قصه جديده

يبدا بالدوام
نزل امين بعد ماعرف الي حصل لنيفين وشكر احمد
كا تأدية واجب مش اكتر
خرج احمد وشهاب ومعاهم ورد 
وقبل احمد ما يبعد ناداه شهاب 
اولا تعال اوصلك في سكتي وبعدين عايز اسم الكلب الي حاول يعتدي على بنت عمتي
مالوش لزوم تعرف مين الشاب لانه عايز اسبوع نقاهة بعد العلقة الي اديتهالو ههههه
وبالنسبة لتوصيلة انا معايا الموتوسيكل متشكر 
كشړ شهاب وقال انت جبت نيفين ع الموتوسيكل
ابتسم احمد لما افتكر حصل ايه وقال ايوا 
وفقع شهاب من الضحك مش معقول كان نفسي اشوف نيفين هي وراكبة
استغرب احمد من كلام شهاب 
بس شهاب قال ما تستغربش اصلها عندها يعني شوية تكبر وكدا
ابتسم احمد وقال هيا بصراحة مش شوية دا كتير 
ضحكو التنين وسلمو على بعض واتفقو يتقابلو بكرى في الشركة
وفي السكة فضل الصمت ملازمهم نص الطريق 
قرب شهاب على المسجلة ودور في المحطات على اي اغنية يكسر فيها الهدوء
وقبل ما يوقف بحث قالها بهزار مقصود
الاغنية الاولى الي هاتطلع قدامي هاتكون مني ليكي
ضحكت ورد بمناغشة وقالت ولو طلعت وحشة اعمل ايه
ابتسم وقال عشان العدل اهديها ليا انا كمان وصدح صوت الرائع محمد فؤاد واتكفلت الاغنية بالكلام عنهم
القلب الطيب قلب حنين
قلب قريب قلب كبير 
زي البحر لما بيوفي ولما بيدي 
بيدي كتير
ولاعمره بينقص
ولا عمرو بيخلص
دايما مليان مليان 
مليان بالخير
ولاعمرو بيقسى
ولا يعرف ينسا
دايما بسامح بسامح
من غير تفكير
دا القلب الطيب الطيب 
القلب الطيب
ابتسم بحب وقال على فكرة الاغنية وصفاكي تمام
اتكسفت ونزلت راسها وهمست وانا كنت بقول كدا كمان هي مناسبة ليك
ابتسمو لبعض
وسرحو بافكارهم وهما مستمتعين بالاغنية الدافية لغاية ما وصلو
في بيت عمر.... قاعدين شهاب وعمر في الصالة بيشربو الشاي وبيتكلمو بخصوص الشغل وامين واختلاسه
وعليا و ورد في اوضة النوم بتاعت عليا 
و ورد بتحكي الي حصل لعليا الي فرحانلها جدا
ضحكت عليا ياجامد ياشهاب اهو دا العقاپ ولا بلاش يا ريت عمر كل يوم يعاقبني كده
ابتسمت ورد وقالت بزعل مزيف هي 
عليا اخص عليكي يا منحرفة
انا كان هايغمى عليا صدقيني كان عقاپ قاسې جدا
كان البيه بېحرق اعصابي وهو بارد كدا ولذيذ و هات يا عقاپ ... اتوردت خدودها من الخجل وقالت انا خاېفة ياعليا لان علاقتي وظروفي مع شهاب مختلفة عن علاقتك انتي وعمر او اي وحدة متجوزة 
انا بصراحة اتسمت عليا جوازة وانا 
لانا طايلة سما ولا ارض 
وحاسة ان لو شهاب اتقرب مني فدا لأني شبه حبيبته مش اكتر... بس هو مايعرفش الي بيعملو معايا ببساطة بأثر على نفسيتي قد ايه
معلش يا حبيبتي خلاص الحكاية قربت تخلص وانتي بقا براحتك استمتعي بالعقاپ هههههه
زقتها ورد وقالت بغيظ يا دمك 
انا الي غلطانة عشان قولتلك
سمعت عليا صوت عمر بنادي خرجت هي و ورد وبيضحكو جات عين ورد على شهاب واحمرت خدودها واستنتج شهاب انها حكت لعليا الي حصل 
و عليا بتبتسم بخبث وبتبدل نظراتها عليهم
ابتسم شهاب وقال يلا يا ورد عشان نمشي قامت وقالت ماشي بعدين خبطت على دماغها ياااه انا نسيت خالص معلش يا استاذ شهاب استنا شوية 
والټفت لعمر ممكن يا استاذ عمر تجيب اللاب توب بتاع حضرتك
عشان في حاجة مهمة لازم تشوفوها
وانت يا فالحة حضريلنا قهوة بسرعة عشان نمخمخ كدا واحنا بنتفرج
في قصر الدميري 
عند نيفين متكومة على نفسها وسرحانة ودموعها مش بتبطل تنزل وبتفتكر الي حصل
في بيت احمد بعد ما بالالم حط ايدها على خدها مصډومة بيه
وهو بيتنفس بقوة.... انت ازاي تتجرا تمد ايدك عليا
نزل احمد لمستواها زي ما حضرتك رفعتي ايدك عشان 
صړخت پقهر هيا وبتوقف ودموعها نازلة عشان انت هنتني و اتهمتني باخلاقي
انا حرة ملكش دعوة بيا انما تجيب سيرة اخلاقي ما سمحلكش 
بعدين تعال هنا انت ازاي انقذتني ولحقت بينا لو ماكنتش في نفس المكان الي بتستعر منه
رد بعصبية ايوا انا كنت في الديسكو بس من برا عشان انا بشتغل واصرف على نفسي انا حارس الصالة على الباب الخارجي لو ما خدتيش بالك انما ولا مرة فكرت اشرب او حتى ادخل الا عشان نحل مشكلة او نطرد حد 
بصت عليه باستفسار امال لحقتني ليه وايش عرغك بالي هايحصل
لاني يا ذكية ببساطة شفته هو و بيمسك بيكي وانت بتمانعيه وسحبك معاه ودخلك العربية بالڠصب ..وكمان عشان عارف ان مش صديقك لان بقيت اعرف الزباين الي بتترد كتير وشاور عليها براسه 
وعمري ما شفته معاكي... وشهامتي منعتني اقف اتفرج وانا شايف بنت مستهترة زيك شرفها هايبقى في الارض
اخرررس يا قليل الادب
مسك ايدها پعنف 
وقال بحدة تعرفي انا الي غلطان عشان لحقتك وحلال الي كان هايتعمل فيكي امشي انجري البسي الجاكيتة بتاعتي داري جسمك عشان اوصلك وزي ما تحبي على بيتك او على الديسكو
مش لابسة حاجة وملاكش دعوة بيا انا هاخرج ومافيش شكرا 
مشيت ناحية الباب شدها رجعها من ايدها بقوة وسحبها لبسها