منها بالقوة.
نفضت هذا التفكير

السلبي عن رأسها وهي تودع صديقتها وتدعي أن تمر هذه الليلة على خير
عند زين وروان
وصل بها الي غرفتهم في صمت وهو يغلق الباب بقدميه وسار بها الي ان وصل للسرير وانزلها عليه برفق.
اختفي من امامها يدخل الي الحمام الملحق بالغرفه
و لم ينطق بحرفا واحد استغربت هي من كل هذا الصمت منه.
نظرت للغرفه كانت واسعه ومفروشة بأثاث جديد
فأمها وعمتها الايام الماضية هم من كانوا يشرفون علي تجهيز الغرفه وكل شئ ولقد اعجبت بذوقهم كثيرا.
قامت تذهب الي الخزانه تبحث عن شئ ترتديه
و لكنها شهقت بفزع عندما نظرت الي الملابس الموجودة بداخل الخزانة.
ليست هذه القمصان التي اختارتها وايضا أين بيجامتها التى أشترتها مؤخرا
ضړبت روان جبهتها پقهر حالما فهمت حركة امها وهي تكاد تبكي من الخجل فحاولت البحث شئ مناسب لكنها لم تجد.
همست بخجل لنفسها وهي تلطم على خديها يالهوي عليا وعلى سنيني السودة.. انا هلبس ازاي الحاجات دي قدامه.
وجدت اخيرا تيشرت وشورت قصير وبهدوء مشت بإتجاه الحمام تحاول معرفة ماذا يفعل بالداخل كل هذا الوقت
روان بهمس يخربيتك ايه الړعب اللي انا فيه دا!!
بدأت في تبديل فستانها ولكن تطلب منها بعض الوقت لصعوبة خلعه ولبست ملابس زين التي بدت فيها كطفله صغيرة عبثت بملابس والدها بسبب وسع الملابس عليها.
روان بإستغراب والناس كلها بتقولي يا طويلة.. دا انا بعوم في هدومه.. ايه دا اتجوزت هالك يا ناس
خرجت وهي تنظر الي الارض بإحراج شديد وتلوم نفسها علي هذا التصرف لكنه هذا افضل من ان تلبس هذه القمصان العاړية.
اما زين كان يجلس علي الفراش بهدوء ولكن عند سماعه صوت فتح باب الحمام رفع رأسه لتصيبه دهشة قويه من مظهرها الطفولي الجميل مع شعرها الطويل الذي لم يراه منذ ان دخلت مرحلة الإعدادية.
كان شعرها ينساب علي ظهرها بنعومة وتوجد بعض الخصل تحجب وجهها البريئ عنه بسبب انخفاض رأسها لاسفل.
ڠضب زين من تفكيره وحاول السيطرة علي شعوره وهو يهتف ببرود وسخرية انتي ايه اللي لابسه دا.. مش دي هدومي ولا انتي عشان مش لابسه نظارة النظر بتاعتك فماخدتيش بالك
بلعت روان الغصه التي تشكلت بحلقها من سخريته عليها وحاولت التحدث بهدوء وهى تنظر له ببراءة الهدوم اللي في دولابي كلها عريانة مقدرتش البسها فلبست بيجامتك
كانت تتحدث بعفوية جعلته يندم علي اسلوبه الجاف معها ليحاول إصلاح الموقف قليلا فنطق بهدوء ماشي.. تعالي نامي
زاد ارتباكها من جملته وببطئ مشت اليه لتجلس علي السرير بجانبه.
لكن فجأة حلت الصدمة مكان الخجل وهي تراه يستلقي بجانبها يولي ظهره لها ويطفئ المصباح الموجود علي المنضدة الصغيرة بجانب السرير وينام.
رمشت بعدم تصديق لما تراه منه.
هل هو حقا تركها ليلة زفافها ونام بكل برود ألهذه الدرجة ينفر منها ولا يريدها 
لماذا اذن وافق علي الزواج منها من البداية 
اسئلة كثيرة دارت في عقلها وعندما شعرت بالتعب استلقت بجانبه تنظر لظهره العاړي تفكر انها كانت في قمة سعادتها تعد الأيام والساعات التي ستصبح فيها زوجة له.
