قصه جديده

شفتي حد من اخوات المدام متقوليلوش اني يعني جيت واديتك حاجة علشان تخلي بالك من المدام وباباها يعني هما حساسين اوي ومش عايزهم يضايقوا. 
الممرضة والله حضرتك زوق جدا بجد مفيش حد بيعمل كدة . عموما خلاص انا اصلا ممكن ماشوفهمش علشان انا شغلي باليل وهما بيكونوا مشيو متخفش وعموما انا وصيت زمايلي بتوع الصبح وهما حيخلو بالهم من المدام لو احتاجت حاجة لحد ما ارجع باليل. عن اذنك 
يوسف اتفضلي 
يوسف .... الو ايوة يا حنون بقولك انا متقلقيش الممرضة اصلا شيفتا بالليل يعني مش حتشوفهم وحتي لوشافتهم مش حتقول حاجة 

حنين انت متاكد 
يوسف طبعا يا حبيبتي متقلقيش انا خلاص مشيت لو عذتي حاجة كلميني فاهمة 
حنين حاضر مع السلامة 
وفضل عبد الرحمن في المستشفي اسبوع وطول الاسبوع ده يوسف كل يوم يروح لحنين ويقعد معاها ويسهروا طول الليل يتكلموا مع بعض واتكلموا في كل حاجة تخصهم وبعدين فاق عبد الرحمن وخرج من المستشفي ويوسف وحنين حددوا معاد كتب الكتاب تاني وكل حاجة جهزت وجه اليوم اللي يوسف كان مستنيه بفارغ الصبر يوم فرحوا هو وحنين 
21
يوم الفرح يوسف واقف قدام البيت مستني حنين تنزل وكان لابس بدلة سوداء شيكة وكان زي القمر كل اقارب حنين وصحابهالما شافوه كانوا حيتجننوا من جماله وفي منهم اللي كان بيحسدها عليه ومستكتره عليها يوسف كان مجهز عربية اسبور مكشوفة من فوق ومزينها بالورد الابيض وكاتب عليها اسم حنين بالورد الاحمر جوا قلب كبير وحنين نزلت وهي ماسكة ايد باباها وحنين كانت لابسة فستان ذهبي شيك اوي ونقاب وكاب ذهبي وكانت شكلها تحفة يوسف راح عليها 
يوسف ينفع كدة يا عمي الجمال ده طب اخبيها من عنين الناس ازاي بس 
عبد الرحمن ههههههه هي من ناحية جميلة فهي جميلة ده انا حتي رقيتها فبل ماتنزل 
يوسف خير ماعملت . عمي ممكن حنين تركب معايا واحنا رايحين . خلاص كلها نص ساعة ونكتب الكتاب 
عبد الرحمن وماله يابني تركب معاك خلاص زي مابتقول كلها شوية وتبقي مراتك 
وكانوا هما الاتنين في منتهي السعادة بس عمار مكنش
مبسوط كالعادة ومش طايق يوسف 
هند مرات عمار انا بصراحة مش عارفة انت مضايق ليه ده فرح اختك 
عمار انا مبقبلش البني آدم ده انتي مش شايفة عامل ايه مشغل اغاني ومحسسني ان اللي راكبة جنبه واحدة بفستان كب ومني جيب . لا وكمان هي مبسوطة انا نش مصدق ان دي حنين 
هند والله انا شايفة عادي ده يوم معلش وبعدين انت بنفسك بنقول مبسوطة خلاص بقي احنا مالنا 
عمار انا مش عارف هو اتجوزها ليه انا مش مصدق انه بيحبها وجو النحنحة ده واشمعن هي وحبها امتي لا انا قلبي مش مطمن 
هند ده علي اساس ايه بقي حيكون اتجوزها ليه مش فاهمة
عمار مش عارف بس حاسس ان الواد ده هو اللي حيقضي علي حنين . 
في مشيخة الازهر 
كل عيلة حنين واصحبها واصحاب يوسف وأمير طبعا ومراتوا ايمان كلهم موجودين والمأذون كتب الكتاب واول ما خلص يوسف قام وراح لحنين 
يوسف اظن يا عمي دلوقتي اقدر امسك ايديها 
عبد الرحمن هههههههه ايوة امسكها يا خويا انا عارف انك كنت حتموت وتمسها 
يوسف مسك ايدين حنين الاتنبن . مبروك يا روحي يااللي طلعتي روحي 
أمير صفر صفارة . ايه يا عم عايز تحبسنا احنا لسة في المشيخة خلي الكلام ده بعدين 
يوسف هههههه وانت مالك انت ماتلمي جوزك يا ايمان 
ايمان من تحت ضرسها . معلش صاحبك بقي وانت عارفه
أمير مالك حتفرقعي من كتر النفخ 
ايمان ماماليش ماانا متنيلة كويسة
أمبر طب افردي وشك احنا في فرح 
ايمان ايوة الفرح اللي ماكنتش اعرف عنه حاجة الا من يومين 
أمير
وحتفرق في ايه من يومين ولا شهرين 
ايمان انا بصراحة مش مصدقة ان ده يوسف . ايه الرومانسية دي وكل ده علشان مين علشان دي 
أمير مالها دي علي فكرة حنين دي بنت ناس ومحترمة وكمان يوسف بيحبها 
ايمان انا مش عارفة عجبه فيها ايه 
أمير لقي فيها اللي ملقهوش في كل الستات اللي عرفهم . ويلا بقي خلينا نلحق نحصلهم 
ايمان نحصلهم علي فين احنا مش حنروح بقي في اليوم ده 
أمير لا يوسف عازمنا كلنا في مطعم علي النيل علشان حنين معملتش فرح . وحنروح معاهم وكمان حنوصلهم الفيلا . ولو مش عجبك خدي تاكسي وروحي انا مش حسيب صاحبي في يوم زي ده
في مطعم علي النيل وده المطعم اللي يوسف قابل في حنين أول مرة
كلهم قاعدين اخوات حنين وامرتاتهم واجوازهم وعيالهم وباباها ومامتها وشيرين اخت يوسف وجوزها وأمير ومراتوا 
يوسف مبروك ياحبيبة قلبي 
حنين الله يبارك فيك 
يوسف مش كنتي خلتيني اعملك فرح واجبلك عمرو دياب يغني كمان
حنين ههههههههه لا ياعم كدة كويس وبعدين مش كفايه انا هاريني عمرو دياب كمان الناس . حرام عليك 
يوسف بصوت عالي . احمم طبعا يا جماعة انتوا عارفين ان حنين مرديتش تعمل فرح وبصراحة انا كان نفسي اعملها احلي