رواية كاملة ورائعه للكاتبة ډفنا عمر

يأكل روحه منتظر بفارغ الصبر خروح الطبيب وطمأنته على زوجته ليستجيب الأخير لخاطره وهو يخرج معدلا وضع عويناته قائلا مبروك يا سيد جسار المدام حامل.
جحظت نظراته وتجمدت بذهول.. 
زوجته حامل بهذه السرعة يتحقق حلمه
بعد أشهر سيحمل طفله بيديه ويضمه لصدره
لا يدري كيف أنقد الطبيب أجرته و ودعه للباب. 
رفع وجهه الباكي مع همسه فرحان دي ماتساويش احساسي دلوقت.. شكرا انك بتشاركيني حلمي وكل مادا بتسعديني أكتر.. أنا بحبك اوي.. انتي زي اسمك بالنسبالي.. شمس نورت حياتي وحولت برد روحي لدفى وهونتي عليا أوجاع العمر اللي فات..ثم غفى كلا منهما جوار الأخر روحا وجسد. 
____________
الفصل الرابع عشر
عطايا الخالق لا تزال تهطل من سماء رحمته على ذاك اليتيم
عناقيد أحلامه تتشابك لمنحه مذاقات فرحة تلو الأخرى بذرة عائلته نبتت بنطفة جنينه..شمسه الدافئة تحمل باحشاىها الأن أملا طالما طاقت روحه إليه من سيشاركه تلك الفرحة
تسابقت أقدامه ركضا كطفل صغير أسرع ليخبر والديه بما أنجزه.
للمرة الأولى يعود جسار زائرا لفيلا جده بعد تجرده من كل شيء قبلا راح يطرق بابهم بقوة والسعادة تكاد تفقده السيطرة على عقله ما أن أشرعت البوابة له حتى هرول يبحث عن الجد وهو يصيح بنداء صاخب على غير طبيعته الهادئة الرزينة جدي.. أنت فين ياجدي
أخذته قدماه متوجها بلهاثه لغرفة الطعام ليجد أحداق الجميع تنظر إليه بدهشة لاقتحامه الغريب والمباغت ليستأنف جسار صياحه وهو يقترب من جده لاهثا بقوة توشك أن تقطع أنفاسه جدي.. شمس ..شمس حامل.. هيبقي عندي عيلة تخصني ياجدي.. ولادي هيتولدوا بين ايديا وهما عارفين جذورهم فين مش هيعشوا اغراب زيي ياجدي هيبقي عندي عيلة من صلبي وعزوة تعوضني شمس حامل ياجدي شمس حامل.
ظل يهذي دون وعي وأنفاسه تتقطع وصدره يتضخم بالهواء من فرط انفعاله غافل عن تلك المقل التي شاركته سيل دموعه ووخفقات فرحته..وبالأخص إحداهم واحدة لم تكترث له يوما أو تراه طفلها لم تشعر بمعاناته لحظة واحدة طيلة حياته لم ينل منها ذرة عطف او حنان أو اهتمام مقلة ينضح من صاحبتها الذنب الآن فقط أدركت إلهام كم كانت قاسېة القلب عليه كم عاش محروما لعائلة تبثه دفئا وحبا واهتمام رغم أن الجد لم يقصر معه لكن ظل فراغ أبويه نصلا مزق روحه حتى أصبح جرحه غائر عميق بعمق معاناته سنوات عمره الفائتة..
نهضت

إلهام تاركة مقعدها متوجهة إليه حيث يضمه الجد نادر ويهتز جسده بكاء مثله..وبيد مرتعشة مترددة ربتت گ الريشة الناعمة على كتفه..استدار لها لتذهل عيناه حين بصرها.. لوهلة وقف كأنه استعاد وعيه الكامل لتوه ينظر حوله بدهشة كأنه يتسائل كيف أتي إلى هنا 
_ مبروك ياجسار. 
قالتها بحنان عجيب نفذ لقلبه مستشعرا إياه منها للمرة الأولى .. هل حقا هي سعيدة لأجله تهتم لفرحته فضلا عن أن تشاركه إياها 
_ ربنا يقومها بالسلامة وتجيب منها ولاد كتير يعوضوك اللي افتقدته.. ثم استأنفت تحت أنظار الجميع الذاهلة وليس جسار وحده دلوقت بس عرفت قد ايه كنت قاسېة عليك يا ابني.. سامحني إني ماكنتش أم ليك أنا كنت ممكن اعوضك كل ده لو كنت ليك أم حنينة وعاملتك زي أبني..بس انا كنت فعلا قاسېة مقدرتش احب غير رائف مع إن ماكنتش هخسر حاجة لو قسمت حناني ورعايتي وحبي بينكم وجبرت خاطر يتيم واتقيت الله فيه سامحني ياجسار أرجوك.
