انا وهشام

حاجه اقتصاد سياسة علم صحه حتي في حياتها وهو بدأ يحكلها عن مشاكله في الشغل وهي كانت بتقدر تحلهاله ..انا للأسف مكنتش بقدر اعمل معاه حاجه مكنتش بفهم اصلا حاجة في الكلام الي بيقوله عن الشغل بتاعه
هشام ف اي رأيك اعمل اي
مريم الي يريحك شوف انت الصح واعمله
هشام هو انا بحكيلك كل دا ي مريم عشان تقوليلي الي يريحك !
مريم ما انا مش بفهم حاجه من الي بتقوله دا ..
هشام انتي مكملتيش تعليم ليه ي مريم احنا مش كنا متفقين انك تكملي كنتي كملتي وډخلتي اي كلية حتي لو حقوق
مريم ما انت عارف ان الحمل والخلفة
آثروا ي هشام ومكنتش بقدر اروح ف حته ولا اعمل اي حاجه
هشام طب خلاص حاولي تشوفي حل للمشكله دي بصي زاكري في البيت وعيدي السنة تاني وادخلي الامتحانات
مريم طب وبنتي مين هياخد باله منها وهيقعد معاها مين هياخد باله من البيت طب ساعدني اقعد بيها خلي بالك منها
هشام طب وشغلي وحياتي انا كمان عايز اخرج واعيش مش اقعد بالبنت في البيت
مريم طب ما تساعدني عشان نعيش مع بعض انت كل همك نفسك وبس
هشام يوووووه انتي لغبطيني وكل ما اجي اقولك حاجه تطلعيلي مېت مشكله دي بقت حاجه تقرف قلة الكلام معاكي احسن!
كان يتصل بيارا ويحكيلها وكانت بتساعده بدأت احس اني جاهلة ومتخلفه انا اه اتعلمت بس مش فاكرة حاجه من الي اتعلمتها هو معقول التلات سنين دول يفرقوا !
حسيت ان هشام بدأ من يارا وبدأ يعجب بيها وبشخصيتها ودا طبيعي انهم بقول يقضو وقت كبير ف الشغل مع بعض ويارا فعلا ذكيه ومثقفه ولبقة فبقيت احاول ابعد يارا 
عن حياتنا قطعت علاقتي بيها ومش برد علي تليفوناتها واتخانقت مع هشام خڼاقه كبيرة
جدا بسببها وقعدنا اكتر من اسبوع مش بنتكلم لحد ما هي بدأت تحس ان وجودها هيسببلي
مشاكل فاستقالت من الشركة وبعدت عن حياتنا حسيت ان اخيرا حياتي هترجع كويسة تاني بس هشام كان متغير معايا
هشام بقولك اي ي مريم انا هسافر !
مريم اخيرا هنسافر كويس انا اصلا اتخنقت من القعاد !
هشام هسافر مش هنسافر!!
مريم يعني اي
هشام هسافر لوحدي ي مريم 
مريم طب ما تاخدنا معاك
هشام مش هينفع انا مسافر لان بابا قالي ان في فرصه برا حلوة هتفرق في مستقبلي قصدي مستقبلنا يعني ومش هقدر ادفعلك انتي وناريمان حق التذكرة والاقامة دا غير اني رايح عشان ادرس مش عشان اتفسح يعني مجيكو معايا مالهاش لازمة
مريم تذكرة واقامة اي
هشام انا هسافر روسيا
مريم نعممم هتسافر روسيا وانا وبنتك هتسيبنا لوحدنا
هشام دي سنه بس وهرجع كل شهرين اسبوعين او اسبوع اجازة صدقيني دي فرصة حلوة
جدا وهنبقي في مستوي احسن من كدا
مريم ما احنا عايشين حلو اهو الحمد لله ربنا مدينا
هشام لا انا عايز اجيب عربية احدث من الي معايا عايز اعيش في فيلا مش شقه كدا وعشان بنتي وولادي الجايين كمان اقدر ادخلهم مدرسة كويسة واحققلهم الس يتمنوه.
مريم طب ما انت ابوك عنده شركه .
هشام اولا دي شركته الخاصه انا حابب اكون نفسي بنفسي وبعدين بابا لسه بدري جدا عليه عقبال ما يتقاعد من الشركه هو اصلا بيحب شغله وانا حابب يبقي عندي شركتي بتاعتي !
حاولت بكل السبل اقنع هشام انه يفضل ورفض كان مصر انه يسافر وفي الاخر استسلمت للامر الواقع وسافر
ومن هنا الحياه بدأت تبقي اسوأ قدامي
بقيت لوحدي انا وناريمان بعد ما هشام سافر والبيت مكنش فيه حد غيرنا خصوصا بعد ما حمايا وحماتي سافروا مع هشام قررت اني اروح اقعد عند ماما وفعلا روحت
دلال طيب طيب يالي علي الباب هفتح اهو...مريم !
مريم ماما حبيبتي واحشاني اوي
دلال وانتي كمان ي حبيبة ماما ...اومال جوزك فين
مريم هشام سافر روسيا وراه شغل وحاجات هناك..
دلال وهيرجع امتي
مريم طب اخش بس بدل ما نتكلم علي الباب
دلال خشي ي حبيبتي..
مريم انتي جيتي
مريم ازيك ي بابا بقي معقوله كل دا متسألش عليا دا انت حتي مجيتش غير ساعت ما ولدت ومجتش بعدها تاني
ما انتي عارفة اني مش مقتنع بالي عملتيه دا .
مريم ي بابا انت لسه فاكر وبعدين الي حصل حصل خلاص بقي.
دلال طيب ي حبيبتي خشي انتي ارتاحي عقبال ما اجهز الاكل وخلي ناريمان معايا
دخلت الاوضه وقعدت علي سريري ياااه بقالي كتير جدا منمتش علي سريري ولا دخلت اوضتي كل البوسترات والرسومات الي معلقاها علي الحيطه مكتبتي الي كنت بحط فيها الكتبعرايسي ودباديبي الي حطاهم في الصندوق كل دا ماما معملتش حاجه في الاوضه
بس كان في تشققات وخرابيش علي الحيطه.. بيت ماما وبابا قديم جدا.. تحسوه هيقع كدا 
بس مهتمتش اوي المهم ان اوضتي لسه زي ما هي نمت شويه وصحيت علي صوت بسمه 
بسمه بقي كدا ي مريم تيجي من غير ما تقوليلي!
مريم انتي مكنتيش هنا انا جيت علي فجأة