شحص اخر
المحتويات
ابات... قولي امشي... و انا مش هزعل...
يا ابني تمشي ايه... ده انا مصدقت جيت... انا بقول كده عشان رهف متتضايقش...
متجبليش سيرتها...
اممم... شكل كده الحوار كبير... ممكن تحكيلي
مش عايز احكي...
تمام انا فاهم ان دي مشكلة بينك و بين رهف مراتك... مهما علاقتك بيا قريبة و احنا صحاب... أكيد مش عايز اعرف... لان دي خصوصية و كده...
على الاقل قولي انت حاسس بإيه دلوقتي
رجع يحيى بظهره للوراء و نظر للسقف... تنهد و قال
حاسس إن انا اتسرعت في جوازي من رهف...
ليه مش انت بتحبها
اه بحبها... بس النهاردة خلتني افكر في كده... هي مش بتحبني زي ما حبيتها...
يحيى... اي اتنين متجوزين بيحصل معاهم مشاكل... متخليش المشكلة اللي حصلت دي تعمل فجوة ما بينكم...
رهف قالت كده
اه... مستغرب ليه
طبيعي استغرب... كلنا عارفين انها بتحبك...
كانت بتحبني...
قصدك ايه
هي مبتحبنيش... كانت بتحبني من بره... و لما عاشت معايا لقيت عكس تواقعاتها... بطلت تحبني...
مش عارف... بجد مش عارف... كل اللي عارفه ان العيب فيا... انا انسان لا يصلح للحب نهائيا...
يحيى متقولش كده...
اومال اقول ايه كل حاجة من زمان بتوضحلي كده... هفضل لحد امتى اهرب من الحقيقة
يحيى اهدى... اكيد في حاجة غلط... ممكن في حاجة دفعتها تقول كده...
يحيى...
معلش يا خالد انا مصدع... هنام...
طب تعالى نام جوه... الاوض كتير...
لا... انا تمام هنا...
زي ما تحب... هقول اجبلك بطانية...
ماشي...
دخل خالد غرفته و احضر الغطاء ليحيى... خلع يحيى حذائه و تمدد على الاريكة و شد الغطاء عليه...
لا... شكرا يا خالد...
مفيش شكر ما بينا... هروح انام انا كمان... و مش محتاج اقولك البيت بيتك... خد راحتك...
تسلملي يا ابو الصحاب...
والله انتي خليتي لساني عاجز عن الكلام... يعني ايه بقالكم اكتر من شهر متجوزين و انتي لحد الآن لسه عذراء... و فوق ده كله تقوليله مش عيزاك في وشه !! انتي بتهزري يا رهف
عشان انتي خاېفة من عمر تقومي تخربي جوازك... مين عمر ده اصلا عشان يتدخل ما بينكم للدرجة و يخليكي تمنعى جوزك انه يقربلك
بقولك انا خاېفة... و عمر متخلف و ممكن يأذيه بجد...
ماشي و بعدين هتفضلي طول عمرك عايشة مع جوزك من غير ما يلمسك رهف انتي اټجننتي اللي بتعمليه ده حرام اصلا و غلط كبير... و ايه الكلام اللي قولتيه ل يحيى ده في وحدة عاقلة تقول لجوزها كده و اسمك بتحبيه... اومال لو مش بتحبيه كنتي عملتي ايه !
عارفة اني غلطت في حقه... بحاول ارن عليه مش بيرد أبدا... أكيد زعل مني...
ده الأكيد يا رهف... أكتر حاجة بتوجع الراجل انه يحس انه مش مرغوب من حبيبته... هيحس انه فيه حاجة غلط... و افتكري كويس... هو حس كده لما ريم خانته... و انتي خلتيه يحس نفس الاحساس لتاني مرة بعد ما قولتي كلامك السم ده في وشه... في وحدة تقول لجوزها انا قرفانة منك ! ياربي عليكي يا رهف... مش عارفة الاقيلك عذر من كل اللي عملتيه ده...
خلاص يا كفاية يا حبيبة انا مش ناقصة و فيا اللي مكفيني !
انا مش بقول كده عشان اوجعك اكتر... انا بقولك كده عشان تعرفي انك كسرتي قلب الراجل اللي بيحبك بسبب خۏفك ده... بجد صعبة في حقه ڪراجل... أكيد اضايق اوي منك... ممكن بسبب الكلمتين دول يبص لوحده تانية عايزاه...
قصدك انه ممكن يميل ل رغد !
و ليه لا رغد مستنية بس تأشيرة منه... لأنك انتي بعدتيه عنك... و لو هو اداها وش... هيجرحك زي ما جرحتيه بيها هي...
لا مستحيل... مستحيل يحيى يخوني... مستحيل يعمل كده !!
رهف... اركني خۏفك على جمب و صلحي اللي انتي عملتيه ده بأسرع وقت قبل ما الحوار يطول... لان لو الحوار اخد وقت... يحيى هياخد منك موقف و هو اللي يبعد عنك مش انتي اللي تبعديه...
طب انا مش عارفة هو فين دلوقتي
خالد بعتلي رسالة على الواتس و قالي ان يحيى بايت عنده...
الحمد لله طمنتيني... اروحله دلوقتي
لا الوقت اتأخر اوي... و غير كده أكيد مضايق دلوقتي... سيبيه يهدى شوية و روحيله بكره... و لما تروحله ارجوكي يا رهف مهما قال و مهما عمل...
متابعة القراءة