يقف أمامها وغشاوة الدموع تغتال عيناه بقوة
ورغم هذا يراها جيدا.. ربما هي مرته الأولي التي يراها بهذا الشكل الأدمي معه..كأن انسلخ عنها كيان أخر وروح أخرى قطرة الحنان الشحيحة التي هطلت عليه من حديثها هذا روته حد الثمالة.. كان قطرة واحدة منها تساوي نهرا جاريا قطرة واحدة محت الكثير كل معاناته.. كيف أذا لو فاضت عليه بينابيع من هذا الحنان كيف كان سيشعر لو حقا أحبته كأبنها يوم..
ربتة أخرى جاءته من توفيق وهو يقف جواره وعينه تفصح عن ندم يطابق ما ابدته زوجته وهو يقول 
إلهام عندها حق يا جسار وياريت نبدأ صفحة جديدة كلنا عشان ابنك بتولد وسط عيلة بجد..
ثم منحه أجمل وعدا تلقاه منهما وهو يهمس بصدق 
ابنك ياجسار هيكون أول أحفادي أنا وإلهام..
اللي حرمناك منه هنديه بطيب خاطر لابنك..عيلتك مش هيكون ناقصها حد بعد انهاردة.. انت هنكمل بينا زي ما طول عمرك كنت مكمل اللي قصرت فيه مع بابا موافق من انهاردة نكون عيلتك بجد
ثم بسط له ذراعيه لأخر مدي وهو يقول 
لو موافق تعالى في حضڼي.. قولي يا بابا زي زمان.
نقل جسار بصره بين ذراعي توفيق وإلهام ثم جده وشقيقه ليعود وينظر للأول ثانيا..ودون تردد ارتمى بين ذراعيه وعانقه بقوة ليبادله توفيق عناق شديد حاصر أضلعه وراح يقبل رأسه وهو يقول مبروك ياحبيبي مبروك.. 
ترك أبيه ثم نظر لإلهام وهي تبكي ليجثوا بغتة علي قدميه ثم التقط كفها ولثمه بتقدير لتنهمر دموعها أكثر وهي تربت
على رأسه بحنان مغمغمة مبروك ياحبيبي.. هنتظر من دلوقت حفيدي بفارغ الصبر.
بظهر كفه المجعد كفكف الجد نادر دموعه الآن فقط ارتاح قلبه تجاه حفيده الغالي.. لو انقضى اليوم أجله لما حمل هما له هو مطمئن ان صغيره يحيا وسط عائلة حقيقية تحبه دون زيف.. اقترب ليضمه رائف ويعانقه بقوة قائلا مبروك يا كبير.. بس أول عيل لازم تسميه على أسمي ماشي
ضربه أبيه بخفة وليه مش علي أسمي. 
_ لا يا بابا مع احترامي ليك اسمك قديم بصراحة. 
إلهام متدخلة بمزاحهم وهي تجفف دموعها سيبوه يختار هو ومراته بلاش غلاستكم عليه.. حفيدي هيكون اسمه مميز..وكل عصر وله أسامي تناسبه. 
دعمها الجد صح يا مرات ابني.. هنختارله اسم جديد ومعناه حلو.. بس اما نعرف الأول نوع الجنين. 
ثم نظر لجسار طبعا بكره أهل مراتك هايجوا يباركوا لبنتهم خلينا احنا اليوم اللي بعده كلنا هنيجي نزورك في بيتك ونبارك لشمس.. 
غمغم براحة طاغية تنوروا بيتي ياجدي.. هستناكم من دلوقت. 
وواصل معلش هستأذن عشان اروح البيت اطمن عليها.. 
توفيق مع السلامة ياجسار و وصل تهانينا مؤقتا لمراتك.. 
_ حاضر عقولها.
___________
عرفت أن اول حد هتجري تفرحه بالخبر جدو نادر
هكذا همسات بأذنه وهو يرقد جوارها محصنا بتشبث كأنه يعانق طفله ليرد همستها بأخرى
حسيت إن ماليش غيره ممكن بفرحلي بجد بس كنت غلطان 
أول مرة أحس أن في ايد تانية حنينة ممكن تطبطب عليه وان في قلوب ممكن تشاركني فرحتي أنا عشت سنين عطشان لنقطة حنان حقيقية انهاردة بس حسيت بيها يا شمس الست اللي عمري ما حسيتها أم ليا انهاردة كانت أمي اعتبرت ابني أول أحفادها تخيلي
ابتسمت بحنان سعيدة لأجله هاتفة الحمد لله يا حبيبي كرم ربنا مالوش حدود لما بيدي بيدي كتير..وانت من انهاردة مش مطلوب منك غير انك تفرح وتصدق انك مش لوحدك أهلي هما أهلك وعيلة جدك كمان بقوا عزوتك و ولادنا هيكونوا وصلة الترابط بنا وبينهم.
تنهد براحة وذراعيه تشتد حولها دون أن ټتأذي منغمسا بها خاشيا أن يكون كل ما يحدث معه مجرد حلم وينتهي.
