شحص اخر

ماله  
شكله حلوة اوي... 
بس شكله غالي... بعدين انتي مش مكفيكي كوم الكياس اللي انا مسكاهم دول  
بس انا عيزاه... آخر حاجة و النبي يا رهوف... 
طيب... روحي شوفيه بكام و قيسه و انا هستناكي هنا... 
اوك يا حبيبي... 
دخلت سهيلة ذلك المحل... فتحت رهف شنطتها لترى ما تبقى من مال... 
ياربي !! نص المرتب ضاع اهو و انا لسه في اول الشهر... و لما اقولها اهدي عليا تزعل... و انا مش عايزة ازعلها ولا احسسها انها اقل من حد من صحابها في الجامعة... بس بجد مصاريفها كترت !! 
رهف... 
إلتفتت لذلك الصوت... رأت شخص غريب لكنه مألوفا لها 
مش انتي رهف مصطفى محمد  
ايوة انا... حضرتك تعرفني حساني شوفتك قبل كده... 
انا كريم... 
كريم مين بالضبط  
يا بت انا كريم ابن خالتك سهير... 
احلف ! 
والله.. حتى بصي نزع الكوفية الذي يرتديها الوحمة اللي حضرتك بتعايريني بيها من صغري... 
ضحكت رهف و حضنته في الحال و هو بادلها العناق... ابتعدت عنه و قالت 
ليا سنين كتير مشوفتكش... آخر مرة شوفتك فيها لما كنت تالتة إعدادي... 
اه فعلا عدى زمن... انا عرفتك من شعرك... قعدت اقول دي رهف ولا لا... ف قولت أسألك... خۏفت متكونيش رهف... كنت هاخد كسفه حلوة... 
لا انا رهف يا سيدي... بس ايه يا كريم الحلاوة دي... نفضت ياولا... اوعى تكون استحميت ! 
انتي لسه بتقلشي بأم دمك ده... 
والله وحشني التنمر عليك... اقولها  
اوعي تقوليها !! 
وحمة دي ولا بقعة كلور... 
يا رهف بقا... انتي لسه غتتة زي ما انتي... كرهتيني في أم الوحمة دي... 
والله من اول ما سافرت انت و والدك... ملقتش حد اتنمر عليه... بس انتوا سافرتوا السعودية... ايه اللي جابك هنا  
جالي عقد عمل... 
في الجو ده يا ابني انا من البرد اللي هنا لابسة الدولاب كله و بردانة... 
بس انا اتعودت... 
شكلك بقالك كتير هنا... 
داخل في السنة... بقولك ايه... بمناسبة اننا شوفنا بعض بعد السنين دي كلها... تعالي اعزمك على أكلة سمك... 
ياااه انت لسه فاكر اني بحب السمك... 
اه و كنتي بتسرقيه من أمي... 
ابو قلبك الأسود ده... انت لسه فاكر ! بعدين مامتك تبقى خالتي... اسړق سمك منها هي أحسن مني أسرق من الغريب... 
طب يا ختي... في مطعم اعرفه قريب من هنا... أكله خطېر... هيعجبك اوي... تعالي... 
ثواني سهيلة تيجي... 
بحاول افتكر اسم اختك من اول ما شوفتك... ايه اخبارها  
كبرت و دخلت الجامعة هنا... 
والله كلية ايه  
طب بشړي... 
حلو اوي و مستقبلها مضمون... ربنا يوفقها... 
يارب... 
أتت سهيلة و معها الجاكت الذي اشترته 
اشتريته... شكلها قمر و مظبوط عليا... 
مبروك عليكي... بصي لقيت مين... أشارت عليه ده كريم ابن خالتك سهير... 
نظرت له من فوق و تحت بتكبر... مدت يدها ف سلم عليها 
ازيك يا كريم  
تمام الحمد لله... و انتي  
تمام نظرت لهاتفها طب سلام بقا يا رهف... صحابي مستنيني... 
رايحة فين  
صحابي عاملين سهرة في شقة مريان بمناسبة انتهاء الفاينال... هروح اقعد معاهم و احتمال أبات كمان... 
تباتي فين بعدين مين مريان دي  
صحبتي و معايا في الدفعة... 
اه... اقعدي معاهم لكن متباتيش عند حد... 
يوووه بقا يا رهف... انتي قديمة اوي... 
انا خاېفة عليكي... 
مټخافيش... كلنا بنات في بعض... باي... 
يا سهيلة... 
تركتها و ذهبت... انزعجت رهف من اختها... فهي لا تستمع لأي نصيحة منها... 
احم... يلا بينا  
يلا...
عمرك ما خيبت ظني يا كريم... الاكل تحفة... كنت محتاجة العزومة اللطيفة دي... خلاص غيرت فكرتي عن الاكل هنا... و حفظت مكان المطعم ده عشان اجي هنا على طول... 
بالهناء و الشفاء يا رهف... فرحيني بقا و قولي انك اتجوزتي... 
لا لسه... 
اومال مين كانت قرفاني في عيشتي زمان و تقولي أول ما هكبر هتجوز... 
كان نفسي اتجوز بس عشان ألبس الفستان الابيض... الوضع اختلف... 
اختلف ازاي  
انت عارف ان اول ما مامتي اټوفت... انا مشوفتش صنف راحة... و بحاول على اد ما اقدر مخليش سهيلة تحس بغيابها ... بس الظاهر دلعتها اوي... زي ما انت شوفت... مش بتسمعلي كلمة... 
طيش مراهقين... كلنا مرينا بيه... 
بس انا كنت هادية في فترة مراهقتي... 
اه كنتي هادية موووت... 
ضحكت و هو كذلك ضحك... 
طب امشي انا بقا... 
ما تقعدي الوقت لسه بدري... 
لا مش بدري... قطاع الطرق بيظهروا من الساعة 10... 
انتي شوفتيهم  
لا... جارتي الروسية قالتلي و نبهتني منهم... 
انتي بتتكلمي روسي  
ايوة... اومال هنا ازاي  
لا افتكرك بتكلمي الناس هنا انجلش... اصل انا اول ما جيت مكنش متعلم روسي... بس اغلبيتهم الروسيين بيتكلموا انجلش... بس اضطريت اتعلم روسي عشان محدش يضحك عليا...