نادرة قلبى 3
المحتويات
نادرة_قلبي... الفصل_الثالث
حسن وصل بيت الحج موسى مع والدته اللي كانت مبتسمة و فرحانه له و بتدعي أن ربنا يتممله على خير
لأنها أكتر واحدة عارفة أن إبنها راجل بجد و تعب في حياته
يستاهل واحدة بنت اصول تحبه و تكمل معه حياتها.
الحج موسى خرج و سلم عليه
اتفضل يا حسن اتفضلي يا حجة.
جليلة بترحيب
اهلا وسهلا ازايك يا أم حسن
بخير يا حبيبتي و أنتي أخبارك ايه و اخبار مرجانة ايه وحشتني و الله...
جليلة بطيبة بخير الحمد لله اتفضلوا يا جماعة مش هنتكلم على الباب
حسن اتنحنح بنبرة عالية و هو بيدخل مع الحج موسى
جليلة تعبت نفسك ليه يا على مالوش لزوم يا ابني.
حسن بابتسامة دي حاجة بسيطة يا خالتي.
قعدوا في الصالون و جليلة قامت تدخل المطبخ علشان تعمل الشاي لكن لقيت نادرة واقفة وراء الستارة و هي بتراقبهم في صمت.
نادرة بمقاطعة و ضيق و هي بتدخل وراها المطبخ
هكون بعمل إيه بتفرج على عريس الغفلة.
جليلة بغيظلسانك هيفضل طول عمرك متبري منك يا بنت سنية ربنا يكونوا في عونه
نادرة هزت كتفها بدلال و شقاوة
دا أنا حته ملبن يا مرات ابويا هو يطول.
نادرة و الله أنا مضربتوش على ايديه أنا كدا و مش هتغير....
جليلة ماشي يا أختي ياله عشان انتي اللي هتقدمي العصير.
نادرة بضيقيشربوا قهوة سادة على روحه البعيد...
جليلة بخبثبكرا نشوفك يا نادرة عدي الليلة على خير.
نادرةهاتي الصنيه خلينا نخلص
حسن كان قاعد بهدوء و ملامحه هادية جدا فيها من الهيبة و الهيمنة اللي يخلوه مميز
حسن بجدية شوف يا حج موسى أنت عارف أنا مبحبش اللف و الدوران أنا طالب ايدي بنتك نادرة.
الحج موسى بابتسامة جادة و أنا مش هلاقي لبنتي أحسن منك يا أبو علي و بعدين دا أنت تربيتي.
حسن بجديةبس اللي أوله شرط آخره نور يا حج شوف طلبتكم و أنا ربنا يقدرني و اللي تطلبه أنا سداد.
دا أنا هستئمنك على بنتي يبقى الفلوس أمرها هين و بعدين مش إبن الصياد اللي حتة ورقه هي اللي هتخليه يتعامل مع أهل بيته كويس.
حسن ابتسم بود و اتكلم بصراحة
بس الحق ميزعلش يا حج انا بجهز شقتي دلوقتي و ان شاء الله شهرين تلاتة و تكون جاهزة
شوف أنت جاهز امتى و تيجي تتفرج على الشقة و لو في أي حاجة أنا إن شاء الله هظبطها.
الحج موسى يبقى على بركة
متابعة القراءة