___________
بصوتها الصادح أغرقت جمانة محيطهم مبهجة زغاريد من فرط فرحتها بحمل ابنتها لتشاركها صابرين والدة سارة الفرحة وهما يمكثان في بيت شمس بعد أن علموا الخبر من جسار و الذي عبر عن امتنانه لله في اليوم التالي حين وزع هدايا رمزية علي موظفي الشركة ليشاركوه فرحته الكبرى..أما رضوان وأمين فترجما

فرحتهما بمكافئة مالية عشرة أيام لجميع العاملين بالشركة.. حتى شقيقاها حمزة وريان لم يقصرا بإبراز فرحتهما بحمل شقيقتهما الوحيدة.. 
أما سارة راحت تقفز من الفرحة كعادتها أمام شمس التي قهقهت قائلة اهدي يا مچنونة.. 
_ انتي لسه شوفتي جنان.. ده لما يجي البيبي هبدع أنا وهو.. أنا فرحانة اوي ياشمس عشانك انتي وجسار كأن اللي جاي ده ابني انا كمان.. 
ربتت علي كفها بتقدير طبعا يا سارة.. أنا وانتي اخوات وولادنا واحد. 
ثم قالت بسعادة جمة أنا أكتر حاجة مفرحاني هي فرحة جسار.. كأنه طفل وأخيرا جاله هدية غالية.. مش قادرة اقولك بيعمل ايه من وقت ما عرف بحملي.. نفسي املي عليه البيت عيال عشان أعوضوا اللي عاشوا يا ساره. 
_ تعوضيه ايه 
تساءلت سارة بعد استشعارها مبالغة ما بحديث شمس لتبرر الأخرى سريعا قصدي يعني انه مش كان له اخوات كتير وعيلته مش كبيرة.. 
أومأت بتفهم أه فهمتك.. عموما ربنا يسعدكم ويقومك بالسلامة يامشمش.. 
_ يارب حبيبتي.
_ انما شوفتي المهرجان اللي عاملاه ماما وطنك جمانة بره أول مرة اعرف انهم بيعرفوا يزغردوا أساسا. 
_بركات البيبي يا سيرو. 
_ أه الله سره باتع..
يالا ياروح ماما اشربي الشوربة دي مغذية جدا صابرين مرات عمك اللي عملتها بنفسها.
هتفت بالعبارة والدة شمس لتصيح الأخيرة ممتنة 
تسلم ايدك يا طنط تعبتي نفسك.. 
_ تعبك راحة يامشمش وربنا يقومك بالسلامة
_ شكرا ياطنط. 
جمانة يلا ياسارة خلي آدم يشد حيله عشان تتجوزوا وافرح بعيالك انتي كمان. 
سارة ادعولنا بس وكله هيتيسر. 
صابرين ربنا يسهل أمورك ويفرحني بيكي ويقوم بنت عمك بالسلامة يارب.. 
غمغم الجميع اللهم أمين. 
_________
ماما كانت عايزة تيجي معانا للدكتور أول مرة
قالتها وهي تهندم وشاحها وجسار يغمغم مفيش داعي نتعبها وبصراحة أنا عايز انا اللي أتابع معاكي كل حاجة مع الدكتور واطمن عليكي بنفسي ياريت والدتك ماتزعلش
من كده.
يراقبان ملامح الطبيب المغلقة بشيء من الريبة بدأ يتسلل لقلبيهما لينهض الاول مختبئا خلف مكتبه مستعدا لإلقاء ما لديه وكم بدا الأمر صعبا وهو يخبرها بما رآه بمقدمة ربما تمهد وتواسي قلولهما.
_ أصعب حاجة على أي طبيب أنه يضطر يبلغ مريضه بحقيقة مش هتسعده بس ده امر ربنا وحكمته عشان كده يؤسفني أبلغكم أن الجنين ده مشوه.
كأن صاعقة هبطت على رؤسهما معا وهما يحدقان بوجه الطبيب بذهول وسريعا ما انطفئت فرحتهما و تكثفت سحابات دموع أنحدرت من أعينهما دون مقدمات خاصتا جسار الذي تلقي الأمر كأنه طعڼة غادرة أډمت قلبه وفتن فرحته.. طفله الحبيب الذي ينتظرة بفارغ الصبر مشوة لماذا
_ يعني ايه يا دكتور مشوة ازاي انت متأكد طب ماينفعش يتعالج وهو في بطني..مفيش اي حل ينقذ ابني أرجوك ساعد ابني يا دكتور انا مش عايزة أفقده وانا لسه مفرحتش به أرجوك.
بتوسل ولوعة تفطر القلب خاطبت شمس طبيبها وهي تبكي بينما ظل جسار أسير صډمته معقود لسانه ليجيب الطبيب توسل زوجته المكلومة تفتكري لو في حل ينقذه كنت هنتظر اقتراحك يا مدام شمس نسبة التشوه عالية جدا ومع كده هعمل إشاعة تانية أكثر دقة ولو زي ما توقعت للأسف لازم نعملك عملية تفريغ ونتخلص من الجنين وربنا يعوضكم خير.. 
_ ايه سبب التشوة 
نطق جسار أخيرا بصوت مرتجف واهن على مسامع الطبيب الذي أجابه بعطف هحدد ده لما أحلل عينة من الجنين نفسه وقتها