قصه جديده

مش عايز حاجه تشغلك عن دراستك ومستقبلك
سلوى مامت احمد وياسمين طيبه جداا وحنينه عليهم يمكن دي الحاجه الوحيده اللى مصبراهم على اللى ابوهم بيعملوا معاهم     
احمد برفض كلامها    لا يا ماما هوا معملش كدا علشان خاېف على مصلحتى لا ده علشان عايز هوا اللى يختارلنا كل حاجه عايز يلغى شخصيتنا كان عايزينى مهندس ولما رفضت وعارضته وقولتله أنا نفسى ابقى دكتور ولوما انتى كمان قعدتى تقنعى فيه مكنش هيوافق
سلوى بترجى   اسمع كلامه يا احمد وفكر فى مستقبلك باباك مش هيفكر ثانيه وهينفذ تهديده ليك

خلى دايما مستقبلك رقم واحد في حياتك علشان خاطرى يا بنى
احمد وهوا ايديها   حاضر يا امى حاضر
دخل احمد اوضته واول ما دخل دموعه نزلت وفكر فى همس واللى ممكن يحصل ليها
واتكلم فى سره وقال   والله ڠصب عني يا همس أنا واثق انك هتستنينى وأنا هتعلم وابقى اكبر دكتور ويبقى ليا مستشفى باسمى وهرجع أخدك ونسافر ونبعد عنهم ونبدأ حياتنا
سامحيني يا همس والله انا محبيت حد غيرك سامحينى
وفجأة التليفون رن وكانت همس  
احمد بصوت مخڼوق  الو
همس بقلق   قولتلهم يا احمد قالك اي طمنى وافق
احمد بكذب قال   اها وافق وقالى خلصوا امتحاناتكوا وبتقدير عالى وبعدين نفكر فى الموضوع ده
همس بفرحه قالت    بجد يا احمد متعرفش أنا مبسوطه ازاى الحمدلله يا احمد ايوا أنا هبدأ مذاكره علشان اجيب تقدير وانت ركز يا احمد علشان تجيب مجموع الطب
وتفرحنا كدا
احمد بدموع قال   أنا بحبك اوووى يا همس خليكى فاكره أنا عمرى ما حبيت حد غيرك
همس بفرحه   وانا بحبك اوووى يا احمد ربنا يخليك ليا يلا هقفل واروح ابدأ مذاكره
احمد بحزن    مع السلامه
قفل وقام غسل وشه وغير هدومه ونزل على دروسه
عند همس خرجت من اوضتها وراحت على الصالون مكان ما مامتها وباباها قاعدين وراحت مط وقالت    بابا ماما أنا مبسوطه اووى عمو محمود وافق على موضوعنا وقاله بس ركزوا فى امتحاناتكوا وهاتو تقدير وبعدين نشوف الموضوع ده
محمد وهوا مش مصدق قال فى سره مش ممكن محمود يقول كدا اكيد فى حاجه غلط محمود مش من النوع اللي يتحط أمام الأمر الواقع
وقال   انتى متاكده يا همس احمد قالك كدا متاكده
همس وهيا مبسوطه    اها قالى كدا حتى أنا مكنتش مصدقه أنه وافق ومعندوش مشكله يساعد احمد
محمد وهوا غير مقتنع قال    ماشى يا حبيبتي ربنا يفرحك دايما يارب
هدى وهيا موجها كلامها لهمس قالت   طب نفوق بقى لمذاكرتنا ونسيبنا من الكلام فى الموضوع ده دلوقتي ونركز فى مستقبلنا علشان تجيبى مجموع يدخلك ثانويه عامه ماشى
همس وهيا ك مامتها قالت    حاضر يا ماما اوعدك هركز فى مستقبلى وهجيبلك مجموع كبير يدخلنى ثانويه عامه
ودخلت على اوضتها علشان تبدأ مذاكره
وفجأة التليفون رن وكانت

ياسمين بنت خالتها ردت عليها وقالت   اي يا ياسو عامله ايه وحشانى اووى
ياسمين بحزن على اللى هتعمله قالت  أنا كويسه الحمدلله وانتى كمان وحشانى بعد الامتحانات هنخرج ونتفسح سوا
همس بابتسامه قالت     انشاء الله نخلص بس
ياسمين وهيا بتنفذ الكلام اللى قالهولها باباها    بقى طلعتى انتى واحمد بتحبوا بعض من ورانا
همس ردت بكسوف وقالت    هيا اجت كدا أنا كنت بحب احمد من صغري حب طفوله بقى
ياسمين   بس ازاى احمد حبك دايما يقولى انا مبحبش حد وياسمين زي اختى وعمرى ما افكر فيها كدا
انا فكرت وهوا بيقولنا أنه بيهزر أو كان بيتسلى معاكى شويه وخلاص
انا لو منك مصدقوش اصلا ما انتى عارفه احمد كان خاربها ومازال خاربها وبيكلم بنات كتير
معلش يا همس هقفل ماما بتنده هكلمك تانى
همس قعدت تفكر هوا ممكن يكون بيلعب عليا فعلا ومش بيحبنى زي ما قالت ياسمين ومنه مش ممكن هوا ميقدرش ېكذب عليا أو يخدعنى ده انا بنت خالته وبعدين احمد مش كدا احمد محترم ومتربى كويس واخلاقه متسمحلوش أنه يلعب على اي بنت
وفضلت فى تشتت لغايه ما فاقت لنفسها وقالت بصوت خاڤت وهادى    انا هركز فى المذاكره دلوقتى مش عايزه حاجه تعطلنى عن مستقبلى
وهوا زي ما قولت احمد بيحبنى وعمره ما هيتخلى عنى
أما عند ياسمين لما قفلت معاها باباها كان قاعد قصادها
وقال    برافوا عليكى يا ياسمين انتى اللى الوحيده اللى بتسمعى كلامى وعمرك ما كسرتى كلمتى مش زي اخوكى اللى مبيعملش حاجه غير أنه يكسر كلمتى ويعند قصادى وخلاص
ياسمين بحزن    بس كدا حرام يا بابا ما يمكن بيحبوا بعض فعلا ليه نكسر قلبهم ونبعدهم عن بعض
محمود بعصبيه   بت احترمى نفسك حب اي وكلام فاضى اي ده انتوا لسه اطفال مش عارف انا كل واحد يطلعلى ويقولى أنا بحب
ركزوا فى مستقبلكوا انتوا بس وبعد كدا حبوا واتنيلوا
خرج باباها من اوضتها وهيا قعدت ټعيط وقالت بحزن    ليه يارب ابويا ميكونش زي عمو محمد مصاحب همس وبيعاملها حلو ودايما يهزر ويضحك معاها وعمره ما زعلها بالكلام
وهيا كانت دايما تقولى أنا عمرى ما اخبى حاجه على بابا
لانه ببساطه هوا صاحبى مش ابويا دايما فاهمنى