خفقات قلب بقلم نيره محمد

اتفاجات بصوتك العالي ..ودي اول مره تعمليها..بس خلاص مفيش حاجه .
عاصم لاحظ ان نور متبته في ايديه ومش عايز يحرجها فبص لايديهم عشان تفهم ان الوضع غريب وملفت
هي حست بنفسها لما بصلها بعدت ايديها بسرعه واتكلمت باحراج ...معلش مخدتش بالي
عاصم باستغراب لحالتها ..ولايهمك ..ها ايه مفيش مبروك بقا
نور بابتسامه حاولت ترسمها بصعوبه ..مبروك ربنا يسعدك
عاصم بابتسامه ..الله يبارك فيكي ..ان شاء الل......
عااا صم ملك خلصت من شويه وبتستعجلك بتكلمك مش بترد ليه قلقتها عليك
عاصم بتذكر رد علي كلام مامته ...اه فعلا عملته سايلنت وانا بجهز ولسه زي ماهو
واتكلم موجهه كلامه للكل باستعجال ...يلا ياجماعه كل واحد ياخد عربيه وورايا لان اتاخرت عليها اوي
كان لسه هيتحرك انه ينزل وهما وراه ..بس لقي ايد نور بتمسك ايديه فجاه بصلها باستغراب وسمعها بتكلمه بضعف ...عاااصم ارجوك متسبنيش ....
يتبع
رواية چرح غائر البارت التالت بقلم نيره محمد حصريه وجديده 
عااااصم ارجوك متسبنيش
بصلها پصدمه ولوهله كدب سمعه نبره الضعف اللي بتتكلم بيها ونظره عنيها واللي مش عايز يفسرها
بعد ايديه عن ايديها براحه وبص حواليه لقي الكل بيبصلهم باستغراب
مش عارف اذا كانوا سمعوا همسها ليه ولا مستغربين من مسكه ايديها فجاه ليه
بصلها واتكلم بهدوء مصطنع رغم الصراعات وعلامات الاستفهام اللي جواه من طريقتها ونظره الحزن اللي في عنيها ليه واللي مش قادر يفسر سببها ..مالك يا نور ...انتي لسه تعبانه ...لو تعبانه متجيش الفرح وصدقيني مش هزعل بس انا اسف فعلا اتاخرت علي ملك جدااا
كانت بتسمعه ونفسها الارض تنشق وتبلعها من تسرعها في الكلام واللي خلاها تلفت الانظار ليها وتسيب علامات تعجب كتير من الضعف اللي بتتكلم بيه
واللي ندمها اكتر انه ومن غير مايحس عرفها مقامها عنده انها لو محتجاه جنبها لانها تعبانه فمتجيييش لكن ملك ميقدرش يتاخر عنها
ندمت من ضعفها وحبها ليه وفي اللحظه دي اتكلمت بقوه هي نفسها استغربتها ...لا انا كويسه وهاجي الفرح ..بس انت عارف انك اعز اصحابي وطول عمرنا جيران واخواات فمش عايزاك تنسي صداقنا بعد الجواز
قالت كلمها بكدب عشان تنقذ الموقف وعشان تنقذ اللي باقي من كرامتها اللي ضيعتها وهي بتتمني منه نظره حب حتي
عاصم رغم انه مش مقتنع بكلامها بس رد بهدوء واستعجال ...عمري ماهنسي صداقتي بيكي ابدا انتي زي اختي يانور ...ويلا بقا ياستي نتحرك ..اصل زمان ملك هتكسر الدنيا وهي مستنياني
نور هزت دماغها علامه الموافقه وابتسمت باصطناع وكلهم اتحركوا مع بعض ونزلوا بعد ماكل واحد فيهم بص للتاني وفي دماغهم مليون سؤال
بعد مده من الوقت وصلو بالعربيات في الميكب ارتيست اللي فيه ملك
نزل عاصم من العربيه واتحرك ناحيته وهو متضايق من نفسه ومن نور اللي كانت سبب تاخيره
علي ملك
دخل بهدوء ورزانه علي ملك اللي بصتله بزعل بس اول مابتسملها بحب مقدرتش غير انها تقابله بنفس الابتسامه
بهمس ...مبروك عليا اجمل واحده في الدنيا
ملك بخجل وحب ..الله يبارك فيك ياعاصم ...وكملت بزعل طفولي ...مع اني زعلانه منك ..انا كنت قربت اڼفجر من الغيظ منك ده انا خللت زي الزتون
عاصم بضحك علي كلامها وزعلها الطفولي اللي بيعشقه ...حبيبي مقدرش علي زعله ابدا ...حقك عليا ..وكمل بمشاكسه ونبره ذات معني ...وبعدين انا عايز ابقي عريس انهارده فهماااني بلاش قمص
ملك بخجل وخدود مشتعله من معني كلامه ..فاهماك يا دكتور يامؤدب
عاصم بتكشيره ...نعم
ملك پخوف ...نعم ايه انا بهزر
عاصم بضحك علي خۏفها منه ...عارف ياحبيبتي
مسك ايديها بتملك محبب ليها وخرج بيها تحت نظرات اعجاب العاملين في المكان من هذا الثنائي الرائع
بعد مده من الوقت كانو وصلوا القاعه وكانت من افخم القاعات 
وليه
لا وهو فرح اكبر واشهر الدكاتره رغم صغر سنهم ولكن بسبب نجاحهم ومجهودهم بقا عاصم اكبر دكتور باطني وملك اكبر دكتوره جراحه في البلد وليهم اسمهم وعيادتهم المشتركه
وده كان سر التعارف والحب اللي اتبني بينهم
دخلوا في زفه ولا اروع وكل الاهل والأصحاب فرحانين ليهم
ماعدا واحده قلبها مجروح ومكسور وڼار الغيره الخارجة عن ارادتها بټحرق في قلبها وهي شايفه سعدتهم ورقصهم مع بعض والحب اللي باين للكل واولهم هي
بعد كتير من الفقرات واللي نور ماقامتش من مكانها ولا شاركت اصدقاء العروسه حتي لو عشان عاصم
جه وقت التصوير وانتهاء الفرح
ندي بحزن علي صحبتها ...نووور ماينفغش كده بقا قومي نتصور معاهم عشان خاطري ..هو ده اللي اتفقنا عليه انك تقفي جنبه وتفرحيله ..ده انتي مقمتيش من مكانك
نور بدموع محپوسه وكسره ...ڠصب عني بقا ..شوفي ياندي بيحبها ازاى وفرحان بيها ازاي ...اروح اتصور انا بقا وافرح وهو مش جنبي وملكي وحد تاني ملكه وخد قلبه
طب ازاي قوليلي بس ازاااي
قاطع رد ندي مني ام ملك اللي قربت منهم بعصبيه واتكلمت موجهه كلمها لنورر ..انتي قاعده كده ليه ..مكنتيش تيجي احسن ..انا قاعده مع ايمان وبستقبل المباركه معاها لان عاصم زي ابني وانتي قاعده زي الغريبه في اخر القاعه ...انتي ايييه