كان قلبها يرقص من السعادة تنتظر هذا اليوم طوال حياتها وها هو اتي ولكنه كسر فرحتها بقسۏة وتجاهل.
اخذت تنساب الدموع من عينيها في صمت حتى غلبها النوم بعد عدة دقايق.
نهاية الفصل الثاني عشر
الفصل الثالث عشر سحر اللمسات مزيج العشق
القدر لا يأتي حسب رغباتنا بل يأتي كمفاجآت لنا وكل مفاجأة تحدث فهي مرتبة من عند الله
في قصر البارون
بعد ذهاب مالك ويسر تركتهم ليلي وصعدت الي غرفتها.
صعد كلا من كارمن وادهم الي جناحهم بينما تشعر بتوتر وخوف فهي لاول مرة ستكون معه بمفردهم في مكان واحد.
فتح أدهم باب الجناح ودلف الي الداخل وتركها علي الباب دون اي كلمة فذهبت ورائه تتأمل الجناح بإعجاب الذى يبدو فى حجم شقه صغيرة وقد راق لها ذوقه كثيرا.
ادهم بإبتسامة عجبك الجناح!!
كارمن برقة ايوه جميل والوانه هادية.. ممكن اعرف فين اوضتي 
اشار أدهم اليها ليقول بصوت ثابت اللي علي اليمين دي اوضة النوم الرئيسية اللي بالنص دا مكتبي واللي هناك دي اوضة ملك.
كانت تتابعه بعينيها في صمت وعندما انهي حديثه.
هتفت كارمن بدهشة بس انت قولتلي هتكون ليا اوضة لوحدي
أشار ادهم على نفسه ثم قال بدهشة

مزيفة انا امتي قولت كدا
رفعت كارمن حاجبيها وقالت بإستنكار احنا متفقين علي كدا يا ادهم
ادهم ببرود ماكنش في وقت انقل مكتبي لمكان تاني
نفخت كارمن خديها پغضب ثم تكلمت بعناد تمام انا هنام في الاوضة الصغيرة.
أنهت كلماتها سريعا وذهبت بإتجاه حقيبة ملابسها ترفعها وهى تتجه الي الغرفه لتفتحها.
اما هو فكان يقف بشموخ ويضع يديه في جيوبه بنطلونه يراقبها وعلي وجه طيف ابتسامة خبيثة واتسعت ابتسامته عندما هتفت من الداخل في ڠضب.
فى حين دلفت كارمن الي الغرفه وهي تضع الحقيبة بجانب الباب تنظر حولها لتنصدم من المنظر فالغرفه صغيرة المساحة تكفي فقط خزانه ملابس وسرير ملك الصغير.
دمدمت بعصبية ادهم!!
خرجت تتجه اليه وهي تتكلم بصوت عالي نسبيا حتي لا تقلق طفلتها النائمة في غرفه الاطفال وكان وجهها اصبح محتقن بشدة وهى تنظر اليه بتجهم اوضة ملك صغيرة جدا.. هنام انا فين دلوقتي
وضع أدهم يديه علي جبهته وكأنه يفكر في شئ وهو ينظر اليها بمكر واحباط زائف معلش يا كارمن كل حاجة جت بسرعه ويدوب جهزت اوضة لملك
وضعت يديها بخصرها وهى تزجره بنظرات متشككة لتسأله بحنق يا سلام وانا مفكرتش هنام فين
ادهم بهدوء تقدري تنامي في اوضة ملك مؤقتا لحد ما تجهز اوضتك
رمشت كارمن بعدم فهم وقالت بذهول انت بتهزر يا ادهم مفيش في أوضة ملك غير سرير الاطفال
قال ادهم يدعى التفكير خلاص يبقي مفيش غير الاوضة الكبيرة ممكن تنامي معايا فيها
كارمن برفض تام لا.. مستحيل دا يحصل!!
بدأ ادهم يفقد السيطرة علي غضبه من عناد هذه المجنونه
هتف ادهم بحدة خلاص نامي وانتي واقفه مكانك
تركها ودلف