فريد

وانه هيكون بخير معاك بس فريد ده من ريحة شمس واللى مصبرنى ع فراقها بالله ما تعمل كده وتحرمنى منه
مدحت بهدوء وانا عمرى ما احرمه منكم فى اى وقت تحبى تشوفيه تشرفينى ده بيت اخوكى وكمان كل اجازة هجيبه يقضى معاكم اليوم كامل بس عشان خاطرى انا لو بتحبيه لازم تفكرى فى مصلحته ومصلحته انا والله انتى عارفة انى زوجتى عقيم مش بتخلف يعنى هتحبه اوى وهتكون فى مقام امه 
تغريد ايوة بس انا اتعودت ع وجوده معانا بالبيت مش قادرة اتخيل انى هقوم من النوم مش هلاقيه
مدحت يا تغريد افهمى كلها كام شهر وهتتجوزى وهيكون ليكى بيتك وجوزك وامك مش هتقدر تقعد بيه لوحدها وكمان فريد لازم يكون عليه رقيب وانا اولى بيه
ابتهال مدحت معاه حق يا بنتى فى كل كلمة قالها سبيه ياخد ابنه كفاية عليه يا قلب امه الفترة اللى فاتت واللى شافه وهو لسه عيل
تغريد طيب هقولك ع حاجة احنا نسأله الاول ولو وافق يجى معاك مش همنعه
مدحت تمام اللى تشوفيه 
ندهت تغريد ع فريد وسألته فريد يا حبيبى هسألك سؤال يا عسولى وتجاوب بصراحة من غير خوف اوك 
فريد اوك يا خالتو
تغريد بابى جاى ياخدك تعيش معاه انت عاوز تروح معاه ولا تقعد معايا انا وتيتة !
فريد بصراحة ومن غير زعل 
تغريد امممممم 
فريد عاوز اقعد مع بابا وطنط مها انا بحبها خالص وبحب بابى وبرتاح معاهم زى ما كنت مع مامى 
تغريد بۏجع حاولت تداريه ماشى يا حبيبى بس توعدنى انك هتزورنا ع طول وهتسمع الكلام وتكون مؤدب وشطور 
فريد وعد 
تغريد طب يلا يا بطل نحضر شنطتك وحاجتك 
فريد بفرح يلا
مشى فريد مع مدحت وكل جمعة كان بيجى يقضى معاهم اليوم ويبات ويروح السبت الصبح ..... وبعد مرور ٦ شهور اخرى اتجوزت تغريد من عمر واصر عمر ان والدتها تيجى تعيشى معاهم لانها كبيرة بالعمر ومينفعش تكون لوحدها وفى يوم عرفت تغريد انها حامل وفرحت جدا وراحت عملت سونار عشان تعرف نوع الجنين وزادت فرحتها لما عرفت انها بنوتة 
تغريد انا فرحانة اوى يا عمر حامل فى بنوتة زى ما اتمنيت 
عمر بفرحة الحمدلله يا روحى متعرفيش انا كمان مبسوط اد ايه
تغريد طب وناوى تسميها ايه
عمر هنسميها شمس
تغريد بدموع يا روحى انت
وبكده نقول تمت الحكاية بس حابة اقول من قلبى شكرا ع التفاعل اللى حببنى وشجعنى بقوة انى اكمل الرواية وشكرا ع كل كومنت لطيف وتفاعل بالتوقعات وان شاء الله بكرة بارت جديد برواية جديدة 
النهاية ... لو عجبتكم عرفونى بالتعليقات عشان ابدأ قصه الالبوم الجديد